¹ Qoma'r Yesu inwa/eet baraay iwa gawaa' tlomar dahhi bo/aay yarir nguna digirdeli. ² Qatsiit hee tiqitir tsatmiit nguna harada qay ire gureengeiit dir gerawo's ina oo Aako baraa' ya/aand i alesleer iwa hhoohhooe's. ³ Yesu dakos nguna tumu'uu's ngure kwatiit ire oo aga ya/aam hhohhou'w disir kila tiqitiro's todar tsatimiit ina hhoe'r. ⁴ Yesu ina oo qaytsiit kangusi mu hee wa ooa'r. Urusumo salingw (kuhani) nee ilahhoadar Musa na hara ay ham=niseek as hhoemuwo'k nguwa tsahhiya'. ⁵ Qomar Yesu iwaharda Kapernaumu urusumo askari ina amor Yesu ka'y, ngure yahaa's. ⁶ Iwakahi "Aako sagadisumooe' aqaat dir do' asolo'oomit nee slahha'aamaye ur ngi ko'n." ⁷ Yesu ina oo' ni xaaw nee u hungu'/uus urusumoda oo askari ina oo Aako. ⁸ Urusmoda oo askai ina oo Aako ani a harimaka kuung niwxwr tareda't baraa' kuru do'ee' /aymu kilo's oeek sagadiyusmoee' ihhoa'y. ⁹ Asma ani sleeme a hee' baliir koom nee sleeme askarir dir' een barey dirii ar ani ni baliit i deer kwih bura ba'w tla'w aqoo i tla'y nee oo hatla bura baw qwarang aqo ninxa'y nee sagadiyusumoee' ti tlehhe nee aqo tleehh toda ngwa bow ngin tlee'hh. ¹⁰ Yesu idosi ngiwa axaa's ina wa/oo' nee kwoda ngu digirdeliita ngire ba'y loeeemawo ani a kah ugaarika hee idor kwih oo haratlingaor kwom baraa' mu'k Israeliwo. ¹¹ Tunubobaw oo yariir ni hardihiya oo da/aa dahha' nee oo /uyuku dahha i iiwitiiya dinkwa nee Abrahamu nee Isaka nee Yakobo baraa' wawiti'iimar dawriwo. ¹² Ala na/aa' wawiti'iimari kin kwah baraa' /onar afeeni an dir tawa/a/amin sehheni kire kikiihh. ¹³ Yesu urusumoo'da oo askari tlaatlaw tisi ta haratlinti i tlehharuut diroge nee sagadiyusmoowo's kwada kunahho'ees qomasir kila'. ¹⁴ Qomar Yesu iwa harda dir doo' Petro, ayor haree Petro ngina ar ii tiq ukuriito a qat. ¹⁵ Yesu ngina dawa kwatiit, nee ukurito's ire hhoeer, alo ire hara tleer sagadiyus. ¹⁶ Aluwo xweraaxu'i niwaxa'yee' mu'k yariir netlame a bal kungure huwaahuu'w amo'r Yesu netlameda ngire gusiisin nee mu'k mama/ ngure hungu/umiis. ¹⁷ Asmaidoriye toda arusumo Isaya a oo ire bo/' iwa oo' ino's oo kila ' mama/ar tiren ngina oh nee slahha'aamuren nguna gaga'r. ¹⁸ Alo Yesu iwaqaytiit bo/ay ngwa harwer axweni ngina oo' ar tawa barta hatla ka'y ar tlawiita' Galilaya. ¹⁹ Aluwo gousmoo ina amor ino's ka'y ngure ba'y intsahhatusmoo un digirdel amo'r taqo kaera. ²⁰ Yesu ina oo' intsawe ii bohonteri koo'n nee tsir/o ii tsuremain koo'n ala garma hee ta'm dir sago's nguy tlambarahhas, i ka'hh. ²¹ Eharusmoo hatla gnuna ba'y, "Aako Pa/angw hanisa'ng babore'n u ala fool. ²² Ala Yesu nguna ba'y ani digirdela'g nee tu'u gexaweek tu'uuin ngi folitiye. ²³ Yesu iwadah baraa' malaliimo eharuseros ngure digirdel baraa' malaliimo' i alero'. ²⁴ Qaytsiit fur'ar (yariir) ur gawaa' dando tlawi malaliimo kure hatsiis nee ma'aay. Laqabitlaa ala Yesu a guu qomasiye'. ²⁵ Eharusero's nguna hara daqaye nguna tlesiye ngure ba'ye' Aako ate ti ba/aamis hhamiiro aga naka/a'n. ²⁶ Yesu nginaba'y ihii a mila masdi'imiita kuunga kwisi haratlintao niina? Nire tla'y tur'a nee tlawi ngire i gahhaa't alo fur'a nee tlawito nire xaslitiye. ²⁷ Hhawateda tare wa/oo/ tare oo' heewi a hee' idola tam kun ila iwaawa'/ nee fur'a nee tlawi sleeme? ²⁸ Yesu iwa barta hatla ka'y ar aya magadala tina dogiye nee hhawate tsa'r oo netlamer koma i amo'r ba'u dahhiya' nee slanti ki do'ordihha' ta'm hee' uruwada warahhamuwo' ngi qitl i kahh. ²⁹ Qaytsiit nina u'iiye takahii, amila arta tlehhan dirog garma Mungu? Ninaxeri as ate'n tunuwaslehhe'es dir qoma narxeriika? ³⁰ Alo Baymorka' (Nguruwudukari) yarir i (qaya') dir'in toda'e ki saweka' wa lo'. ³¹ Netlameeda' ina kumiit umoro amor Yesu i kat burutunaigahhat tawa ti'iitan tunuhup amor (nguruwuduqa) baynorta. ³² Yesu ngina ba'y tlawse! Netlameda ina ti'iit dir mukdae' nee ire amo'r bayno'r keer. Nee qatsiit Baynoda ina /eet wa gawaa' tloma ay baraa' tlawi nee slee'meero ire hhane baraa' ma'aay. ³³ Hhawateeda Bayno'r de'eema tanatiaain ay amo'r gixsa. Nee umo garo ngina alki/itii ak' alero toda a tlehharuut dir hhawateeda neetlane a bal. ³⁴ Qaytsiit muk gixsa slee'meero ninaxaye nee Yesu tiwadogiya, nguwa arii ngure harhhehhe'eesiye iwa qutli baraa' ayaiine.