¹ Muu Musakwaslemutar kuung' mutuwasakwaslemuut sleeme. ² Sakwaslemada muu kur sakwaslemu kuu'ng tusakwaslemuut ner idosi smeeme, nee harqomayda' tar qomamees kuu'ng tu qoomees ner idosir kila sleeme. ³ Nee ihii mila mas parahhamita xa'ano ar baraa' iltahhiyawo'k an xuxu'uun nee atsatsahhandaka tli/ismo baraa' ilto'k u tsatsahhandaka'? ⁴ Idor hhiyawa'k kur ber lakiit Parahhanta baraa' ilto'k ngi hengee's nee hhe'ee' tli/isumoo' i baraa' iltok? ⁵ Kuu'ng a hhahhafsmo, tsi/ismo na ala duuxe baraa' iltoge, nee daqate arahhe'es parahhamita xa'ano baraa' ilta hhiyawo'k kare du'x. ⁶ Soaawe ma gar hhohho ihanisar nee misli ma kwahhar geraa' bayno asma ngin hhitina ngire kal/ana ner ya'aa' nee slanti kuung uni warqaya' urefehhamisiya' ure qasimisiya'. ⁷ Firiim kuung tu qa'y, lelehhiit kuung a sle'r. /Akaa' afdo' ku dux. ⁸ Umoo hee' qofiririma ngi ilaoh. Nee hee' qo leleehhiita ngi sla'y. Nee hee' /akakaa' wa dir tsufa'y do' tsufa'y ku gwer. ⁹ Laqaa' idero baraa' tla/angwhunge oo na/aaywo's armo ngwa firin ino's ngure parahhamita tla'/ano i haniis? ¹⁰ Laqa samakamo' ngwa firin ino's ngure amato/iri haniis? ¹¹ Hhe'ebar idosi kuu'nga kwisya' oo iringuse bar hhoo' haniisar dir na/ahunge an xua'a, xa'y Babohung kwada gawaa' dawri a idola idor mowoo' ngur hanisi dir mukda' ino's ngu fiririim? ¹² Asma idosiye bar sla' ga kingiwa tlehhi kiro'k nee mu'k hatla kuung sleeme harin inooin kiwa idosir kila' i tlehhiit. Asma hara'ayari Musa nee aruse an idosi. ¹³ Dahe' tawa wrahha' ar tsufa'y irakw asmarko tsufa'y ku itlaaxw nee uruwa ka itlaaxw ar baraa' hhituru'uumar ka'w (laqa qwana'y kaw) nee muu ku yarir oo uruwasi deliit.. ¹⁴ Tsufa'y ku irakw, tsufa'y irakw an uruwar muu gerharahar baraa' slafingw nee kinina oo ngi aleslawa arto. ¹⁵ Ti harmagahhe dir aruser lamato, onixaxawa ta tsitisiye ner kaduu' be/angw ala loemawo ltsawer dihhaa'. ¹⁶ Itsahha' ner (/amuin) tlehhmi'in, xay muu /amuu sabibu ku bu'una wa baraa' laaqaya? Laqa /antsi wa baraa' laqaya? ¹⁷ As idosiye umoo xa'no hhoo' /amuu hho' ngun laqwaa'l nee xa'ano tlakw aqo /amuu tlakwa ngun laqwaa'l. ¹⁸ Xa'ano hhoo' /amuu tlakw ngu laqwalika' ta'm sleeme xa'ano tlakw /amuu hho' ngu laqwalika'. ¹⁹ Umoo' xa'ano /amuu hhoo' laqwalimaka' kun tsaat kure kwahh baraa' asla. ²⁰ Gawaa' idosiye itsa'hh ner (/amuin) tlehhmi'ii'in. ²¹ A umoo heewaka kwada to kahh Aako Aako oo da'h baraa' wawiti'iimar dawri ala aqo har kwada' sla'arir Babooe' oo gawaa' dawri ngi tlehhiit. ²² Mu'k yariir barlosiye i baya Aako Aako Aru'uuma aga uiimaniike ar umoowo'k, netlaame aga duxutaniike' ner umoowo'k nee ner umoowo' ge tlehhe'mii yariir oo wa/o/amo ina tlehhitaan? ²³ An dir ngiwa ba'w tunatsahhiika kuunga qutle dir eenee kuunga kwisiya tlakwema tlehhahhita'. ²⁴ Asma idosiye kila hee' axwenitae' axamiis ngire /ia looee's a slaqa's nee hee' sagalo' do'o's ngwa tlehh dando tlaa/a'. ²⁵ Tluwaa'y i tlu' wa/eri nina wa/iye nee fur'a nina harda't do'da nguna fukukueln ala ahuiika yaamu' asma kwa tlehh dando' tlaa/a'. ²⁶ Ala umoo hee' axwenta'ee' ngi axamiis nga iia lo'eesika aslaqamis nee hee (daktani) laqa tlifusumoo oo do' ngwa tleehh gawaa' hhasangw. ²⁷ Tluwaay ti tlu'w wa/eri ina wa/iye fur'a nina harda't doda ngure fukukuelin nee ire huu' ire hhituruuta hhe'ees. ²⁸ Qomar nina xeer Yesu axwemiti ngiwa hhe'ees axwento bo/ayda oo muu tana wa/oo' as intsahhatisaro's. ²⁹ Asma ina intsahhatimiis idor hee balir kom nee a idor gouser'iineeka.