¹ Tlehhimii gana'aa' mi tlehhitaa' dir geraa muu as tiwalaqa qan, idosiiye qeemu ta sler i kahh oo amo'r Babo gawaa' dawri daahh. ² Gawaa' idosiye gaa br hanimiis dir hee ma uumimar tiwa kilog xirfeemis idor hhahhafuse ta tlehhiit baraa' mare slaingo nee baraa' uruduwo as kiwa kirfemisi nee muu loema ana kah bu'utuin ngwa qaro slaye. ³ Ala kuung bar gar hanimiis dir hee tam dakok oo basay gar dako uyay mingiwa xuu'. ⁴ As gidaaba' ale/isaywoak kuwa tlehh ar bar lu/aray, nee babowak kwada kangw lu/araay ngu (xuu') ga/aaw kuung uqay. ⁵ Nee bar fiririin ma idor hhahhafuse tlehhitar asma inooin gar ta sali tan sihhimiit baraa' maray slaingw nee baraa' urudu as gidaaba' kiwa ga/ay nee muu loema bu'utuin ngwa qaro slaye. ⁶ Ala kuung bar fiririin dah baraa' qotlongok tsufay tsege ta firiin amor Baboowa'k kwada baraa' nahha tari dirii, daqate baboowo'k kwad xumiis wa baraa' nahhata qeemuwa'k ngu haniis. ⁷ Nee bar fiririin /aymiier gidaabar komama'aaka mi'iikiki/ar idor xoordu hatla itlehhitiya, asma a inooin ngiwa xu'u'a gidaaba' ki iar ii qaas as /ayme'eeri yariir ta o'u'n. ⁸ Gawaa' idosiye ma idor inooin tlehhitaar asma |Baboowo's toda kuung ta sla' ngi tsatsahhatam imir kuung' kawa firiindika'. ⁹ Idosiye kuung firim neer idor Babooren oo dawri dirii umowo'k ii xirfuude. ¹⁰ Wawiiti'iimaro'k ni hardat, sla'aaar rok ii tlehhiit diriir yaam idor amor qa ar dawri. ¹¹ Moroo/amaren oo daqsleem slawaang bilii. ¹² Tlakweesaren gurtlaweek idoda, ate'n kwada ate'n ta satlakweesi kir gurtlatlawan. ¹³ Mitinihuwaar baraa' iara'aat, ala tunub/amiis dir tlakusmoode'e. ¹⁴ Bar tlakwesar muu aga gurtlere, Baboohuung oo gawaa' dawri sleeme kuunga tunugur tlay. ¹⁵ Bar tlakwesar in aga gurtleeri'iika tam baboohuung tlakweesarhuung ngi gurtlayka. ¹⁶ Ak ale, baraa' tsegiin slaqsay gurhami mlaqamar idor hhahhafuse i /imiisiya, asma getse/aain kin wageqay as kiwa tsahhi nee muu idor ira tsegiine loemawo ani kah bu'utuuin ngwa qarooslaye. ¹⁷ Ala kuung' baraa' tsegiin di/i slikeek gawaa' sagok nee getse/awok kihamatl. ¹⁸ Idosiye ti laqaandoka geea muu idor tar tsegiin aqo haar dir Baboowoh kwada oo baraa' nahhtari diri. Nee Baboowok oo xu'miis wa baraa' nahhta qeemuuwok ngu haniis. ¹⁹ Qoasirook ma kitoak amohhemisar wa baraa' yamuuka' dir babi nee kutu ngiwa hiitiina' dir fisuse i fe/ ire (fisiin). ²⁰ Qairoak amohhe'eesek kilog ale gawaa' dawari dir babi laqa kutu kawa hhitina ka nee diri fisuse i alesleraka fe/aro nee fisaro. ²¹ Asma dida qasiroak i dirii' aa dir nunawoko i dirii sleeme'. ²² Ila a tsa'asir slaqwa. Idosiye bar iltok ka hhoo' slaqwa slee'meero ka hatsiis nee gwa/atema. ²³ Ala bar iltok ka tlakw, slaqwatak slee'meero a /onar boo/ wa lo' gawaa' idosiye bar gwakitema barawo'k i diria a bo/ar kila /onasi bo/aro's a idola. ²⁴ Hee tamo wa'k i kahh oo hhawate tsar ngi aleslaw sagadiyedae asma oo wak ngun slaa nee kwoqa ngun sii laqa tin barta hee wa'k ar oh kwoqa ngure waqaa' Iya/andaka Mungu' nee Daqari'iimaro kiwa. sagadiyusa. ²⁵ Gawaa' idosiye un babow xure mawe baraa hatawoge gidaaba' garta/ay a mila? Laqa garta wa't a mila/ Laqa baraa' slaqwatoge gar ta dahas a mila? Xa'y safiingw ku ak bariloeke ta moroo/a yamaro? Nee slaqwa ka aka bariloeke ta'y tsiyay wo? ²⁶ Qotsiit sirlor i dahasindaka nee ibu'undaka' nee Iburumburindaka' baraa' kunto ala Babohuungw oo gawaa' dawrii ngin /aymiis, xay kuunga tun aka bariloeeke, ta tsiri/oro? ²⁷ Nee a ma'aa baraa tla/aangwhunge as dawitimero ta'm hee qomar nin ngi do baraa' slafiingose? ²⁸ Nee amila mas xurumita gawaa' tlabawo? /ayor baraa' qamuu alkakwek idor ir uraren i gadiyusaka' ti alesleraka tsitisaro. ²⁹ Ta'm hind a kah tam sulemani baraa' xirfoowoo's slee'meero kwa tsitisika idor ar wak baraa' /ayoriye. ³⁰ Bar Mungu' lo/o ngin tsitimiis baraa' qamuwo' ar bra delor wak nee matlo ka kwahh baraa' ala, xay a har idola idor kuunga tunurtsiiisi, kuungasi haratlintao nina? ³¹ Gawaa' idosiye maxurumitara tawa kata' ma /ayaan? Laqa gartawahan a mila? Laqa xay tawuta dahasan a mila? ³² Asuma xordu morosi ngun lelehhitiya nee Baboohuung oo gawaa' dawri ngi xu' idor moro'si kur sla'aa. ³³ Ala gar geera wariiti'imaro's lelehhaak nee gana'aamuwo's nee tisi slee'meero ki ngi diro'k ii sayiin. ³⁴ Gawaa' idosiye maxurumitar as matlo asuma matlo, ti kilo's sadawit. Umoo baloro idawitamero's koon.