¹ Yesu bo/aay nguwa ar ina tlay ire baraa' tlomar kay iwa iwiit yaamu eharusero's ina amoroo's kaye. ² Afuwo's nguan watlee's nee ngina intsahhatiimis ina oo'. ³ Tsini kwada narko qeeru koma asma wawiti'ii mar dawri a toin. ⁴ Tsini koda gurhamuta asma ki gurkwa/aas. ⁵ Tsini kwoda tsaan asma yaamu ngi aliya. ⁶ Tsini kwada qwari nee waxar ganaa ngi kooma asma kwisya ki axiis. ⁷ Tsini kwada kurtlemu kooma asma inooin ki gurtlay. ⁸ Tsini kwoda mune hho asma Mungu' ngu ariya. ⁹ Tsini kwada haraki/imisa asma kwisya ki na/aa Mungur /akaa'. ¹⁰ Tsini kwada ta slehhee'eemisi as gana'aamu asma wawiti'iimar Mungu' a tooin. ¹¹ Tsini kuunga kwoda ta /o slislingw ay nee muu nee slehhe'eemiis laqa umo gar qotlakw kawa dandemohung i ooin ar lama as umooe. ¹² Awalala/e goranguse asma bu'uutuhung ku ur gawaa' dawriwo asma idori an idor muu aruse kar slehhe'eemiis kwada na hotiiye geera kuunga wa ale. ¹³ Kuunga' a diwita (yamuka) dando yaam hhe'ee diwi bira (hhitiruut) mamahay ngwa qwarees idor ire mamahhay ki/i a idola? ¹⁴ Kuunga a gwa/atema dando yaamu gixsar ta tlehhe gawaa' tloma ti lu/uuka. ¹⁵ Sleeme muu tsa'aasi ka ta/iika kare qaa's nahhata aqo kan qaas gawti ale nee mu'k barado nguni gwa/aat slee'meero. ¹⁶ Gwa/atemahung i gwa/atiiye geera muu ner idor gidaaba kiira ari tleehhimihung oo hho nee Baboren oo gawaa' dawri kuwa xirfeesi. ¹⁷ Makahara nina xaaw hara'aya ngiwa hhitiim laqa aruse nga hhitimar awiika, ala ngina bu'uutisar aaw. ¹⁸ Looeemawa tunubababow gidaaba' ay dir yaamu nee dawari i warhhiye sleeme ikahha tam kale wa'k oo hara naaya oo ta hengesi baraa' ayaro ay dir umoo garo kawa bu'utisi. ¹⁹ Idosiye oo ar wa'k nga geqay baraa' alqadaori ninakw ar wak baraa' alqadoriye nee mu'k hatla ngure intsahhatiis idosi kawa tlehhi kwisi kun ninemar /aka baraa' wawiti'iimar dawriwo. Aka oo nga oh ngire intsahhatiis kun /a kaa' ar Uray baraa' wawiti'iimar (Munguhe) dawriwo. ²⁰ Asma nu babawgana'aamuhung bira warhhika dir gana'aamu gouse nee Mafarisayo tam ido gala adota'aaka baraa' wawiti'iimar dawriwo. ²¹ Aga xase idoda gar oo balo geera gidaaba hee mu gasar nee hee atasu/ut ibara sakwalema. Ala tunubabow hee hhiyawo's waak i bara sakwaslemea. ²² Nee hee hhiwos babow kuung a hee gidabar komaka a do sakwaslemar i huwa nee oo kah kwa taktani kdiros abara as/ata Jehanamu daqlem. ²³ Gawaa' idosi bar ilahhoaro'k duxuut dir kitaanga ilahhoa nee agisleer hhiyawo'k i /aymu koon diroge. ²⁴ Ilahhoa gexaweek geera kitaangw ilahhoa alo uruwarok oheek ti kaaxase ala'al nee hhiyawok nee ni xeer ilahhoaro'k kawa haniis. ²⁵ Ti ka slere nee heeda sakwaslemuut nar gaslay taawa baraa' uruwari dira tawa amo'r do slakwaslemar keera asma bra idosiyeka heka usakwaslemuut, ugexa'y daba hakimu nee hakimu ugexa'y daba askari utekwahha baraa' do tsegamo. ²⁶ Ani a kah a baloti'taka ay dir Pesadao slee'meero kay bu' ar tuwainusi. ²⁷ Aga axase ka oo gidaaba' ma fuqusa'r. ²⁸ Ala ani a kah umoo hee hare nga iqatsiit ar ngiwa watlakwee's a qaroo fuquusi baraa' nunawo's i ale. ²⁹ Bar iltok ar dakw Uyaa'y bur getafiin tu'/eek kwahhe amo'r saw diroge, asma a tsini gar wa'k bira hhitiruut baraa' slaqwatok ta'y slaqwa slee'meero kawa kwahhi baraa' aslta daqsleem. ³⁰ Nee bar dakok oo Uyaa'y geetafiin tawa hu tsateek kuukwahh amor saaw asam tsini diqta wa'k bir hhituruut baraa' slaqwtoge tay slaqwa slee'meero kawa kwahh baraa' asita da qsleem. ³¹ Ka oo sleeme umoo hee hareros nga guus ngi slo/ir mawa't hanisi. ³² Ala ana kah umoo hee harero's ma'y aqo har tsa'atu'uuma nga fuqusoo slehhee ne kwada nga duux alu kawa slao/ir memu i haniis i fuquu's. ³³ Slamti aga axaase ta oo dir kwoda oo ange loo ma /ayaar ar lama ala loor hung huwaak dir Aako. ³⁴ Ala ani a kah lo'oo ma /ayaar tam ar nina laqa are dawri asma ar wawitimar Mungu'. ³⁵ Ta'm ar yaamu asma an dir kitaangw kala/ar ya'aawo's, tam ar Yerusalemu asma an gixsar wawitumoo ur. ³⁶ Ta'm ar sagok asma a alesleraka tlehharo se'eemir wa'k kawa /awakes laqa kawa bo/e's. ³⁷ Ala /aylmerihungw masok ( bar lo aqo lo bara lama aqo lama) bar eiit aqo eiit bar aa'a aqo aa'a asma ar disi nga warahh amor tlakusumoda ngin dahh. ³⁸ Aga'axase idor kar oo ila nee ila nee /atlino nee /atlino. ³⁹ Ala ani a kah miti diqimisara nee hee tlakw ala hee bar kofir uyay nga taahh ar hatla werqese, sleeme. ⁴⁰ Nee bar hee ngi watlakwemiis tawa baraa' (Hakamar kera) (laqo) do kwaslemar keera nee kuung nee hiyay laqa tlawo'k ngwa hayo tam ingwari slee'meero gemaweek sleeme. ⁴¹ Nee hee u /uremiis tawa altlera maili wa'k ti alkwonde ay maili tsa'r. ⁴² Hee ufirii'im hanise nee mu kwerehhitar oo u kirikar wa slaa'. ⁴³ Aga axa's ka oo Islawumowo'k sla'eek nee wakusumoo'wok sieek. ⁴⁴ Ala ani kah wakuserhung sla'aak, alefiririmak kwada tunubuhhutimisa. ⁴⁵ As tawa na/aa babohung oo gawaa' dawri tlehhiita, asma idos tse/eema ngun gwa/atemiis dir mu'k tlakw nee hho'e nee tluwaay ngun tluwtiimiis dir tlakuse nee hho'uuse. ⁴⁶ Bar mu'k ta sla'a a kwoda kuunga tunuslaa qeemu ta slera a mila? Ihii ohumuser koodidasi ngi tlehhitake? ⁴⁷ Nee bara hhaeehung kilo's in lawe'eemisa art slera a mila ar mu'k hatla kurba/a? Ihii mu'k xorduu hatla idosi sleeme ngi tlehhitake? ⁴⁸ Gawaa' idosiye i hariin taa gana'a idor Babohu'ng oo gawaa' dawri ir gana'aamukon.