¹ Aluwo Yesu kuna gerhar nee qeeru ay baraa xaaxay as kuwa iaraa'ar nee Netlangw. ² Iwa tsegin delo miberi tsiyaahh tsatla/angw nee Amsi ire qwariit. ³ Netlangw ninaharda nguna ba'y " Bar kuung a garma Mungu' tla/eeka baweek moroo /ayma tlehhite. ⁴ Ala Yesu ina oo kagooin hee i hotiika ar ar moro/ayma kiko's ala ner umo /aymu baraa' afko Mungu' daahh. ⁵ Alyoo netlangw nguna huuw ay baraa' gixsada hhohhoo nee ngweqaas dir gawti dirii wa lo' gawaa' doda oo salingw. ⁶ Ngure bay bar kuung aqo garma Mungu' /akuut yaam asma kagooin malaikero's nixaaya ar kuwa gawti oohi nee u gawtii tlesiiya ar dabaa in yaerok ma geqawar gawaa' tlaa/a. ⁷ Yesu ina oo slamti ka gooin Aako Munguwo'k muiaraar. ⁸ Alo Netlangw Yesu ngurertlay ngure huuw dir gawti saw wa lo ngure daqarii'i ma sleeme ar dando yaamuka i laqaan nee xirfowo's slee'meero. ⁹ Ngure bay tii slee'meero ngi haniis bira i gurengeiit ire xirfemis. ¹⁰ Alo Yesu ina oo quutl tlaw diri gexawe Nethlangw asma ka gooin Aako Munguwok kilo's na ilaiwa/a wa/e i gurengeimiite ino's kilo's as gadiyesek. ¹¹ Alo Netlangw nguna geexa'y qaytsiit malayke nina hardat ngure sagadiyu's. ¹² Yesu ngiwa axaas Yohana kwa oo' ina tlay ay Galilaya. ¹³ Inatlay wa Nazareti ire hota ay Galilayar i dirii qomar gixsar sabuloni nee Naftali. ¹⁴ Tih inatlehharuut as toda arusmo Isaya oo' kawabo/esi. ¹⁵ Baraa' gixasar sabuloni nee gixsar. Naftali amor tlawi barta Yordani Galilayar xoordu. ¹⁶ Mukda a hoot wa baraa' /oona gwalatema ur nga arii nee kwada na iwiitii baraa' yaamu mahhatr gwa'aara gawaine gwa/ateema na tsa'aasi. ¹⁷ Imiir qoomasi Yesu /aymu alki/ituwo nguna imu/un ikah, hhoime asma wawiti'iimar dawri na naka/. ¹⁸ Qoomar iwahi'iimiiti bahhayer tlawta Galilaya hhae tsar ngina re simon kwada ta ba'y Petro nee Andrea hhiyawo's, ta baratsufay qamiin baraa' tlawi, asma a uhumuser samaki. ¹⁹ Yesu nigna ba'y qwalase ani gidrdelari tunu oomuser muu tlehh. ²⁰ Baratsufay nguna gexaye ar gaslay nee nguna digirdeliye. ²¹ Nee Yesu iwa geray kumiit disiye hhae tsar maleale ngina are Yakobo garma Zebedayo nee Yohana hhiyawo's tabara malalimo dinkwa nee Zebedayo Baboin ta baratsufay in hiriit ngina /aka. ²² Ninatlaye ar ganslay malalimo nee baboine kun agexay ngure digirdeliye. ²³ Yesu inahii'imit Galilaya sleeme nga alo faak (/aymu nguna alki/iit) ya/abtor hho ngina slahha'aamayer umoo idoro ngina hhoemiis nee tiqti baraa tla/angw. ²⁴ Axwenta dandowos ire diyaya/at umo diro baraa' aya sirya sleeme, nee muu tiqtuse ngire huuwa huuw amorosi ale, nee kwada tiqa slahha' aamayer dimbadimbay, nee netlame nee kifafa nee mu'k a slao'oomiit Yesu ngina hhoemiis. ²⁵ Bo/aay yarir oo muu nguna digirdeli imiir Galilaya nee Dekapoli nee Yerusalemu ne Yyahudi nee getu bartaqa yaero.