¹ Baraa' delodae (Yohana) Yohanida batimamiis nina xay i /aymu alki/iit wa baraa' sla/ata (Uyahudi) Yuda ikaahi. ² Hhoime asma wawitimar Mungu' ka tsew. ³ Asma kwihi an kwada ta alkiit nee arusmo Isaya wa kaahi afor hee oo /alamiim awa baraa' xaxay uruwar Aako amohhe'eesaak warahhamuwo's gana'asaak. ⁴ Yohana taywo's a se'eengw gania nee mkandalo qawaay ngwa tlalangw i tseeg moro/aymaro's a ingigi nee danu sla/a. ⁵ Alo mu'k Yeresalemu Yuda sleeme ne yamuda yaar Yordani nga harweri tana daqay amoro's i ale. ⁶ Kina batimiis nee ino's baraa' yaaer Yordani amorihe hara ireinger in hhoii'ina. ⁷ Ala ngiwa ar awayariir baraa' mu'k Farisayo nee muk Sadukayo i amoros kakaya kiwabatisi nigna ba'y kuunga xwaylar amato/ay koda qarku koom a mdaa hee tuna qurbu sakwaslemar hi'iiti kawa ilagobe? ⁸ /Amu hhoimar wa hariim laqwalaak. ⁹ Nee ma'atlakutara nee tawa kata barahungw Ibrahimu u kwomani idor Babore'n asma tunun babow Mungu ngi sleslay Ibrahimu nguwa na/aa i slay tam wa baraa' tla/uka wa alero. ¹⁰ Tsao ka qaro qaas baraa' de/aroo xaai as idosiye umo xa'ano /amu hho laqwalingaka kun tsaat kure kwaahh baraa' asla. ¹¹ Ani tunun batimiis ar ma'aay as hhoii'ingw ala kwada hi'iit wa aluee ku ure ta anihe ani a harrmaka tam ya/atawos gagar ino's tunun batimiis ar qeeru hhohho nee ar Asla. ¹² Nee impero's i baraa' dakoo's (kusfisha) qaymoroo's ngiwa hhohhoo'eesn hhe'eesi nee ngano nguwa burumbur baraa' kuntoro's ala xwanslay ngun daa ar aslata gwaaka. ¹³ Alo Yesu ninaxay wa amor aya Galilaya ay aer Yordani kurebatiis nee Yohani. ¹⁴ Alo Yohani geera ngu alesiasi ina oo (gartiwaharimu) garnislaa kuunga ani in batiis hhe'e kuung nin amoree kera? ¹⁵ Yesu ina oo idor ya/aame hindiye, asma ana idor harimu kawa bo/esani slee'meero. Alo Yohani ngure aleya/a'n. ¹⁶ Alu kuwa batiis Yesu ina ti'iit wa baraa' ma'aay nee qatsiit dawri nina gwertii dirose. nae ngure ar qeeru hhoohhoo oo Mungu' ina awer gawaa' ino's ifor slaqase tlawita wa ale ire iwiit gawawo's. ¹⁷ Qatsiit afo gawaa' dawri daahh ikaat kwih a garmaee oo sla'aarusmo, oo ani qwala/atimiis wa lo'.