1 Alu Yesu kuwa laqwaal baraa' Yerusalemu ar Uyahudi baraa' deloda wawitumoo tawa Heroda Mu'k Sageloen amomuus oo na da/ar saaw wa tlay ninahardahiye Yerusalemu ikahhiiya. 2 I amola koda ta laqwaal wawitumoo Wayahudi tsatse/iro's ana araan da/aaw nee ate'n ninaxawaan nguwa i gurengeiitan. 3 Qomar wawitumoo Herode idosi ngiwa axaas inagurhamuut ino's dinkwa nee Yerusalemu sleeme. 4 Herode uruser Makuhani slee'meero ngina burumbur dinkwa nee guouuser muu ngire yahaas Kristo dir kuwalaqwali? 5 Nguna baye' baraa' Bethelehemu ya Uyahudi asma idor an idor kara gooin nee Arusmo. 6 Kuung Bethelehemu ar baraa' Yuda ti nina weeka baraa' wawito Yudawo asma baraa' kiinge wawutumoo ni ti'iit oo mu'k ee ngu ga/aa'w Israeali. 7 idosiye Herode mukda somuus nguna /akaa' ar nahhata nee yahaas aqoma gala tsetsee/i kawa ande tiwa laqaan. 8 Ngiga ya/aaw Bethelehemu ngina bay tlawose ner magahh na/aay ta laqwaal lelehhak, qomar bura ande axweni oare as ani sleeme nguwa arta awa nguwa i guren geut. 9 Alu wawitimo Herode nguwa axasiye tana kumit hhayumar ine nee tsetse/ida na ari da/aw ngina gerhad ay dida na/aay kuwa laqwaal ire sahhiit. 10 Qomar tsatse/i ngiwa arii tana qwalaa' ar qwal/o ur wa lo. 11 Tana dahh barado nee na/aayda ta laqwaal ngure ariye nee ayiro's Mariamu tana gurengeiit kureslufimiis, ila hhoar' in kare gweer nee kure ilahho ar haniis sahabu ufumba nee mane-mane. 12 Mungu' ngina ilaraa/ ar baraa' tlata matawakii/i amor Herode aluwo tana kii/i amor Ayaain ara uruwar hatla. 13 Alu niwatlaye Makikano Aako Yusufu nguna harati'iit ner baraa' tlataa ngwe bay tlaw na/aay tatahhe nee ayir iin tlaw Misri ii gowe Amosi konaak ee dir tuniadabaw asma Herode ii ma/aay leleehhiit nguwa gasi. 14 Amsisiya Yusufu ina tlay na/aay nguna taatahhii nee ayiros ire gow misri. 15 Ina amoda wa hoot ay dir Herode i gwaa' Tii toda Aako a oo' nigna bao/ees iwa oo' ner ur war Arusumo garmae una /akaa amor Misri wa ale, niwaki/i. 16 Alo Herode ngiwa ar kwa al/aay nee mukda somuus ina buhh wa Lo'. Ina oo na/aa daqaay slee'meero tsu/aaka oo Bethelemu nee sleeme oo braa' yamuda oo har kureri tsar nee oo disiye kikii/a har afiqomar ta xu'uutiis nee mukda somuus. 17 An dir /aymuda kuwabo/ees koda ta alki/iit ar afuku arusmo Yeremia. 18 Afo kana axaas Rama /a/ee nee tsuqumiisu ur Raheli ii na/awo's ale /a/amiin asma iwa kahhiya maleeale. 19 Herode iwa gwaa xuxuue Malaykamo Aako Yusufu nguna harati'iit ar baraa' tlataa' amorqa ar Misri ire oo. 20 Tlawo na/aay tatahhe nee ayiro's talwse baraa' Aya Misri asma kwada slafingw. Na/aay lelehhita na hhane. 21 Yusufu ina tlay nee ma/aay nguan tata dinkwa nee ayiro's ire hardihi baraa' aya Israeli. 22 Ala ngiwa axaas, Arkekao ni wawiti'iin siwar Baboin Herode ina da'aayuut iwa amorqa kay alu Mungu' nguwa gurbu ar baraa' tlata ina tlay amor mkoar Galilaya. 23 Nee ire hota ay baraa' gixsar Nazareti. Tii toda ta qaro oo ar uruwar aruse ngina bo/ees gidaaba' ku ba'y Manazarayo