¹ Yesu eeharuuseero's tada miba' nee tsa'r ngire /akaa ngire aleesleemuu i hariis oo neetlaame kawa gusiisin nee tiqti sleemeero kawa hhooeemisi nee wanene'ee dimbaba'y. ² Nee umi'ii eeharuuseero's tada miba'nee tsar a koka oo geera a Simoni kwada ta babay Petro nee Andrea hhiyaawo's Yakobo garmaa Zebedayo nee Yohani hhiyaawo's. ³ Filipo nee Bartolomayo, Tomaso nee Matayo kwadoo ohomusmoo koodi Yakobo garmaa Alfayo nee Tadayo. ⁴ Simon ooda oo yaasmuu' kananayo nee Yuda Iskariote kwi an kwada Yesu ngwa aski/i. ⁵ Eeharuuseeri miba'nee tsa'r Yesu ngire' ya/aaw ngire haraeyar i hariis ire oo' Yaamuu mu'k xoorduu hatla mi i daqawara tam ma dahaara umooqo gixsar mu'k Samariawo. ⁶ Ala mu'k Israeli na i daqawak kwada a qwaar idor bee/angw wa ale. ⁷ Baraa' hhayumarhunge alki/iita gidaaba' tawa kata " waawuti'iimar dawri naa naka/. ⁸ Tiqtuuse hhooeemisaak, mu'kaa hhan was/o/atimiisak mu'k tiqtir tsatimit hhoohhooeemisaak. Neetlaame gusisimaak aka tawo's sleere harimisaak tawo ale. ⁹ Baraa' tliriiihunge sahaabu mu huuwaara laqaa' minsli laqaa mugsla'r da/ate'n. ¹⁰ Ta'm tlakwee' hhayuma mu huuwaara tam inqwaaroo tsa'r tam ya/ata laqaa' tam hhaara asma hee gadiyuus i hariin moroo' /ayma nguwa sla'y. ¹¹ Umoo'qo qixsaro laqaa yaamuuwo oo ta i data'aa hee' intsaareehhi wasl lelehhaak, ta dir do'owo's wa hota' ay dir ti i qutla. ¹² Kuunga' baraa' date baraa' do oe sayui. ¹³ Nee mu'k doda bir waydoo' wa harin waydoohung i dir'in wa hooti ala mu'kda bir waydaoo wa harinaka waydoohung i amo'rhung i ki/i. ¹⁴ Nee hee abar huunga tunda kwahhasiika laqaa' axweesantahung ngi axamiisiika bar ti'imita baraa' do dae laqaa' baraa' gixsadae, tlarangw baraa' ya'aahung aluu' i kuukuuaak. ¹⁵ Ani an ka'h deelor alhhe'eesa'y yaamuuwo gixsa'r sodoma nee Gomora a tliniaskwa slee'mar in ngiwa ila i oohiya gixsada ba/ati. ¹⁶ Qaytsite ani kuunga tundu ya/aaw idor bee/aangw baraa' tla/angw tuwer ala aaga /ooa koomaak idor amaatoo/ay slami kuunga alo moso ani mu'k tsatsaa'aren ido'r tlawa. ¹⁷ Ti harmagahhe nee muu asma kuunga' tundu huuw baraa' maree kwasleema nee dir mareein kwadoo saalingw tundure diif. ¹⁸ Kuunga' tundu huuw dir geera ga/awuuse nee dir waarita as ani asma aleekal/aangw kuwa dir'in i oa nee dir mu'k xoorduu' hatla. ¹⁹ Ala qoomar kuunga bur tundu huwahuuw ma ditsookusara wa gar ta oa asma qoomaadae gar ta aa kingi hariis. ²⁰ Asma hee axwee's a kuungaaeeka ala a qeeruu baaboohung oo axwees haraahug wa ale. ²¹ Hhiya' hhiyaaro's ngu askii/ as kuwa gaasi nee baaba na/aywoo's ngu askii/. ²² Nee na/ii xwayli ter in ngi i tlaya ngire tsu/iya. Kuunga' tundun aahh nee muu slee'meero as ani ala hee da a qiitl ay alhhe'eesa'y an kwada ba/ain. ²³ Baraa' slahhe'eemiisowo kuunga burtunda guu's baraa' gixasa'r wa ale gowe baraa' gixasar hata asma ani loeema aina ka'h gidaaba' gixsaduu mu'k Israeli i fakaa'ka tam ay dir garmaa hee ni i ki/i. ²⁴ Eeharusmo intsaahhatusmowoowo's ngu ba/iika laqaa' tam lawaalmo aakoowoo's ngu ba/iika'. ²⁵ Ala i ya/aamut eeharusmo tawa idor intsaahhatusmoowo's tam lawaalmo tawa ido'r aakoowo's sleeme. Bar hee do loo kuna Beelzebuli ba'y xa'y ti ba/iike dir kwada dir do'owo'd i diriia'a. ²⁶ Gawaa' idooriye ma inooin mi hhaslitara asma umoo'qo gaaro ar ta tuutuu'k ka waatlees nee umoo'qo gaaro ar taa lu/ ka geehhooees. ²⁷ Tada ani ni dirhung i kah baraa' hhanter wa ale kuunga ne ooaak dir gwa/aat wa ale. Nee tada ta axamisa na saasahhaangw kuunga' alki/iitak gawaa' daandoo maree wa ale. ²⁸ Kwada slaqwa ngi gaasa mi daayumitaara ala qeeru gaasaro ngu aleeslayaaka. Ala Mungu' nee da'ayumiitaak kwada, aleesleemu ngu koom' oo slaqwa ngiwa qwaareesi nee qeeru sleeme baraa' aslta bo/oo' gwaa'aaka. ²⁹ Hii biriri/oo tsa'r kwa weerisake nar sentimoo wak ala tam ar wa'k i huuka' yaamuu i lae dida' Baaboohung ngiwa xu'iika. ³⁰ Ala kuunga' tam seengw gawaa' sagiihung slee'meero kwa faar. ³¹ Gawaa' idoorihe ma hhaslitara kuunga' tundu barii loo wa lo' biriir/ ba/ati. ³² Gawaa' idoosiye hee ani a alekalaa/a geera mu'k wa ale ani ainas u ya/aam dir geera Baabaa'ee kwadoo' gawaa' dawri. ³³ Ala umoo'qo heewo oo ani a as tlaanki dir geera mu'k wa ale ani ino's u lii dir geera baabooee kwadoo gawaa' dawriiwo'." ³⁴ Kuunga' ma kwahaara gidaaba ani wayda nguna ar xaw baraaka yaamuuwo Aaslaa'y ale ani gar na huu'w a slaqwara. ³⁵ Asma ani nina xaw as talaahhi ngiwa qaas dir hee nee baaboowo's nee dasi nee aayooro's nee aayo nee haree' garmaawo's. ³⁶ Wakuuser hee a mukdoo baraa' do'owo's i dirii. ³⁷ "Hee baaboowo's laqaa' aayo ngi slaa wa lo ani balati i ani wa rinaka slami hee garmaawo's ngu slaa laqaa dasiiro's ani ba/ati i ani wa harinaka. ³⁸ Hee abar insalaabaro's nga gagaariika nee aluuee nge digir deelika ino's i ani wa harimaka. ³⁹ Umoo'qo heewo oo slafiingo's ngu magagaa'aam ngu qwaarees, nee hee slafiingo's ngu qwaarees as umoo'ee ngun amohhe'eemiis. ⁴⁰ Hee kuunga tunda kwahha's a ami aina kwahhas nee hee ani a kwahha's a kwadaa' ani a ya/aaw nguna kwahha's. ⁴¹ Hee aarusmo agwa kwahha's as tawa aarusmo bu'utu' idor kwadoo aarusmo ngun slay. Nee hee hee' ganaa ngwa kwahha's as tawa hee' ganaa' bu'utu' idor kwadoo hee' ganaa ngun sla'y, ⁴² Ani an ka'h umoo'qo heewo oo hee wa'k ngwa wahaas baraa' koka ninakwe tam ma'ay niinaw oo tsa' as ta eeharusmooee bu'utuwo's i qwaariika.