¹ Boo/odae Yesu ina tla'y wa dir do' ire iwiit afee' tlawi. ² Boo/a'y yaariir oo muu ngure i buruumburiit tam Yesu ire tsa/an gawaa' naqimo ire iwiit gawaada i ale boo/aydoo muu slee'meero ire sihhiit afee tlawi. ³ Yesu moroo' yaariir ngure dir'in i axwee's nar slaqsi' i ire oo', "Dahaasusmo ina tla'y ir e dahaasing ay. ⁴ Nee qooma'r iwa dahaamisi dahaasiingw Bahha'ale ina paaah afee' uruwa, Tsir/o nire harda't dahaasingda' ngure /ay. ⁵ Dahaasingw hatla' ina paa'hh gawaa' tla/u dir hhaper yariir iwa kahh, nire ti'iit nar ganslaay asma hhager bu'uut iwa kahh gawaa' dandoo' tla/uudae. ⁶ Nee tam tseelima awa Paa/ ire ka'h asma dir dee/a'r ngu i sihhi i kahh. ⁷ Dahaasingw hatla' ina Paa'hh baraa' laqaya layaada nire uraaraye dahaasingda kure tliiq. ⁸ Nee dahaasingw hatla ire Paa'hh dir hhager hho ire laqwaal oo wa'k tsiiru nee oo wa'k mibeeri lahhoo nee hatla mibeeri ta'm. ⁹ "Hee' iiaa' axamis ngi koo'm i axaasi'." ¹⁰ Eeharuusee nire harda't Yesu ngure baye, "Asma mila mas axwe's nee inooin nar slaqsii'?" ¹¹ Yesu ngire i ilawaats ngire ba'y "Kuunga' xu'uti aka sleere ar lu/aara'y waawuti'iima'r dawri kuwa xue, ala inooin xu'ut kaa slayka'. ¹² Asma umoo'qo heewo oo' ga'r koo'm, ka doog slami kay tlahhaasa hhe'ees, ala umoo'qo heewo oo gar koomaaka' tam tada' niinaw kon ka hayoh. ¹³ Gawaa' idoorihe an gar nisa axwees nar slaqsi'i nee inooin, asma inooin barta xumiis garta aga'ari i ka'hh nee barta axamiis gar ta axamiisi i ka'hh slami gar ta tsatsahhan i ka'hh sleeme. ¹⁴ Nee /aymuu' aarusmo Isaya aa boo/ dir'ire kwada iwa ka'h, Axaasaro a axasa ala asahha'aaka' Qaytsitaro a qaytsita ala a aanda'aaka'. ¹⁵ Asma muner mukwi ka gawden aagita nee iiaawo i ak axaamiisiya'aaka nee ilaain ka muguuguu' as makawa ar ilaaine, matawa axaa's iiaaine, makawa wa taa'hh nar muner'in mindaa waraqaye nee ani mika hhoo'ee's'. ¹⁶ Ala kuunga' a mu'k amohhoo' asma ilahung' i xumiisiya' nee iiaahung i axamiisiya. ¹⁷ Ani an ka'h aaruuser' yaariir nee gan'amuuse kana slaa' arto tada kuunga' ta ge/eera ala nga ari'iika nee ngire sla'ii axaasaro tada' kuunga' ta axamisa ala nga axasi'iika'. ¹⁸ Ala kuunga' slaqsa'y dahaasusmo iiar i qaasaak. ¹⁹ Umoo'qo heewo oo axweesanta' waawuti'iima nga axaas nee gidaabaro's birnga tsaahhiika kwadaa' tlaakw nin harda'h nee /aymuuda' ta dahaas baraa' mumao hee' i ale ngure hengee's kwi an kwada a paa'hh afee uruwa. ²⁰ Nee kwadaa' a Paa'hh gawaa' tala/u an mukda' axweesani nga axaas nee axweesantada' kare ilaoh nar qwala/. ²¹ Ala dee/aro ta kon i kaahh nee deelor ta hooti ka ureeka slahha'amu birna ti'iit as axaweesantada laqaa' gusiisiingw axweesantada' kare ma'y. ²² Nee kwadaa'aa Paa'hh baraa' laqaya' an mu'kda' axweesantada' nga axaas ala ditsookar yaamu nee al/aymar daqaari'iima axweesantada ngire tliq axweesantada ire laqwalika'. ²³ Nee kwada' aa Paa'hh baraa' haaper hho' an mu'kda axweesantada nga axaas nee gidaabaro's ngire tsaahh. Axweesantada ire laqwaal baraa' munerin i ale oo wa'k tsiiru nee kooqa mibeeri lahhoo' nee hatla mibeeri ta'm. ²⁴ Qoomar angaa'no nawa ti'iit nee iwa /uuntluu's sla/a sleeme ire geehhoouu'r. ²⁵ Qooma'r asm=siiwo tawa guu' slee'meero wakusmooka wa'k nina harda'h sla/a ngire dahaa's baraa' tla/angw angaano ire quu'tl. ²⁶ Qoomar' angaa'no nawa ti'iit nee iwa /uuntluu's sla/a sleeme ire geehhoouu'r. ²⁷ Lawaale'r heedoo' qaymo loo' kure i daqa'y ngure yahaasii' gidaab' "Ihii bare kuu'ng dahaasingw hho una dahaa's ala sla/agtaqa' i da'hh?" ²⁸ Ino's ngire ba'y, wakusmooko wa'k idoosi ngina tlee'hh, inooin kure yahaa's A sla'aang sla/atada ' kawa buruumburtaawaa'n? ²⁹ Heedo' qaymoo loo' ire oo' Aa sla'ay' mawaak asma aluuwo ar angaa'no u sla/ata' altu/uunda'. ³⁰ Mawaak arjo slee'meero ay dir i uraaraya' nee dir' qooma'r bu'uungw ni i xeer qooma'r bu'uungo daqade ani kaangw u oo' dir kwada' bu'uuma' sla/a ala tafaak daqade ka' dinkwar i tsega' nee ka kwehha' baraa' aslta i ala daqade a ngaa'no ku butuumbuda' baraa' kudihir 'ee' i ale'. ³¹ Aluuwo Yesu slaqasa'y hatla' nguna dir'in i oo' ire oo' waawuti'iimar dawri a slaqa's nee ilmoo' xa'anooko ta ba'y haradaali oo hee' aa dahaa's baraa' qaymooro's i ale. ³² Nee ilmooda lo'eemawo ku lo' waru'naaw dahaasingw hatla' bu/a slee'meerowo. Ala birna ti'iit ku lo' wa u'r xaa'ii /amu sleeme ba/a ire xa'anoo' ur tleehhiit. Tam tsir/o ire harda't tsureemaa'in ngire gawaa' aleemaada' i tlehhit. ³³ Yesu slaqas'y hatla' nguna malee oo' ire oo' "waawuti'iimar dawri a slaqa's nee gar mikaate ir sluufaasluf, ar /ameeni aa qa's baraa' puuruu' oo har afii qooma'r deebeduu ta'm, tam puuruuda' slee'meero ire sluuf'. ³⁴ Tisi slee'meero Yesu ngina axwee's dir boda'y Mu'k i ale nar slaqasaay, Umoo'qo ga'r a dir'in i axweesi ngina axwee's nar slaqsi'ii. ³⁵ Ti an gidaabada as /aymuudoo' aruusmo Isaya aa oo' iwa boo/i kwada' awa ka'h, Ani an xwee's nar slaqsi'ii an tsee' nar afor ur tada ta luu/ iimir tleehhamo'r yaamuu' wa ale." ³⁶ Yesu boo/aay ngure deelo'r i oo' ire da'h baraa' do'o i ale Eeharuuseero's ngure i daqeer ngure be't slaqasaywo' sla/atada ar baraa' qaymo gidaabaro's dir ate'n ti i oo'. ³⁷ Yesu ire oo' "Heeda" dahaasingw hho ngwa dahaas a Garma' Hee. ³⁸ Qaymooda' a yaamu dahaaingwda' hho a mukda' baraa' waawuti'iimar Mungu' i dirii'. Nee slalatada baraa' qaymoa mukda' tla'kw wakusmooda aa dahhamiis aa neetlaangw. ³⁹ Nee bu'uungw a alhhe'eesay' yaamu nee mukda bu'uum a malaykadu. ⁴⁰ Ala idooda slala kar buruumburin kare daa/ baraa' aslta i ale' an idooda boloo' deelo'r alhher eesaye yaamuuwo tleehharuut. ⁴¹ Garmaa' Hee malaykaduuwo's ngi ya/aaw, nee malaykaduuda' mukda slee'meero aa dee/aamuut nee tlakweema ngatleehh ngure buruumbariiya ngure hengee's baraa' waawuti'imar Gaomaa' Heewo. ⁴² Nee kire kwaahh baraa' aslta boloo' gwaa'aaka' nee dii'da an dir /aa/ee nee slihhina' kiwa qirirthimiisi. ⁴³ Mu'kda gan'a muu' koo'm qoomaadae i gwa/aal ido'r tsee/imaa' wa ale baraa' waawuti'iimar Baaboo/ne Hee' iiaa' axamis' ngi koo'm i axaasi. ⁴⁴ "Waaawuti'iima'r dawri a slaqa's nee Pee'sar ta foo'/ baraa' qaymorka nee hee ngawa ar ngire luu/ ire tla'y nar qwala/ nee moroowo kwada slee'meero kan dir do'owo ngure weerisa'r ay nee qaymooda ngire tlaa'xw." ⁴⁵ Slami waawuti'iima'r dawri a slaqa's nee hee' moroo weerimisnee tlaxo ngu tlehhit, oo mimslir hhoohhoo' ngi leelehhiit. ⁴⁶ Nee ino's miinslirka w'k ngawa ar ar talxor ur ire tlay morowo's kwada slee'meero kon ngure weeriis mimslida ngire tlaaxw. ⁴⁷ Waawuti'iima'r dawri a slaqa's nee baraatsufay taa kwaahh baraa' tlawti i ale nee baratsafayda' siyoo' umoo'qo dawi'ito ngure ohin. ⁴⁸ Nee baratsu/ayda awa haa'ts kure uuruu'x afee' tlawi nee mukda siyoo ohim, tare iwiit yaamuu' i ale siyooda kure partliit baraa' baratsufayda wa ale kure amohhe'ee's, ala syooda tla'kw kure kwaahh. ⁴⁹ Idoori an idooda tleehharuut bo/oo deelor alhhee'eesay yaamuuwo malaykadu nin hardahaya nee muu ngure partliit kwada tlakw amor saa'w i ale dir kwada gar amuu koomaa'. ⁵⁰ Nee kwada tlakw kir kwaahh baraa' aslta bo/oo' gwaa'aaka nee dida an dir /aa/ee nee sihhina kiwa qirirtliimisi'. ⁵¹ Yesu ngire yahaa's ire oo' "Ti slee'meero aka tsahhi'i?" Tare oo' "Ee". ⁵² Aluuwo Yesu ngire ba'y "Gawaa' idoorihe umoo'qo intsaahhatusmoo' haraeyar Musawo oo saga/ooa waawuti'iimar dawri ngi koo'm a slaqa's nee hee' do 'loo' oo 'moroowo's kwada /aben ngu harmiis nee kwada qarene. ⁵³ Yesu slaqsi'iika axweesanto ngawa hhe'ee's ire ti'iit ire tla'y. ⁵⁴ Aluudae Yesu awa amo'r ayaawo's i harda'h muu nugre intsaahhatimiis baraa' doo' saalingw in wa ale ta'm mukda ire waa/oo/ tare oo' "kwi sagalooari dir ngawa sla'y a diila nee moroowi oo xuawasle'n tlahhii'ti. ⁵⁵ Heewi a garmaa' heeda maree tlehhahhitaake nee Aayooro's a tadaaeke ta ba'y Mariamu? Hhaeewo's oo daaqaay a Yakobo nee Yosefuwooke nee Simoni nee Yuda? ⁵⁶ Nee dasuu' amaaro's i ayaare'n i dirii'iiaake ala kwi ti slee'meero amo'r ngawa sla'y a amoola? ⁵⁷ Yesu kure insaree'hh Yesu ngire ba'y, "Aaruusmo dir kuwa ilaiwawa/iika i ka'hh aqo har dir yaamuuwo's nee dir do'oowo's oo kila'. ⁵⁸ Ala Yesu ino's moroo' xuawasle'n oo yaariir ngwa tleehhiika asma inooin kuwa haratlinti'iika.