¹ Qoomaadae waawutamo Herode iidigoo' Yesu ngure axaa's. ² Lawaaheero's ngire ba'y "kwi an Yohanooda' Baatimaamiis nina was/oo/ baraa' nuk aa hhaa wa ale gawaa' idoorihe /uuruudooo baraawo's i diri' in gadiyuus. ³ Asma Herode ino's Yohani ange ngwa oh ngure dahaa's baraa' doo' tseegimo as Herode har'r Filipo Hhiyaa Herode. ⁴ Asma Herode kuna ba'y nee Yohani A hariimaaroo'ka kuung hare'r hhiyaawo'k kawa dux. ⁵ Herode Yohani nguna gaasa'r wa slaa' ala muu nuwaa da'ayuu't asma muu Yohana kuwa tsaa'hh idor ta aarusmo. ⁶ Ala deelor u'r ar Herode kwa wa laqwaa'l nawa xee'r dasir Herodia ina net dir geera muu Herode ngue qwala/a's. ⁷ Nee Herode a'laxweesani ngire hariis ar lo'o ar Gidaaba' "kiing umoo'qo gas ta sla' friimang. ⁸ Dasiiri kana saxwee's nee aayir in gidaaba' sagoo Yohanada' Batlimaamiis firiine ire oo' "Gar ani ni slaa a sagoo Yohanada Baatimaamii's baraa' xooslmoo' i qaasang'. ⁹ Waawutimo Herode ir qusuu'/ ala as /o'oda a huu'w nee as mukda dida wa /ayiima, hara'eya ngire hariis sagoo Yohana kuwa hariisi. ¹⁰ Hee ngure ya/aaw sagoo Yohana kure tsatla a'y baraa' doo' tseegimo'r i ale. ¹¹ Sagooda ta tsaat kuungure xooslmoor huu'w kure harii's dir dasiida dasiida ngure hu'p amo'r aayir in. ¹² Ala aluudae eeharuuser Yohana nir xeer slaqwta Yohana ngirer tleer kare fool. Nee aluuwo tare tla'y iidigoowi kure xu'utisar a'y dir Yesu. ¹³ Nee Yesu idooda nguwa axaa's ire tlay nar naqimo ay dir muu iwa ka'hhi nee boo/a'y muu idooda ngawa axaa's kure digir deel nar ya'a amo'r gixsaaduu'in wa ale. ¹⁴ Yesu nawa ti'iit baraa' naqimoo wa ale boo/ay yaariir oo muu ngure ar ngure gurtla'y tiqtuuser in ngire hhoo'eemiis. ¹⁵ Kweeraxwi'ii nawa xaye eeharuuseero's ngure haradaqaye ngure bet "Diiri ti' diriiaan a baraa' darma nee slami looa a da't Boo/ay muu deelo'r i ooeek as tawa watli baraa' gixsaduu'in as moroo' /aymorin kuwa tlaxor ay'. ¹⁶ Ala Yesu ngire ba'y' "Gar tas quutli i ka'hh moroo' /ayma hariisaak kuunga'. ¹⁷ Ngare baye', " gar ta koomaan i ka'hh ala oqo har mikaate'r kooan nee siyoo tsa'r. ¹⁸ Yesu ire oo' "Huu wari diriri." ¹⁹ Yesu hara'eya ngire hariis boo/ayda iwa iwiiti gawaa' gitso mikaateda kooa'n nee siyooda' tsa'r ngire oh' ire gawaa' dawri'i qaytsiit ire sluufiis ngire eeharuuseero's i hariis Eeharuuse ngire boo/ayda i harmis'. ²⁰ Slee'meero tare /ayin tare aa'x parahhee'moo na meeti kire slee's katatay miba nee tsa'r ire haats. ²¹ Nee mu'k a /ayin a hhawaate kume kooan ala /ameena nee na/ii kaa harafaariika'. ²² Qoomaadar kilae eeharuuseero's ngire ba'y, "Tsa/ame' gawaa' naqimo ta geera i waraahha dir ani nir deelor' kah dir boo/aay. ²³ Deelo ooaro ngawa hhe'ee's dir boo/aay ire tsa/a'n gawaa' tlooma ire firor ay dir muu iwa ka'hh ino kilo's. Hee qooma'r xweerawo ire gawaada' i dirii' kilo's. ²⁴ Nee naqimooda i tla/angw tlawti i dirii kuu dingitiimiis wa lo' nee gwaanduu' ma'aay as fur a ka lo' wa dihh. ²⁵ Qooma'r sagoo looa tleema Yesu ire dirin i hardah i gawaa' daandoo tlawtar hi'iimiit. ²⁶ Eeharuuseero's ngwa wa aan iwa gawaa' tlawta'r hi'iimiti tare da'ayuut tare oo' "Gaa a Hhantimo" tare uu nar da'aye. ²⁷ Yesu ire ilawaats ngire ba'y "mune gawdeesaak Hee a ani na da'a yuuni taara'. ²⁸ Petro ire oo' "Aako hee bar kuung ani /akaa'ang ani xaw amoorok i ale nar gawaa' daandoo ma'aay. ²⁹ Yesu ire oo' "Qwalang" Petro ire awee'r gawaa' naqimohe ire hi'iit nar gawaa' daandoo ma'aay as iwa amo'r Yesu ka'y. ³⁰ Ala Petro fur'aada ngawa a'r ire da'ayuu't /e/etin mangay i /e/etin baraa' ma'aay ire uu' ire oo Aako ani ba/amisang'. ³¹ Qoomaada'r kilae Yesu dako's ngure tumuus dako' Petro ngure o'h ngure ba'y "kuung haratlintaaoorok ka tsuba niinaw. Asma mila masa xuru't? ³² Nee qoomar Yesu nee Petro tawa tsa/an gawaa' naqimoo i ale fur' a ire xaslit. ³³ Nee Eeharuuseeda haraa' naqimoo i diriia Yesu ngure i guruunguree' imiitii tare oo' "A lo' kuung tawa Garmaa' Mungu'." ³⁴ Qooma'r tawa waaraa'hh baraa' tlawito, tare hardah yaamuu Genesareti. ³⁵ Nee mu'k yaamuuda Yesu kwa wa tsaa'hh muu kure ya/aaw amo'r yaamuu inslaaweeda tsewed tiqtuuse slee'meero kingire huu'w dir Yesu. ³⁶ Kure firin gidaaba' tam Paslta inqwaariro's kilo's ngi kwatliliya, nee mukda' slee'meero paslta inqwaariro'o nga kwaliit tare hhoo'a'y.