¹ Gawaa' dando gadiyer' Krishana'y a tsini dir'eene aba'r nga goim. ² A xuu' baraa' gada' kuunga' ta sla'aa' toda naa as i a tlees dir mula Makedoniaro ina ba'w Akaya ta qaro amohhe'es ime'r kurko a warahh, munohu'ng mu'k yari ngwa tlees ar kangw kuwa tlehhi. ³ Hindi hhae nga ya/aaw aloa masok xirfemisore'n gawaa' dando hunge miwa towo tlehhit alok masok kuunga' tinaa amohhe'ese ido'r kara kate'. ⁴ Aba'r idosiheka, hee' amo'r Makedoniar dahh nee ani bina alxawan binahardahhan garta tlehhe' i kahh an murutan ani ga'r ni doog dir kuunga'e ar pihhay kuwa sleera' i kahh. ⁵ Baraa' idoorihe gar nar ar a hhae ngiwa firim niwa ayahung kaya' ar moroo' ngwa qomesiya daqiale as sawadida' kuunga ta oe' an idosi as iwa tsuwqa tlehhit ido'r garta /uuresika'. ⁶ Axwesani a ti hee' ar ninaw nga hahas aqo ar ninaw ngi bu'uun nee kwada' nga dahas asma duqa ngiwa slay tsuqa ngi slay. ⁷ Idosihe umo hewo gni duxi idoda ngira amohhe'ees baraa' monowose mingiwa dux ne'r gurhami laqa ne'r /ururesa' asma Mungu' kwada' nga dux ne'r muno qwalalay ngu slaa'. ⁸ Nee Mungu' ngi aleslay tsuqa ngiwa tlahhasi baraa' umoo'qo garo, kahho imoqo' siwaro baraa' umogaro toda ta sla'aa' kawa sleera' Ti a gidaaba' tawa doginda baraa' moroo' hho' tlehhitowo. ⁹ Nee ido'r kara goin "daqari'imaro's nga diyaya/ nee ngire hamis dir narkuute, gana'amuwo's i hot ay alhesay wasle". ¹⁰ Kwada' dahasing hanimiis dir hee' dahamis nee oo mkater hanimiis asma /ayma nee sleere dahasinghu'ng dux nee ngu lo' wa doog asma kuwa dahasa' ino's bu'ungw gana'amuhung ngu doog. ¹¹ Daqariima sleera baraa' umo gaaro as kahho' tawa kumita' muu kuwa ale/iimisa' ti na'as ar mor Mungu' dahh ngi hub ne'r urwar ate'n. ¹² Baraa' gadiyeri tlehhitowo a gidabaheka har alemaa krishanay ngin lu/u/uun nee mu'k yarir slufay ku ki/is amo'r Mungu'. ¹³ Asma kuunga' tunaalqaytsiit nee tunere ilaoh asma gadiyeri nee Mungu' xrifoo i ki/isa' asma ilaiwa/ame as ya/abito'r Kristo kawa alki/iita' nee sleeme Mungu' u xrifoo i ki/isa' asma gorhhoarhu'ng ar ta duxe' dir'iin nee dir umo hewo. ¹⁴ Tunuwatlakwemisiya' nee in firirina' asma kuunga' ti ngin tlehhitiya' asma Tsuqa Mungu' kwada' gawahungw i diriia. ¹⁵ Mungu' ku slufimisan asma tsuqawo's koka' alki/itowo ta' aleslawanaaka'.