¹ Daqay nee dasuwo a sla'aa'n kuunga' kawa xu'a gawa dando qemu Mungu' oo ta haniis baraa' kanisadu' baraa' Makedoniari diria. ² Qoma'r iartada ur' ar slahhe'eemis yaremaa qwala/oo in nee narko yarir oo a dogin dir'ine ga'r a laqwal a daqari'ima'r u'r ar gurhhoa'. ³ Asma an lamabu'uum ar gidaab' ngina duxuuti' ar har idoda aleslaya nee idoda aleslemune wararahh. ⁴ Baraa' gurhhoarine ate'n tununalo wa firirine' ar inooin iwa dinku'uutiya' baraa' gadiyeri ta tlehhiti nee Krishana'y. ⁵ Idori an ido'r naa haraxuuanika' dirine inooin tina kiloin hanisiye dir Aako' Aluwo tina kiloin hanisiye amo'r atene ne'r baraa' sla'arir Mungu'. ⁶ Gawaa' tihe Tito unafiriman kwada' amohho' gadiyeri nga imu/un ar morowi ta duxuut nguwa huwi ne'r idoda kuraa' duux. ⁷ Kuunga' moroo' yarir ukonda' baraa'ilakaharu baraa' sla'arihu'ng asma ate'n gimse' kuunga' sleeme ar yarir hanisak ar kawa duxuta' ne'r gurhoa ⁸ Ti an ha'h ala a garta warahhasika' an ka'h as kahho ngiwa tsahh ido'r sla'arirhu'ng i dirii aba'r ka qomee's nee ar mu'k hatla'. ⁹ Ani a xuu' qeemu' Aakore'n Yesu Kristo Ta'm geera a daqaramowo, inaa narkuut asma kuunga' as kahho' baraa' narkowose kuunga' tawa daqari'iita'. ¹⁰ Baraa' kangwihe ani kuunga' nun hara'ayim ner hara'aya'r kuunga nu /iis baraa' kurku a warahhi kuunga' garta tlehhe' i kahh' ala aga sla'ee' kawa tlehha'. ¹¹ Kuunga' gasi tlehhak ner idoda kuunga' kar sla'aai' tlehharo ar har idoda ta alestera' tlehharo. ¹² Asma kuunga' kangwi kuwa sla'aa' tlehharo a ga'r qoom hhe' gada' i ko'n ar alseslay ngiwa hanisi ala gada' aleslaykan mingiwa duux. ¹³ Gadiyeri a gidabaheka kuko ido'r islahha ngiwa slaya'r nee kuko ka al'loa'y nee huwa gar sla'amuut moroo' slee'meero in alqo'n. ¹⁴ Kuunga' tisi yarir ta konda' qomarihe mukuwqa oo' baraa' alemaa' i diria' ngu /is daqane kuunga' aba'r aleemaa konda' inooin kuunga' nuwa /iisiya' idori an ido'r qoma'y dirii. ¹⁵ Idori an ido'r kar goin "kwada' ar yarir koo'm gar' a diro's i met i kahh nee kwada' ar ninaw koo'm alemaa nga slayka'n. ¹⁶ Mungu' na'asi kwada baraa' muno Titowo muno ilakaharu nee ale/isay ngwa qaa's an muno ani nikom asma kuunga'. ¹⁷ A gidabaheka a firo'r ate'n ta hanisan nguna hub, geera ino's kilo's tigu dawitimiis asma xemu ayahung in baraa' monow dahh. ¹⁸ Nguna ya/awa'n dinkwa nee hhiya' kwada ta i a tlee's baraa' kanisaduwo asma gadiyero's ar ya/abito'r hho' alla/iit. ¹⁹ A ti kiloseka ala sleeme kuna tsawa'r hee kanisadu iwa alhi'iimiti nee ate'n tiwa ale/imisan baraa' oo uhimeri ar ta duxuti, ii an xirfoo Aako oo kila' nee an sla'ariren asma ale/isewi. ²⁰ Garta baqamiman a hee mutuwa danda axwees baraa' gadiyeri ar ohime ta tlehhita'n. ²¹ Tin alqatsimita'n gada' hhohhoarita' huw ngiwa tlehhan a dir ger Aako kiloseka nee dir geera muu sleeme. ²² Nee sleeme hhiya' ooo hatla u ya/awaan dinkwa nee inoine, uka alqaytsimitan qoma'r yarire nee uka aran ino's a hee' gadiyer slaa' nee tam hindi i muno kon nee pihhe lo' wa ur asma kuunga'. ²³ Gawaa' dando Titowo ino's a hee' ani ale/imis baraa' gadiyerihe nee ani tin ale/imisan asma kuunga' ado'r hhae kwada ti ya/abiti nee kanisadu asma xrifoo Kristo. ²⁴ I dodihe sla'arih'ng laqamak gawaine nee ka laqanda' baraa' kanisaduwo ga'r ate'n tis xirfemisa'n asma kuunga'