¹ Sla'aaruser'ee' asma alqadoori kawa komaa'n ti kolohung hhohhoese' baraa' umoo'qo gada' kuunga tunuhhititimaa baraa' slaqohu'ng nee baraa' munerhu'nge nee hhoohhoari ka lelehha' ne'r baraa' da'er Mungu'. ² Dii amohhe'eesak asma ate'n hhe' tan as dakusaan i kahh ayahunge nee hee' ta slahheeesaan i kahh nee slimi hee' ta al/ayan i kahh ar ate'n daqari'iima kawa slawan. ³ Ti ngiwa kah a gidaabaheka' kuunga' nuwa tlatlakweemiis asma aka qaro oo' kuunga a baraa' slafingo a dinkwa. ⁴ Ani pihhe yarir u koo'm asma kuunga' tin xirfemis asma kuunga gira'/oo yarir u koo'm ta'm baraa' tla/angw slahha'amoyere'n slee'meero. ⁵ Nina xawaan baraa' Makedonia slaqore'n hu hungu/uusa' nga slay'iika' aludae ga'r ta slawaan an slahha'amaye ar umo idooro ar tunwa difi baraa' slaqowo nee gurhami baraa' munemowo. ⁶ Munguda' mu'k a diqay tsatiit ngu gurkwa/aamamis tamuna gurkwa/aas ne'r xemu Tito. ⁷ Ga'r gurkwa/asa'r Mungu' kasa slawaan a xemu Tito kiloseka' asma gurkwa/asada' Tito naa dirhu'ng wa sla'y ino's sla'aarir ur ar kuunga' ta konda' ngina oo' gurhamirhu'ng nee idoda' slahha'amaye kawa konda gawaa' dandoene, idosihe gwal/oo ee' ina ka'r dogin. ⁸ Tam aba'r barwar'ee' tuna gurhamir i hubi tisi ani awada'imitaaka' ala ana da'ayut qoma'r barwada' gurhami ngiwa hu'b dirhunge ta'm idosihe gurhamir ta sleree' ar qoma'r ninaw. ⁹ A gwal/o loo'm gwal/oowi' a as slahha'amayeda'eka kuunga ta konda' a as gurhamida kuunga' naa hub baraa' hho'iima. ¹⁰ Asma gurhamida Mungu' sla'atimiis ga'r i hub a hho' ima asma ba/ama'r gurhamir komaka' gurhamir dandoo' yamuka' ga'r i hub a gwa'ara. ¹¹ Qaytsite' ido'r gurhamida Mungu' sla'atimis gar'na lagwa'l a ilakaharu, tiwa alekala/anda' kilohu'ng ale nee moroo' tlakw kuwa siasia' nee kuwa mera' nee tisi ngi laqaqan kawa sla'aa' loema kiwa dagidaeeli nee baraa' umoo'qo garo tlakwees a konda'aaka'. ¹² Tam barwari nga amorhungi goimi aka goimika asma heda a dakus sleeme a heda' eka ta slahha'ees nee tlakwema, ana goim asma munemahung tiwa gehhoesiya dir atene nee dir geraa Munguhe'. ¹³ Gawaa' tihe aka gur'ee kwa/aan nee baraa' albu'uma'r gurkwa/asare'n aka lo' wa qwala/aan asma Tito idoda' munowo's iwa qwala/ asma kuunga. ¹⁴ Aba'r takahi ani tina xirfeemiis diro's i ale asma kuunga' a mure'r komaaka' ala umoo'qo gar ate'n ta ooani baraa' ayahunge a loema xirfore'n gawahunge asma Tito a loema. ¹⁵ Sla'ariro's gawahu'nge ka lo' wa u'r qoma'r ila iwa/amerhung bir nga insla'y idoda kura kwahhoase' ne'r dae na daratamaye. ¹⁶ A qwalala/ asma xure'r ni koo'm kahh barahunge.