¹ Aba'r algadiyusaa'n dinkwa nee ino's tunun firirim tsuqa Mungu' mitoo' ilaohimara' nee aluwo garti laqaqam i kahh. ² Asma i kahi "qoma'r aa ya/aan una/iis boloo' ba/amaro una/iis" qaytsiit hindi an qoma'r a ya/aan qaytsiit hindi ana boloo' ba/ama. ³ Getlar/amo' hee' ngu daa'hh u qasanaaka' dir geera hee' asma a sla'aanaka' gadiye'r kawa tlatlakweesi. ⁴ Idoorihe tin kilore'n i qaytsimitaan baraa' tlehhimi'ire'n slee'meero ar gidaaba' ate'n a sagadiyuser Mungu' nee a sagadiyusero's ner' qitloo' yarir baraa' slahha'aamaye, gurhami nee gawdemaa hotaa. ⁵ Difta, tsegma', tsifirangw, braa' gadiyeede aka lo' wa gadiyusan, gu'ute ana mawan amsiwo ana gwarko'r iwiwitaan. ⁶ Hota hhohho' xu'uti qitla, hhoema, baraa' qeeru hhohho', nee braa' sla'ari kilo's. ⁷ Ate'n a sagadiysero's baraa' /ayamuda' ganaa' nee /uruu Mungu', xosla'ar lo'ema a komaan braa' dako doo' /uyay ne oo doo' basa'y. ⁸ Gadiye ana tlehhaan, qomarka tununa xirfemiis nee qomarka tununa waqaqa', tunugotliit nee qomarkaro tunun na'asa'r i hanimis qomarkaro tunun askawasleemut ar gidaaba' ate'n a lamuse laati ate'n a loema kahaan. ⁹ Gadiye ana tlehhan kuto' tunuxu'iikan laati tunun lo' wa xu'uti hhe'ees gadiyer an tlehhan ido'r mu'k hham qaytsitek a kumitaan hotawo gadiye an tlehhan kuto' tununaa as kwasleemauut asma tlehhmi'iire'n, slimi a gidabahaeka' tununa sakwasleemuut tawa hhamaan. ¹⁰ Gadiye an tlehhan ido'r muku gurhamuut ala ate'n umo daqito ana qwalala/aan, an gadiyesan ido'r narkute ala mu'k yarir un daqaritimisan, gadiye an tlehhitan kuto' garta slaslawaan i kahh ala ate'n umo gaaro an alaan. ¹¹ Loema slee'meero ika axweesan dir kuunga' oo korintowo nee sleeme munero'en aa gwerit. ¹² Munerhu'ng ate'n a ila/anaaka' aqo tunun ila/ nee dida baraa' munerhu'nge ta ya/aande'. ¹³ Nee hindi axweesani aldakutaan ne'r loema ani anaaxwees' ido'r hee' axwee's mo'r na/ii munerhu'ng gwerak. ¹⁴ Mutunuwa haragamiis nee pakana'y xa'y dinku'uma ideero baraa' gana'amu nee tlakwema? Nee xa'y dinku'uma' deero dir gwa/atema nee giwti? ¹⁵ Ya/amaa' Kristo koo'n i deya'a dir ino's nee betiari? Laqa'y kwada' haratintao'r koo'm ga'r ko'n a mita' dir kwada' haratlintao'r komakahe? ¹⁶ Xa'y dinku'uma ideero dir doo' Mungu' nee dir ma'aaye kawa tlehhahhiti? Asma ate'n ngira oo' an tla/angw' in wa iwiwiit nee an tla/angw' in wa hi'iimit ani a Munguin tlehhiit nee inooin i mukuee' tlehhitiya'. ¹⁷ Baraa' idoorihe ti'iite' baraa' tla/angw ine tunuparatli dir'ine "Aako i kahi ga'r slasla/aa'r ma' kwatliitara' nee ani kuunga' nun kwahha's. ¹⁸ Ani a Baaba' tlehhit nee kuunga' a na/iiee' oo' daqay nee dasuwo Aako Mungu' kwada oo Aleesleemu koo'm Ti ngina oo'.