1 A xu'aan ar gidaab' do'ore'n kwada' oo baraa' yaamu i bira hhituruu't do' u komaa'n oo mo'r Mungu' da'hh, doo' ta tlehhika' ne'r dabaa' muu, a doo' akhhe'eese komaka' oo gawa dawri. 2 Asma baraa' do'owihe' a tiqaa'n garta sla'aan do'ore'n kwada' oo gawaa' dawri kungu'n dahas. 3 Un ilatlerusaan asma aba'r uka dahasan daqane ate'n a /ankwetseeka'. 4 A xu'aan ar didaab' qoma'r aba'r baraa' do'owi ai diri'an tunun alwa/a nee tiqiti a sla' aanaka kawa duxi siwarose garta sla'aan kan dahas alok masok toda' aa gwa' kawa gu/, nee slafingw. 5 Kwada' ate'n tinaa' amohhe'ees asma gaari a Mungu', a kwada' ate'n tina qeeruu hhohho' i hanis ido'r arhuni ar gada' ta damara'n. 6 Baraa' tihe pihhay u komaan umo' daqito ti barmagahhe' asma ate'n aba'r gawa slaqoka' i dirian tunun saw dir Munguhe'. 7 Asma an hi'imitan ne'r haratlintao tam aka aranikahe haraxu'utir komaa'n. 8 A Tsini aba'r tunu saw nee slaqwati ar tawa iwiwitan awa dirdo' dinkwa nee Aako. 9 Ti an ga'r qoom direne aba'r do'o i dirian laqa'y aba'r tunu saaw ar ino's kuwaa' sla'atimisan. 10 Asma ate'n slee'meero tunun gehhoee's dir geera kita'ng Kristo oo slakwasleema' as toda harim ngiwa ilaohi barka hho' laqa'y ka tlakw. 11 12 Asma daer Aako kawa komaa'n muu un firiri maan nee ate'n i do'r ti dirian dir Munguhe' ka gehho' an harafadit ar gidaaba' kunga sleeme ate'n tunatsahhe'. Kuunga' slimi tunu mele firirimanaka' ar tunuwa tsahha' tawa loeema momaan siwarose gada' ate'n tiwa xirfemiisan ngin dirhungi kahan daqane kuunga' a/ayimu kuwa oo' dir mu'kda' ti kiloin xirfemis me'r moroo' afeeni nee sleeme baraa' muno dahiika. 13 Aba'r ate'n sager'n ina hhiturut in hhituru'r asma Mungu' nee aba'r sagera'n i qoo'n i qoo'n asma kuunga'. 14 Sla'arir Kristo ate'n tunun harakomaako'n asma xu'uti akomaa'n ar gidaaba' hee wak inaqwaa' as muu slee'meero nee idoorihe slee'meero na hhane'. 15 Kristo ina gwaa' asma muusleemero as kahho' kwada' alaaf matwa mele hhot i dor inooin kiloin wa ale ala ta hooti as kwada' aa gwaa' nee ire wasloo/. 16 Baraa' tihe imir hindi nee amo'r ta'y hi'iitan hee' ii sakwasleemuutanaka' ne'r idoda ta ga/awaan ar hee' uuma', amo'r aluwo aten Kristo una ga/awaan ne'r idosi ala hindi hee' u sakwasleemu tanaka' male ale ne'r idori. 17 Idoorihe hee' ibir baraa' Kristo i dirii' ino's a hee' /aben tlehhit asma moroo' aang aa warahh, qytsitek aa moroo' /aben tlehhiit. 18 Morowi slee'meero amo'r i da'hhi a amo'r Mungu' ate'n tununaa' harala/is amoros i ale ne'r urwa'r Kristo nee tununaa' gadiye'r haraki/imis i haniis. 19 Idoorihe an kahan baraa' Kristowo Mungu' muu nguna amoro's i ki/is tlakwemain nga harafarikan nee ga'r a qaa's brare'n a /aymu harki/isa. 20 Asma tihe tununaa tsawa'r as siwa'r Kristo as tawa axwesaan siwaro's wa ale as kahho muu kuwa haraki/isi ne'r ur wa'r Kristo. 21 Ino's Kristo nguna ilahhoa tlehh asma telakwemare'n ino's tlakwema nga tlehhikan ino's ti ngina tlehh asma ate'n tunuwa gana'amu i harafari.