¹ Asma tawa gadiyeri komaan nee idooda' gurtlemu kwa'r ilaoha'n a diqe tsatitanaaka'. ² Siwarose urduuda' slee'meero muner' koma nee oo' naa nahhati' a hootanaka' ner lama' /ayma Mungu' u hhititimaanaka Loeema in kahaan tin kilore'n laqaqama'n dir umo hewo a'r loema kiwa alki/itaa'n. ³ Aba'r ya/abitore'n toda' ho' ta' alki/itaa'n ka getlaakw, ka'n getlaakw dir kwada' ta' hhamisi. ⁴ Dir tsawdo'r ine xu'utirin toda' tsaha'r komaaka' Mungu'in kwada' oo dando yamuka ngina giwis, gar ti laqaam qwa/atemaa' ya/abito'r xirf ar Kristo ngi tsahhiya'aaka' Kristo kwado' slaqase Mungu'. ⁵ Ate'n ti kilore'n laqaqamanaka' ala a Kristo Yesu un laqaqamaa'n tawa Aako nee ate'n oo kila' an ya/abuserhu'ng as Yesu. ⁶ Mungu' an kwada' aa oo' "qwa/aatemaa' igwa/aatiya' wa baraa' giwiti baraa' munemarene ina tsa'aa's gwa/atemaa' xu'utir xifoo Mungu' ngina haniis ne'r urwa'r Yesu Kristo. ⁷ Ala ate'n daqari'imari an komaa'n baraa' xosla'ari ar hhape, as kahho' kawa tsahhi /uuruu lo' wa u'r oo Mungu' slimi a bolo koreneka'. ⁸ Slahha'amaye a slaslawaa'n umoo'qo barto ala aka hhamanika' a xuruumitaa'n aka diqee' tsatitanika. ⁹ Tunun slahhaeemiis ala tunasagawaresika' tunun yaamu i kal/a'n ala tunahhamisika'. ¹⁰ Daqiisalee'm baraa' slaqore'n garta gagarlima'n a gwa'ara'r Yesu as kahho' slafingw Yesu kwa ari sleeme baraa' slaqore'n. ¹¹ Ate'n koka' slafa' qomaa slee'meero tununa slaa' tawa hhamaa'n gawa Yesu i ala as kahho' slafingw Yesu kuwa ari baraa' slaqore'n koka' oo' muu. ¹² Baraa' idoorihe gwa'ara i gadiye'r koo'n bararene nee sleeme slafingw i gadiye'r ko'n barahu'nge. ¹³ Qeeruda' oo baraa' haratlintao u komaa'n nee idor kara goin anaharatlintii' nee nire axwee's ate'n sleeme ana haratian nee baraa' idosihe nire axwesaa'n. ¹⁴ Axu'aa'n kwada' Aako Yesu ngwa waslo/atis sleeme ate'n tunu waslo/atiis dinkwa nee ino's a xu'aa'n ar gidaaba' ate'n nee kuunga' tunun ar tla'y bo/o ki/imawose. ¹⁵ Umo gaaro a tohu'ng as kahho' qemu iwa dogigin amo'r mu'k yarir, slufay ilo' wa dogin asma xirfoo Mungu'. ^{16 18} Gawaa' tihe' a diqe tsatimitanaaka' ba'r tun ge/ee'r afeniro aka hhiturutaan baraa' gur' oo tunun /abemiis umo daqito. ¹⁷ Dir qomari ninawe slahha'amayeri islahh ate'n tunun amohhe'eemis as xirfooda' oo daqisleem oo umoo'qo garo ngi ba/. Asma ate'n a qaytsimitanaaka' baraa' morowi ta ga/awaan oo baraa' dando yamuka' ilawo, moroo' ta asleslawanga/ang ilawo a moroo' qoma'r ninawe ala moroda' ilawo ta ga/awanaka' an moroo' alhhe'eese komaaka'.