¹ Tin male kilore'n xifemisana? Laqay i hariin, barwa'r ate'n tunu xu'utimiis ar amo'r ayahung ka'w? ² Kuunga' a barware'n ar ate'n tini xu'utimis toda' ta goin baraa' munemare'n toda' ta qaro xui nee ta' somuusi nee muu sleeme. ³ Nee ti laqaqa'n kuunga' tawa barwa'r amo'r Kristo da'hh toda'y ate'n naa hanisa'n toda' ta goinika' ne'r wino ala kanaa' goin nee qeeruu' Munguda' slaf ka goinika gwa pehheda' oo tla'u ala kana goin baraa' pehheda' oo' munemoo' muu. ⁴ Ti an xu'utir ta komaan dir Munguhe ner urwa'r Kristo. ⁵ Ate'n kilore'n a aleeslawanaka' garka kawa sla'aan amorhung i ale ala aleeslemuren amo'r i da'hhi a amo'r Mungu'. ⁶ He ate'n tina alesleemu sagadiyse'r Alqado'r /Aben wa qaa's an Mungu', gaari a Alaado a goirooka' ala alqado'r geeruu, asma goi i tsu/u't ala a/qado'r qeeru slafingw huwahup. ⁷ Nee hindi gadiyer' gwa'ara kana goin gawa tla/e nina xeer idor ga'r xirfoo' koo'm dir mu'k Israeliro' ilain gitse/aa' Musa nga lo' wa ga/ayka' gari a asma xirfoo' baraa' gitse/aa Musa ii dirii xrifo'da' in /aruru'y. ⁸ Xa'y gadiye'r qeeruu' i ak xirfoo' kondake? ⁹ Aba'r gadiye'r askwasleema ina xirfoo tlehh a sagawa maga' gadiye'r loeema xirfowo's iwa lo' wa dogin. ¹⁰ Loeemawo toda' ta xirfoo i tlehh gerawo i mele xirfoo kondaaka'n asma xirfoo oo aluw aa baalin. ¹¹ Baraa' idoorihe toda' aa warahh ibir xirfoo koo'n xa'y toda' hoot delo sleeme xirfowo's a i doola. ¹² Asma harafaro kwa komaan baraa' idoorihe' pihhay u lo' wa komaa'n. ¹³ Ate'n a idoda eeka' ar Musa kwada' warqamo' ngwa qaa's gawa gitsee/awo's i ale as mu'k Israeli matawaqaytsiit amo'r amo'r xirfooda' faa'k oo alhhe'eesa'y. ¹⁴ Xu'utir in kanaa tsee'g ay bili warqamooda' i kumiit kuwa tuntuku'n qoma'r Algadao'r qare'n barka somin ka gehhoema i qasika' asma a har baraa' Kristo kilo's waqamoda' kuwa henges'. ¹⁵ Ta'm ay bili goida'r Musa barka' somin warqamooda' munemain ngin tuntuku'n. ¹⁶ Hee' biraa warqay amo'r Aako warqamooda' kun henge's. ¹⁷ Hindi Aako a qeeruu, dir qeeru Aako i diri'i gwerimo i dee'r. ¹⁸ Ate'n slee'meero dinkwa nee gitse/u/uda' ta warqamaa' i qasika' xrifoo Aako ngu ari ya' tunun warqwee's baraa' xirfooda' ta' ba/ay ay xirfoo hatla' ido'r xirfoo' amo'r Aako da'hh kwado' qeeruu.