¹ Ani barte'ene geera ana oo' ayahu'ng ngwa kawakang male' ale ne'r slahha'aamaye. ² Aba'r ani kuunga' naa slahha'amayeri aw a ma'a oo ani i qwala/aa's xa'y a kwada'e ani naa slahhaee's? ³ I doda' ani na tlehhiit ana goim daqane qoma'r ani birnaxa'w mo'r ayahung initiwaslahhe'eemis nee kwada' geera ani qwala/aa'sa', a qwal/oo koo'm dir kuunga' slee'meero ar gidaaba' qwal/oo ee' a'n kwado' oo kila' kuunga' sleemee ta konda'. ⁴ I doori ngina goim dirhungi ale as slahhaa' amaye'r ur'n nee gurhamir baraa' muna' nee hherheerii yarir aka sla'iika' nuwa slahha'amayeri hanis ala ga'r na slaa' sla'aarir baraa' munoee' i diri' as kuunga kawa xu'a'. ⁵ Aba'r hee' ideer oo slahha'amaye nga tlehh nga tlehhika' asma ani kiloee' aqo har qoma'r nina' ala kuunga' tuna ak slahhaee's. ⁶ Diftaari ar mu'k yariir dir hewihe a idoo'. ⁷ Baraa' hihe difta'r hewi a bu'ut, hindi gar harim una gurtleera' nee gurkwa /asa' an hanisa' ti tlehhak as kahho mukuwa al/ay nee gurhamir yarir. ⁸ Idoorihe kuunga' nun gurbu'uum sla'arihung kawa laqanda' ne'r gehhoema as ino's. ⁹ Ti ani ga'r ngisa goim asma kuunga' nuwa i a'r a'r gidaaba' a ila iwa/amaye'r konda' baraa' umoqo garo. ¹⁰ Aba'r kuunga' uka gurtleree' ani sleemeeheesi ukagurtla'w aba'r garka aka gurtla'w gasi ka gurtla'y asma /isararhung ar baraa' Kristo. ¹¹ Ti a gidaaba' netlaang ate'n mitina al/ay asma ate'n a daktanarooka' baraa' morowi qomemesi. ¹² Tsufa'y kwa gwer dineene nee Aako qoma'r niwa baraa' Troa'r kaw as ya/abito'r hho' ar Kristo ngiwa barada' alki/ito aw. ¹³ Tam idosihe wayda' baraa' munahe uka slawika asma hhiyaee' Tito uka brada' i awiika', baraa' idoorihe ina gexa'w ani anaki/i baraa' Makedonia. ¹⁴ Mungu' i na'asi kwada' baraa' Kristowo qomi'i sleemeero tunagana'amaniis amo'r baali ngiwa wa slawaan amo'r bartarne' a tsiita hho' ar xu'utiro's baraa' yaamu slee'meero. ¹⁵ Asma ate'n dir Munguhe' a tsiita hho' ar Kristo, sleeme dir kwada' na ba/ama' nga slaye'. ¹⁶ Dir mukda' ta hhamisi a tsiita gwa'ara dir kwada' ta ba/amisi a tsiita' hho' ar slafingw, a ma'a oo hariim morowihe. ¹⁷ Asma ate'n a ido'r muk daeka'n yaarir oo /ayimu Mungu' werimiis as bu'utu ngwa slaya' ala dir atene un alki/ita'n ner muno /awak ne'r kangw hhohho' baraa' Kristowo ar idoda tunura ya/aw nee Mungu'.