¹ Paulo ya/abuusumo' Kristo Yesu ne'r sla'aarir Mungu', nee Timoteo hhiyare'n amo'r kanisa'r Mungu' ar baraa' yamuu' korinto, nee kwada' haratuntao'r slee'meero oo baraa' mkoa'r Akayari diria'. ² Tsuqaa nee wayda oo amo'r Mungu' Baabore'n nee Aako Yesu Kristo dahha' slawaak baraa' ayahunge. ³ Mungu' Baaboo' Aakore'n Yesu Kristo ixirfuuti ino's an Baaboo' gurtleemu nee Mungu' gurkwa'aas slee'meero. ⁴ Mungu' ate'n tunuu gur'ee kwa/aamiis baraa' slahha'aamayer'en slee'meero as kahhoo' ate'n kwada' baraa' slahha'amoye'r i diria' kiwa aleeslawan gur'ee kwa'/aasa'ro oo hatla' in gur'ee kwa /aamisaan ne'r gurkwa/aasada'r kila' Mungu' tunaa'r gur'ee kwa/aamiis. ⁵ I doda slahha'amoyere'n iwa dogigiin as Kristo idoosir kila gurkwa/aasare'n in dogigiin ne'r ur wa'r Kristo. ⁶ Bar' tunu lsahhi'eemiis, tunun slahha'eemis asma gurkwa/aasarhu'ng nee ba/aamar hung nee abar tunun gur'ee kwa/aamiis, tunun gur'ee kwa/aamiis asma gur,wa/aasa'rhung gurkwa/aasa'rhung i gadiyer' ganaa' koo'n abar baraa' slahha'amayeero aka dinku'uute' ne'r qitla ido'r ate'n sleeme nir slahhahha'aa'n. ⁷ Harantlintaore'n gawahunge ka' lo', wa u'r a xu'aan ar gidaaba' idoda' tara dinku'uute' baraa' slahha'amyaero, idoosir kila an dinku'uumita braa' gurkwa/aamisoo. ⁸ Asma a sla'aanaaka' nuunga' tawa daktu'uuta' hhae, baraa' sla'amaayer ni koma'n baraa' Asiaro, tununa lo' wa slahha'eemis qitla kuree aloo' harslaqata'n asma harafarir hotaa ana aloo dakuusa'n. ⁹ Ar loeema gidaaba' kwasleema'r gwa'aara i gaware'n, i dirii baraa' idoorine ate'n mitiwa kilore'n harafara'n ate'n Munguda' wasloo/itimis ku harafara'n. ¹⁰ Ate'n hununa alee/iis baraa' slahha'amaye'r gwa'aararo nee sleeme hindi tunun male /iis, haraxu'utire'n ti aka qaasan qawawo's i ale ar gidaaba' tunuwa /iisi. ¹¹ Ti ngin tlehh asma alee/iseehung kwada oo baraa' firo toda kuunga ta tlehhita' baraa' tihe oo yarir na'as ngi oo iya' asma ate'n as qeemuda tina hanis ar firo'r mu'k yarir. ¹² Qwal/oo ta koma'n a gidaaba' toda', ta kahaan baraa' munemar'en ar munohho' nee /awakema oo baraa' muno Mungu' dahha' oo baraa' saqaloa'r slaqwatooka' aqo qeemu Mungu' unaa ar hootaan baraa' yaamuwo aka ale baraa' ayahung. ¹³ Gada' kuunga tsahharo ta' alesleera'aaka ngi kuunga i goimaka'. ¹⁴ Gari a hraxu'uutir'ee ar gidaaba' bar takaro' tunatsahhe' nee a haraxuu' bolo' delo'r Aako Yesu, ate'n a qwala/aan asma kuunga' nee kuunga' sleeme as ate'n. ¹⁵ Asma harafarori ngiwa koo'm baraa' tihe' ana slaa' niwa girim xemuu' ayahunge' as kahho' qeemu' sagawa tsa'r kuwa sleera'. ¹⁶ Ana oo' a'r gidaaba' niwa ayahu'ng deel qoma'r har' Makedoniar ka'w nee mele ayahung ar kii/ qoma'r ba'r Makedonia'r da'hh as kuunga iwa /isa' aba'r Uyahudi'r ka'w. ¹⁷ Qoma'r ti ngiwa hhasliit a kwaslmita'? Xa'y morowi uka qomesi ne'r he'uuma ar niwa ha'h ee'ee' laqa'y aa'a' aa'a' baraa' qoma'r wa'k? ¹⁸ Asma Mungure'n iwa inserehhir koon' ka' moroo' slee'meero a kahanaaka' ee' laqa aa'a'. ¹⁹ Asma garmaa' Mungu' Yesu Kristo kwada' Silwano, Timoteo nee ani naa alki/itaan baraa' tla/angw hu'nge oa'r aa' sla'ay siwarose qomaa slee'meero a ee' kilo's. ²⁰ Asma Alaqado'r Mungu' dirose' a ee' nee sleeme baraa' inose ga'r ta' kahaan a' "Amina" ne'r urwa'r xirfoo' Mungu'. ²¹ Nee hindi Mungu' ate'n tununa gawdee's dinkwa nee kuunga' baraa' Kristowo nee tunure ya/aaw. ²² Bu' ngina qaa's gaware'n i ale nee qeeruu' hhohho' baraa' Munemare'ne ido'r arbuni as gada ta aluu wa slawwaa'n. ²³ Ani Mungu' un firirim iwa alee a'y ar gidaaba' gada' ani a ila/ nisa korinor kawika' a ' as kuunga mutunuwa al'iilo'u. ²⁴ Ti a gidaabaheka' haratlintaorhung an ila/amaa'n aa'a' an algadiyusan dinkwa nee kuunga' as qwal/oohung asma kuunga' aka sihhite' baraa' haratlintaoro.