¹ Ani Paulo oo kila' kuunga' nun firiim ar tiwa baray ki/imis ner tsatsaaremaa Kristo ani ti tsatsaa'r qoma'r ba'r geera hu'ng i dirii, slimi ani dihh qoma'r birti saw dirhunge. ² Kuunga' nun firirim ar digaaba' qoma'r ani nee kuunga' aba'r dinkwa dihhayee' i gadiyer konkan ala gar ni sla' dihhay kun ar qoma'r aba'r mukda slaqoo harafadiit aleetl ank kwada kaha' an hotaan ne'r kangw slaqwa. ³ Ta'm ba'r hi'iimitaan ne'r slaqoo a slaqwanaka' ne'r kangwda' oo slaqwa. ⁴ Asma xoslu ta'r slaqwan oo slaqwatooka'n ala xosluu /uuruu koma' kwada' baqoo' gawit ngu fe/a garta slaxaa'n a /aymuda' oo lama kwada nee /aymu Mungu' ti koma' aaka'n. ⁵ An hhitimaa'n umoo'qo garti gawti tlemiis gawaa' dando xu'utir Mungu'he, nee ate'n umoo'qo hhaslooro an harmagahhaan ar Kristo ngwa ila iwa/. ⁶ Nee ya/amaa ina dawaan ar umoo'qo tlehhimii ila iwa/amer' komaaka kiwa as kwaslemutaan qoma'r ila iwa/amerhu'ng bira ganaa'. ⁷ Qaytiit gada gehho, gerahunge, aba'r hee' aa ya/aan ar gidaaba' ino's a hee' Kristo, nee ngi kilo's tsahhi ar gidaaba' idosi ino's ta'r hee Kristo idoosi an ido'r ate'n ta'y dirian sleeme. ⁸ Tam birta xirfee's gar ninawe gawa dando alseesleemure'n kwada' Aako na haniis asma kuunga nuwa kwa/asa'n gawa tihe mure a araaka'n. ⁹ Baraa' ithe a sla'aaka'n ar gidaaba' ani a kuunga' i gahhamiit ne'r baraa' slaoo/eewi naa amo'r hung i goim. ¹⁰ Asma muu bahha'ale i kahi "sloo/eewo's oa goin i xarasi nee i /uuruu koo'n ala ino's baraa' slaqwato i wanaaa' /ayme'eriwo's i harinaaka kiwa axamiisi". ¹¹ Aso muku idosi ngi tsahhi ar gidaaba' toda ta kuhaan ne'r sloo/i qoma'r tunusaw i qona' nee toda ta' tlehhiita'n aba'r dida i diriian. ¹² A amo'r sw kwanaaka'n ar tiwa kilore'n burumbura'n laqay tiwa qomesaan talore'n ale nee kwada ti kiloin xirfe misa' ala inooin tiwa kiloin qomemesiya' nee inooin oo kila' a daktana. ¹³ Ate'n tam idosihe ta wawa/asanika' xirfemisowo ala ar ta kahaan aqo harqomaa da' Mungu' naa ate'n i hamis nee kuunga' sleeme' aba'r qomada'r i diria. ¹⁴ Qoma'r ate'n aba'r axweesan asma kuunga' harki/eere'n ukwa warahhanika'n dir kuunga'e asma ate'n a muku geera oo ya/abito'r hho' ar Kristo nga giriis ayahunge. ¹⁵ Ate'n ta kiloren xirfemisanika gawaa' dando gadiye'r mu'k hatlae ga'r ate'n ta harafaditaan a haratlintaaorhung bira kwa/ ate'n daqane' a dogiman gadiyer ur kawa aka tlehhaan ayahing wa ale asma gadiyeda Mungu' naa ate'n i haniis. ¹⁶ Harafari a komaan gawa tihe as kahho' ya/abito'r hho' kawa alki/itaan baraa' ayemoo dimbadimbay ti xirfesanaaka' asma gadiyer ta tlehhiiti baraa' yamu hatla wa ale. ¹⁷ Ala oo ti xirfemiis ti xirfemisi wa baraa' Aako. ¹⁸ Hee' ta ya/aan a kwadadeka'n ta kilo's xirfemiis ala a kwada Aako a xirfees ngu ya/aan.