¹ A tsini geera aba'r akaa' qitle' asma daktu umar ee' xaysee' loemawo qitle'. ² Asma ani a tlomuu' koo'm asma kuunga' tlomue oo Mungu' asma kuunga' imir alqado kawa kahaan ar tunuwa duxutis dir hhawato wa'k, anagawdu ar kuunga' tunwahuu amo'r Kristo ido'r dasida toma'r koo'm. ³ Afiqoma'r karo ani a da'iimiit aba'r amatoo/i Eva ngina al/ay gawaa' idosihe hhaslo'r hung i ya/aan kawa qwaresi waa amo'r ibadada' ar kila' tida' hhohho' ama Kristo. ⁴ Slaqasewe heeko nin xa'y a'r Yesu hatla' ngwa alki'iiti oo' nee kwada' ate'n naa alki/iitan ti koma'aaka'n laqa'y slaqasew qeruu' hatla' un ila ota' oo hee kwada' kunga' ta ilaote tikoma'aa ka tlehhe'. ⁵ Ani ngi slaa' a kahh bara tla/angw muuda' diqay tlakwe dir gera kwada' ta baba'y ya/abuse'da' ure'n. ⁶ Aba'r ani tina itsahha tisika'n akwesani alki/itawo, ala ani xu'uti a korom baraa' umoo'qo garo arta tlehhaan ka tsaahh ayahunge. ⁷ Xay tlakwemaa ina tlehhi qoma'r tiwa laloee' ninawee's daqane kunga' tunu tleesi? /aymu Mungu' unaa alki/iita'n ne'r ido'r hho' ayahunge. ⁸ Kanisadu' hatla' ika hayo asma alee/isa'y un ilaohim dir'i wa ale, daqane a aleeslay ar kunga tunuwa ale/iis. ⁹ Qoma'r ani nee kunga' tawa dinkwa nee qoma't niwa aleeslaa' ani hee tam oo wa'k naa ali' loou' i kahh asma moroee' ina bu'uut nee haae nire' Madedonia'r wa tlaye baraa' umoo'qo garo ani ta kiloe' ilaa/ ama makawa huwa tlehhiit ayahunge nee slim tis tlehhitowo an kumiit. ¹⁰ Idoda' loema Kristo i diriiya' baraene, xirfemisoee' kwi kuila/iika'n baraa' aya Akayaro. ¹¹ Asma mila? A gidabahe ina sla'aaka'n Mungu' ngi xuu' ani ngiwa slaa'. ¹² Ala toda' ani ni tlehhiit aba'r aka tlehh sleeme, a tlehh asma daqane ngiwa aleeeslaw pa/angw kwada' i doda' i ate'n nii diri an ila tleeruusa' baraa' toda ar kila' tiwa xirdemisiya'. ¹³ Asma mukuda' a ya/abuse'r lana nee ana muku gadiye'r al/ayama tlehhita' tin kiloin warqemisiya' ido'r ya/asuse'r Kristo. ¹⁴ Ala ti i wa/o/omo'r kondaka' asma tam netlaang tin warqes tawa ido'r malaykamo gwa/atema. ¹⁵ Ti, i wa/o/amo'r ur kondaaka'n aba'r ya/abusero's sleeme bir tin warqemisiya kiloin ale ido'r ya/abuseda'r loema alhhe'eesein a ido'r tlehhemi'iin i diriiya'. ¹⁶ Ti an male ka'h hee tam oo wa'k miwa deeruu't oo ka ani a daktani aba'r ani i idosi i harafadita' ani ila ohari ido'r daktani ar tiwa xirfees gar ninawe. ¹⁷ Ti ni kah gawa dando tiwa kiloee' xirfemiis ka askwasleemutikan nee Aako ala ti an axwees ido'r daktani. ¹⁸ Asma muku yariri tiwa xirfemisya' kiloin ale baraa' kangw slaqwato, ani slee'me ti xirfees. ¹⁹ Kuunga' tina alikomakdonde' nee daktana ner gwala' nee slim kuunga' oo kila a sagaloar konda'. ²⁰ Aba'r ta ale ya/ande, nee hee bur tuna dahaa's baraa' lawaliima, aba'r qasimis bur ngwa huu' baraa' tla/angw hunge, ab'r kuuna' tunu ar gadiyus as slaslawaro's ngiwa slay ibir ta kilo's tlee's gwati ale laqay aba'r tuna qitse/a diff. ²¹ Idor an an axwe's asma kilqire'n ar gidaaba ate'n a lo' wa tununu/aan gasi tleehharo hee birta xirfee's ani an axwees ido'r daktani ani slee'me ti koee', xirfee's. ²² Xa'y inoin a wayahudiro? ani sleeme a idosi inooin a Waisraeliro? Ani sleeme, inooin oo xwayla'r Abrahamuwo? Nee ani sleeme. ²³ Xa'y inooin a sagadiyuse'r Kristo? (an kuto ani saga inaa /akuu't) ani a aka ale tam abara gadiye'r ur i diriian tam baraa' tsegamo baraa' diftaro tina lo' wa diif braa' gwa'araro daqislem. ²⁴ Amo'r Wayahudiro difta sagawa koa'n difta miberi tsiyahh wa'k hengesek. ²⁵ Saga wa tam tina fiff ne'r hhara' sagawa wa'k tina tlaguu't ne'r tla/ee an ba/a/am baraa' melito saga wa tam, ana iwiwit amsi nee tlatala /angw baraa' tla/angw tlaw. ²⁶ Umoqomoro ana haayumiit ne'r baraa' tsaxwaa' ya'u baraa' tsaxwa muku tsakw tsaxwa amo'r mukuee' oo kila' kahha' tsaxwa amo'r xordu hatla' taxwa baraa' gixisadu, tsaxwa baraa' sla/a. ²⁷ Ani gadiye'r gawden ana tlehhit nee hotaa gawit ina ar hoot ana guu' nee qwari nee waxaro qoma'r yarire tina tsegiid baraa' tsagwa anawa iwiwit nee iqwar' i ikahh. ²⁸ Moroo' hatla' bura maw huwa naa gaga'r i deya delo slee'meero nee da'er ee' gawa dando danisadu. ²⁹ Hee' wanana a ma'a ala ani a wana naaka a ma'a oo hee ngwa getaap oo hee iwa hui baraa' tlakwema ani a salahha'aake baraa' munake? ³⁰ Aba'r gar afhaamiit tiwa xirfee's tin xirfees baraa' toda' wananaee' laqaqaam. ³¹ Mungu' babo Aakore'n Yesu kwada' ti xirfeemis ay alhhe'esay wasle ngi xuu ar gidaaba' ani ti al'/ayikan. ³² Baraa' ayadameskiro umsamo mkoa baraa' waawitiima'r Are'nta inois gixisa'da' ar damseski de'een ar ani tiwa ohi. ³³ Ala tina qaas baraa' kikapu ne'r urwa'r ta/angw do' nee baraa' ko/i nee ana ba/amu dir bada awose.