1 I hariin tiwa xirfees ala tisi ga'r i doogid i kahh, baraa' idosihe ani akumiit baraa' igu'utu nee gehhou amo'r Aako dahha`'. 2 Heeko wa'k u xuu' baraa' Kristo kureri mibane tsiyahh naa warahhii' aba'r in baraa' slaqwati dirii a xu'aakan laqay gawaa' dando slaqwa a xuakan Mungu' ngi xuu' kuna ar tlay ay baraa' dawri oo tam. 3 Nee a xuu' ar gidaaba' hewi ibir in baraa' slasqwati diri' laqa'y baraa' slaqwa ati dir'ika'n anaxuaka'n Mungu' ngi xuu'. 4 Kuna ar tla'y ay dida ta ba'y paradiso nee moro hhohho oo Mungu' ngure axamii`s kwad hee aleslay ka oaro. 5 Gawaa' hee ido'r wkihe ti xirfees ala gawaa' dandoee' loo kila ee ti xirfesaaka'n daqane aba'r ana gawaa' dando wananaee`'. 6 Aba'r slaa' tiwa xirfees geraa' daktaima akatlehhitikan gera ga'r ni axwees a loema ala tiwa xirfemiis ana ma'w daqane hee miwa deruut oo ngi aldakuut lo' wa ale toqa ta barae' ga/ay laqa toda' ta amo'r ee`' wa axamisi. 7 Ti xirfesakan sleeme asma gehhoee misoqa oo wa/o/omo'r koom baraa' tihe ta hatsiisika' nee dara/angw laqayi kana qaas baraa' slaqwataaee`' laqayimowi a ya/abusumo Aetlangw ani in slahhaemiis kahho`' makawa warqa'w ar tiwa xirfeemiis. 8 Saga wa tamu Aako una firirim asma gaari ar nguwa hengesi baraa' slaqwate'ene. 9 Inoos ina ba'y qeemuee' dir kuunge i bu'uut asma /uru in tlehhit ne'r baraa' wanana'ay, gawa idosihe ga'r na slaa' tiwa lo' wa xirfees baraa' wananaeeane asma kahho aleeslemu Kristo iwa iwiti gawaee`'. 10 I doorihe ana bu'umit gawaa' Kristowo ne'r baraa' wanana'ay ne'r ba'r /oslisling baraa' sla'amaye ne'r baraa' gurhamii asma qoma'r niwa wanana`' an ak /uuruu koom. 11 Ani ana daktaut, kunga' ani ina /urutese`' baraa tihe asma geraa' aa xirfoo i ki/ise' asma ani a gar taworoka'n dir kwada' ta daba'y ya/abuse'r ure'n tam ana a ala garoka. 12 Laydu loema oo ya/abusumo inatle hharut wa baraa' tla/angwa hu'ng ne'r qitla, layadu nee tlehhimii wa/o/o /amo'r koma' nee tlehhemii ure'n. 13 A idoola do tunur afahhamit ta kanisadu qa oo hatlae ani aka huwa tlehhitika ayahunge, gurtaware'n asma dakusari. 14 Ani ti amohho' niwa aya hungw kaw gari a ki/ima tam ar ni wa ayahung kakaw ala aka huwa tlehhitika'n asma gara hung a sla'aka'n asma i harindaka na/ii qasi ngiwa qasiya asma xway literin gar harimi xwaylite qasai ngiwa qas asma na/ii'n. 15 A lo`' wa qwalala' ani tiwa hanii's tiwa ar gadi'yusi laqay tiwa ar gadi'yusi asma kunga' ani kunga nun lo' wa slaa' nee sla'ari xaresa ngi ya/anda' dirhunge. 16 Ala idorihe kuunga' tununa al ilouwika'n asma ani tawa lo' wa qerusumo ani a kwa' kunga' naa oh kuunga kuta nuna slaw ne'r al/ayma. 17 Ani hee naa ya/awi ayahu'ng gawa he'sihe gar na hayo ideero dirhunge. 18 Tito unafiriirm niwa ayahu'ng ka'y nee hhiya'oo hatla' dinkwa nee inoos xay Tito gar kuunga' tuna i tlehh a mila? Aka hi'imitanike ne'r baraa' urwada' ar kila'? Xay digiroda' uka ar ohanike? 19 Kuunga' kawa xu'a' qomari slee'mero tin kilore'n ale kal/amaan dirhunge? Dir geera Munguhe nee dir Kristo umo garo arta kahaan ana kahaan asma kunga' tunuwa kwa/amiisaa'n. 20 Asma dae akoom ar gidaaba' birna xawa tunuslawaka'n ne'r idoda ni slaa' nee sleeme ani slera' aka'n ar idoda kuunga' kar sla'aa' gar' ni xurumit a axwesani in deru't, tlomu, nunene, ilatleri takaha'y dara/angw nee gilaa. 21 A xurumit bir na male ki/i Mungu' ee' ani murutis dir geerahunge ar gidaaba niwa mele gurha iringe nga tlehhiti nee kwada tlakwema nga henge siika'n ina kumiti ne'r baraa' tsatu'uma nee moro slasla/are'n.