¹ Ti a saga watam niwa ayahu'ng kaw " umo askwaslemaro ar kawa tlehh, ne'r lamabu'use'r tsa'r laqa ta'm. ² Aka qaro oo dir kwada iringe nga qaro tlehhi qoma'r ani niwaxaw nee dir mu'k hatlae qoma'r xemue oo tsa'e hindi an male ka'h birna male xaw qitla u male aleslawaaka'n. ³ Ti ngin kunga' i kah asma kunga' garta lolehhita' lamabu'ungw Kristo ar iwa axweesi ne'r ani ino's dirhunge i wanana, ka'n inoos in /uruu koon barahu'nge. ⁴ Asma kuna huw gawaa' pehhi ne'r baraa' wanana'ay, ala hindi slaf ner/uru Mungu' asma aten slee'me a wanana' aa'n bararene ala ana hotan nee inoos ner /uruu Mungu' braa' tla/angw hunge. ⁵ Ti alqaytsife' kilo hu'ng ale ka xuruaa' aqo baraa' haratlintaoro ti kilohung xuxuee' xay Yesu Kristo i barahu'ng i diri'ii ala bir kahh tunaya/anika'n. ⁶ Ani pihhay u kom dirhu'nge ar gidaaba' kunga kawa tsahha' ate'n tuna si'iika'n. ⁷ Hindi ana firirimaana amo'r Mungu' ga'r qo slasla/ar matlehhara' afiriimaka ar gidaaba' ate'n iara' aka ba/an siwase garni firirim kunga gar hho' tawa tlehha' tam qomar karo aka slaqatani. ⁸ Asma ate'n gar hatla' tlehharo ta sla'aan i kahh aqo loema in sla'an. ⁹ An qwalala/an qomar aba'r wanana'a'n nee kunga aba'r /uru konda' ate'n sleeme garta fiririman ar kunga tunuwa kwa/asi. ¹⁰ Morowi birti saw na kunga as kahho qoma'r ani nee kunga' dinkwa a sla'akan xaraslema ngiwa laqa'n dirhunge, aleslemuda Aako na hanii's ar hunga' nuwa ale/iis a gidabaheka ar hunga' nuwa hhitiim. ¹¹ Alhhe'eseyo hhae daqay nee dasuwo qaalala/e gadiye tlehhala ti muno idoogite, Ti ka sleslere' kilahu'ng ale hote' ne'r baraa' wayda' nee Mungu' sla'ari nee oo wayda' i dinkwa nee kunga'. ¹² Ti laweemise' umoqo'hewo ne'r ma'aa sada' hhohho'. ¹³ Krishanay slee'meero tunu lawe'emiis. ¹⁴ Qemu Aako Yesu Kristo, sla'arir Mungu' nee dinku'uma'r geeruu hhohhoo' i dinkwa nee kunga, sleeme.