¹ Pu akajova navo," Yilweli nijova kulyumwe, kuvale avange yumwe mwimile apa samwivonja uvufwe vusamuvuwene uvutwa wa Nguluve vuwikwija kumaka." ² Vugalutile amajuva sita u Yiisu akatwala u Petel,Yakovo,nu Yohani paninie nu mwene kukiamba, vavo veene. Pu akaanja ukuhambuka kuvulongolo kuveene. ³ Imienda gyamwene pu gikanja ukung'aala, Mavalafu fiijo, ukulutilila uvung'ale wa nkilunga. ⁴ Pu Eliya paninie nu Mose vakahumela pavulongolo pavene,na valikujova nu Yiisu. ⁵ u Petulu akaanda akambuula u Yiisu akata, " Immanyisi lunonu ufyefye ukuva apa, pu tujenge ifitembe fidatu, kimo kyako,kimo kya Mose ni kiinge kya Eliya." ⁶ ( Ulwakuva salumanye kiki ikiijova,vakadwada fijo.) ⁷ iviingu likahumila likavagubiika. Pu ilimenyu likahuma ku mavingu likat, " Uyu vi mwanangu un'gane. mum'puulihije umwene. ⁸ "Ukukenyemuka,vuvilola,savakambona vi vooni paninie navo, yu Yiisu mwene. ⁹ Vuvikwika ukuhuma ku kyamba,akavalagila ukuleka ukumbuula umuunu vi vooni gala gooni gago vagawene, impaka u Mwana va Adamu wajuukile ukuhuma kuvufwe. ¹⁰ Pu vakagaviika amambo gaavo vavo. Alakini vakajovana vavo kwa vavo vuvuliku uvulweli wa ili " Ukujuuka ukuhuma kuvafwe." ¹¹ Vakambuja u Yiisu, " Kyu kiki avasimbi vijova vita iije tasi u Eliya?" ¹² Akavavula, " Yiilweli u Eliya itala ukwija kukuponia ifinu fyoni. Pu kiki yisimbiwe ukuta U Mwana va Adamu lasima apate uluvavo lwingi nu vusule? ¹³ Pope nijova kulyumwe ukuta u Eliya atalile ukwija, na vambombile nduvu valikunogwa, nduvu uvusimbe wikunjoova umwene." ¹⁴ Vuvavuyile ku vakongi, vakavona ilipuga ilivaha livajungulile na ava Sadukayo valinkukanihana vavo. ¹⁵ Vuvambwene ilipuga lyoni likaswiga nu kunyililila kukunsamusya. ¹⁶ Akavavuja avakongi va mwene, " Mukanihana na vene ku kiki?" ¹⁷ Umunu yuumo palipuga akaanda akate, Im'anyisi,nikantwalile umwana vango kulyuve; alinimepo imbivi jijo jikansigile ukujoova, ¹⁸ kange nu kumbika atetemage nu kun'gwisya pasi nu kuhumia amatotofula mundomo nu ukugeledula amino nu kyuuma umbili. Nilavadova avakongi vako ukuhumya imepo,alakini vakalemwa. ¹⁹ Akavaanda akate," Ikivumbuko ikijila lwidiko, nitamaga numwe impaka ndili"?Intwale kulyune" ²⁰ Vakantwala umwana va mwene. Imepo imbivi vujimbwene u Yiisu, Pu baho yikambika ukutetema undiimi uywa akagwa paasi nu kuhumia amatotofula mundomo. ²¹ U Yiisu akambuja uvise, " Akale mu mbutamu uvwu ukuhuma ndiili?" Pu vise akajova akata," Ukuhuma uwaana . ²² Ka kiingi igwa mu mwoto kange na ndugasi, nu kugela ukun'jaja.Inave wiwesya ukuvomba kikyoni utulolele ikisa nu kututanga." ²³ U Yiisu akambuula, " Inave ulitayali? kila kiinu kiwesekana ku vivoni uywikwidika." ²⁴ Kenyemu uvise va mwana akalila akajova akata, " Ni kwidika! inange ukuleka ukwidika." ²⁵ U Yiisu wa lolile ilipuuga linyilila kuvene, akajikemela imepo imbivi akata," uveve uvemepo ijakuleka ujova nu vujivaji ,nikukuvula ukuta indeke, uleke ukwingila kumwene kange" ²⁶ Akalila kumaka nu kun'gataja umwana pu imepo jikandeka. Pu mwana ula akavona ukuta afwile, pu vingi vakata "afwile," ²⁷ Pu Yiisu akantola ikivoko akamwinula, umwana ula akiima ²⁸ U Yiisu vu iingile in'gati avakongi vamwene akambuja kuvutitu,Ukuva kiki satukawesyije ukun'ng'eja? ²⁹ Akavavula akata, " Kisiita nyisayo imepo sajihega" ³⁰ Vakahega nu kugendela ku Galilaya.Salikunogwa umunu viivooni alumanye uku valiko, ³¹ ulwakuva alikuvamanyisya avakongi va mwene. Akavavula akata, " U Mwana va Adamu ihilikiwa mu mavoko aga vanaanu, nu kum'buda. Vu afwile, giluta amajuuva gadatu pu ijuuka kange." ³² Savakeelewa amamenyu ago pu vakanduda ukumbuuja. ³³ Pu vuvafike ku Karperinaumu. vu valimun'nyuumba akavavuuja akata, "Mlikujovana kiki munjila"? ³⁴ Pu vakava miee, ulwakuva munjila valikukanihana ukute veeni ale imbaha ukulutilila vooni. ³⁵ Pu akatama pasi akavilanga vala ikijiigo na vavili paninie, akajova navo akata, " vi vooni uywinogwa ukuva va mbulongolo , pu ainogiwa ukuva va kuvumalilo nukuva imbombi va vooni." ³⁶ Pu akan'tola umwana un'debe akambiika pagati pa vene. Akantola mum'mavoka ga mwene akajova akata, ³⁷ "Vivooni uyuikumwuupila umwana uyu kulitawa lyango, pu iva anyuupile unene, sikunyuupila unene nimwene, kange nuyuansuuhile." ³⁸ U Yohana akambula, " Im'anyisi tukambwene umunu iheja imepo ku litawa lyako tukam'beja, ulwakuva sikutukonga." ³⁹ Pu Yiisu akajova akata, "Mleke ukum'beja, ulwaku asikuli uyu akya ivomba imbimbo imbaha mu nditawa lyango avuye pongela atengule kun'duuka. ⁴⁰ Vi vooni uyu salikinyume nufwe pu alivupanda uwiitu. ⁴¹ Vivoni uyu ikukupa ikikombe kya magasi ga kunywa ulwakuva uli nu Kilisite, nikuvavula ilweli sakayaje idhawabu ya mwene. ⁴² Viivoni uyu ikuvayuja avadebe ava vavo vikunyiidika unene, yale yiiva huba ukufwalijiwa mu singo isawe ya ya kusyagila nu kulahiwa mu nyaanja. ⁴³ Inave ikivoko kyako kikukunangila ugiide. Pu huba ukwingila mu vwuumi kisita kivoko kuliko ukwingila mumbuhigi na mavoko gooni. Kumwoto ugu "sagwijima." ⁴⁴ (Jingahija: uvusimbe uvu, " Baho amatekenya sagiifwa nu mwoto ugusagwijima." gusimuli mu mbusimbe wa katale). ⁴⁵ Inave ikilunde kyako kinakupiinje ,ugiide. Kunonu ukwingila kuvwuumi vuli nu vulemale, kuliko ukutagiwa ku kuvuhigi ni filuunde fiviili. ⁴⁶ ( Jingahija: uvusimbe uvu baho amatekenya sagiifwa nu mwotouusagwijima." vusimuli mu mbusimbe wa katale.) ⁴⁷ Inave iliho lyako likukuyaja liheje. Huba kuliuve ukwigila ku Vutwa wa Nguluve ni liho limo,kuliko ukuva ni maho gavili nu kulahiwa kuvuhiigi. ⁴⁸ Baho pali n matekenya agasagifwa, mwoto ugusagwijiima. ⁴⁹ Ulwakuva kila muunu ikojiwa kumwooto. ⁵⁰ Umwinyo in'onu, gunave umwinyo guyajiije uvunonu, pu wigaha ndakiki guve nuvunonu. Muve mwiinyovu mlipavayiinyo,kange muve ni amani ku kila muunu."