¹ Ku majuuva ago, kuliale ilipuga ilivaha, vakava vavula kyakulya, u Yiisu akavilanga avakongi va mwene akavavula akata, ² "Nikuvakolela ikisa avanu ava vajiige nuune majuuva gadatu kange vavula kyakulya. ³ Ninavaleke ukuta vavuye kumiavavo kisita kulya viwesya ukujilika munjila nii njaala. Kange avange vahumile kutale fijo. ⁴ Avakongi va mwene vakaanda vakata," Tukugivona kwi imikate igiikwila ukuvigusya avanu ava palunyiika ululilwene?" ⁵ Akavavuuja, "mlinifimendo filingi ifya mikate?" akajoova vakata, "Saba" ⁶ Akavavula ilipuuga lyoni litame pasi. Akatolaimikate saba,akandimya u Nguluve, akamenyula. Akavapa avakongi va mwene vagivike kuvulongolo kuveene, na voope vakagiviika kuvulongolo kulipuuga. ⁷ Vale ni samaki ndebe, pu wa isayile, akavasuha avakongi va mwene vavagavile joope. ⁸ Valile vakakwiila. Kange vakalundania amasigalilo ifituundu ifivaha saba. ⁹ Va kalibile avanu elfu nne. Pu akavaleka valutage. ¹⁰ Unsiiki ugwa akiingila muu waato paninie na vakongi vamwene, vakaluta kuvukana wa Dalmanuta. ¹¹ Pu ava Mafarisayi vakahumakuunji nu kunja ukubigana nave. valinkunogwa ukute vavonesiwe iishra ukuhuma kukyanya, valikun'gela. ¹² Akasaga fijo mu numbula ya mwene akata, " Ku kwiiki ikizazi iki kilonda ukuvonesiwa ifiswigo?Nikuvavula umwemwe lwel, fisikuli ifwigo fifyo yanihumya kuzazi iki. ¹³ Neke akavaleka,akingila n'gati mu waato , akahege akaluta imwambo iyinge. ¹⁴ Unsiiki ugwa avakongi vakasamwa ukutola imikate. Vakava vavula mikate zaidi ya kimendo kimo ikikyale mu waato. ¹⁵ Akavapavila akata," Muve miho na kwituga ni amasongo ga Mafarisayi na masoongo ga Herode. ¹⁶ Avakongi vakavulana vavo kwa vavo," ulwakuva tulivavula mikate." ¹⁷ U Yiisu alilimanyile ili, akavavula,"kiki mwivulana kunongwa ya kuva vavula mikate? Mkale ukulumanya? Inumbula jiinyo jivile mepe? ¹⁸ Mli n miho, samwilola? mlinimbulukutu samwipulika?Nikavile ¹⁹ nigavile imakate gihano kuvanu ielfu tano,mwalundanije ifitundu vilingi fifyo vidigile ifimendo fya mikate?" Akaanda vakata, ikijiigo ni fiviili." ²⁰ " Nikavile nikavile nigavile imikate saba ku vaanu elfu inne, mwatolili ifituundu filiingi? ²¹ Vakajova vakata, "Saba" Akavavula, " Mukale ukulumanya. ²² Vakiija ku Betsaida. Avanu avo vakantwala kwaYiisu umunu ukipofu pu vakan'doova u Yiisu anyabasye. ²³ U Yiisu akanyiibata ni kivooko ukipofu, akandongoja kunji ku kipanga. Wafunyiile amati pakyanya pamiho gamwene akanyoosya ifivooko pakyanya pamwene, Akambuuja "Wikukivona kikyoni?" ²⁴ Akalola kukyanya akajova akata, " Nilola avanu vivoneka ndi mibiki gigenda." ²⁵ Neke akanyoosya kange amavoko gamwene pakyanya pa mwene,umunu ula akadinduliwa amiho ga mwene, akalola, kange alinkukivona kila kinu vunonu. ²⁶ Pu Yiisu akandeka alutage kumyavekange akambula, " Uleke ukuluta kun'jini." ²⁷ U Yiisu akahega na vakongi va mwenne ukuluta kufipanga ifya ku Kaiseria iya Filipi. Vu valimunjila akavavuja avakongi, " Avanu vijova unene vita nene veeni?" ²⁸ Vakanyaanda akata, " Yohana Ummwoji.Avange vita, 'Eliya' na avange, 'In'nine va vanyamalago" ²⁹ Akavavuja, "Alakini umwe mwijova mwita nene veeni?" U Peteli akambula akata, "Veve Kilisite" ³⁰ Uyiisu akavapavila ukuta valeke ukuvavula avaanu. ³¹ Pu akanda ukuvamanyisya ukuta uMwana va Adamu lasima agatajiwe ku miingi, nu kubeliwa na valongoji na vatekeji avavaha, na avasiimbi, na ibudiwa, vugasilile amajuuva gadatu ijuuka. ³² Ajovile aga pavuvalafu. Pu Peteli akantoola palukanji akaanja ukuntanila ³³ Alakini U Yiisu akahamuka kumiho avalola avakongi va mwene akantanila u Peteli nu kute, " Vuya kunsana Setano! Sawijali amambo ga Nguluve, isipokuwa amambo ga vaanu. ³⁴ "Pu avilanga avakongi na mapuga ga vanu paninie, akavavula akata,"Inave kulimuunu inogwa ukung'onga, ibeele yuywa, pu atole unsalaba gwa mwene, ang'onge. ³⁵ Ulwakuva yuywa inogwa ukwiponia mumitamile gyamwene pu iyaja,kange uyu akya iyaja imitamilegyamwene ku nongwa ya mamenyu, ikugaponia. ³⁶ Pu ikava faida nyiiki umunu ukupata ikilunga kyoni kange apate ihasala ya maish gamwene? ³⁷ Umunu iwesya ukuhumya kiki wayajije amaisha ga mwene? ³⁸ Vi vooni uyu ikumbonela soni na gamamenyu gango mu kizazi iki ikwa valigu ni kizazi ikya vatula nongwa, u Mwana va Adamu ayikumbonela soni vu ijile kuvutwa wa Taye vamwene panine na avasuhwa avavalaje.