¹ U-Yiisu akahega ukwa pu akaluta kumpandulu ugwa Vu Yahudi ni kuvulongolo kwu lugasi lwa Yordani,nu vaanu vakankoonga kange. Akavamanyisya kange nduvu ajoovile ukuvoomba. ² Pu ava Farisayo vakiija kukun'gela nu kumbuuja, " Lunonu ku n'gosi ukulekana nu n'dala va mwene?" ³ U Yiisu akaanda akate, " u Mose avavulile kiki?" ⁴ Vakaanda vakata, " U Mose atwidiki ukusimba ikalata ya kulekana nu kumbinga ud'ala." ⁵ Ulwakuva inumbula jiino ng'afu kyumene akavasimbila indagilo iyi, "u Yiisu akavavuula akata. ⁶ Papo ukuhuma kuwando wa kuvumba ikilunga, ''u Nguluve akambuumba un'gosi nu d'ala.' ⁷ Pu un'osi ikundekaga utaye va mwene nu mama va mwene pu ilunganaga nu d'ala vamwene, ⁸ navo vavili pu viva umbili gumo;ulwaku sa vavili kange, bali umbili gumo. ⁹ Pu lino kikyo akilunganije u Nguluve, umunu aleke ukulekehania." ¹⁰ Vu valimug'ati munyumba, avakongi va mwene vakambuuja kange ku ilyo. ¹¹ akavavula akata" Viivoni uyu ikundeka ud'ala va mwene nu kuntola un'dala uyunge, ivomb uvuligu nu mwene. ¹² U nd'ala uywa anandeke ung'oosi va mwene nu kutoliwa nu n'gosi uyunge, ivomba uvuligu." ¹³ Vope vakantwalila avana avadebe neke avabasye pu avakongi vakavatanela. ¹⁴ Papo uYiisu vu aliwene ilyo,sakalihovukena hata padebe akavavula akata," Muvaleke vana avadebe vije kulyune, mleke ukuvavuja, ulwakuva vavo valindaava uvutwa wa Nguluve vwavo. ¹⁵ Ilweli nikuvavula, vivooni uyu sikwuupila Uvuta wa Nguluve nda vaana avadebe lweli siwesya ukwingila kuvutwa wa Nguluve. ¹⁶ Leka avatola avana avadebe mummavoko gamwene akavasaya kunu avikile amavoko ga mwene pakyanya pa veene. ¹⁷ Avile andile isafyali ya mwene umunu yumo akanyililila pu akafugama kuvulongo kumwene, akambuuja akata, " Im'manyisi un'onu, nivombe kiki neke nikave uvwuumi w siku jooni. ¹⁸ U Yiisu akajova akata, " Kiki wikunambula in'onu? Asikuli yuywa, in'onu aliyu-Nguluve mwene. ¹⁹ Ujimanyile indagilo:' uleke uvubudi,uleke ukuligupa, uleke uvulyaasi, uleke ukujova uvudesi, uleke ukudesa, umwesimwage utaye nu mama vako.' ²⁰ Umunu ula akajoova akata, "Imanyisi aga gooni nikugiidika ukuhum uvudiimi wango" ²¹ Pu Yiisu akandola akan'gana.akambula akata, "Usigalile ikiu kimo. Wilondiwa ukuguuja ifinu ifiulinafyo uvape ava mwasikini, pu wiva ni kibana kukianya, Neke wije ung'onge." ²² Pu akafya inumbula ulwakuva avuliwe aga; akahega kunu alemile mu numbula ulwakuva ale ni kyuma kiingi. ²³ U Yiisu akalola kwoni pu akavavula avakongi va mwene, " Ndakiki umuyivelile kupala unkavi ukwingila kuvutwa wa Nguluve! ²⁴ Pu avakongi vakaswiga ku mamenyu aga. Kange U Yiisu akavavuula, "Vana vadebe, umuyivelile kupala ukwingila kuvutwa wa Nguluve! ²⁵ Kilele ku ngamila ukwingila mkipuluku ikya sindano, kuliko umunu unkavi ukwingila ku vutwa wa Nguluve." ²⁶ Pu vakaswiga fijo vakavulana, "Pu veeni uvakupona" ²⁷ Pu Yiisu akavalola akata, " Sayiwesekana kumuunu sio kwa Nguluve. Ulwakuva kwa Nguluve gooni giwesekana." ²⁸ "u Petulu akanja ukujova nave," Lola tufilekile fyoni pu tukukukonga" ²⁹ U Yiisu akajova akata, " Yilweli nikuvavula umwemwe, asikuli yuywa ikuyileka inyuumba ama kaka,ama udada, ama umama,ama, utaye ama vana,ama ikilunga, ku nongwa yangu, kange kunongwa ya limenyu, ³⁰ yuywa sakuupile mala fijigo kijigo ukulutilila lino pakilunga apa: Inyumba,udada,umama,avaana ni kilunga kunongwa ya kugatajiwa ni kilunga ikikikwija , uwumi wa siku jooni. ³¹ Kange vingi vavo vilongola pu yaviva va kuvumalilo na vala avakuvumalilo pu yaviva va kuvulongolo." ³² Vavile vali munjila, ukuluta ku Yelusalemu, u Yiisu avalongolile kuvulongolo kuveene. Avakongi pu vakaswiga na vala vavo valinkukonga kunsana vakadwadaNeke u Yiisu akavahejeheja kulukaanji va ikijigo na vavili pu vakaanja ukuvavula kikyo yakihumila ifigono ifikwija: ³³ " Lola, twiluta impaka ku Yelusalemu, nu Mwana va Adamu ku ijihilikiwa kuu vatekeji avavaha na vasimbi. Pu vijikung'iga afe nu kung'umia kuvanu ava kuunji. ³⁴ Pu vikwanja ukunkinila, ukumfunyila amati,vikuntova ni mbiki, nu kumbuda. Kange vugasilile amajuva gadatu pu ijuuka. ³⁵ U Yakovo nu Yohani, avana va Zebedayo, vakija kumwene vakajova vakata, " Imanyisi, twikukunogwa utuvombele kikyoni ikitwidova." ³⁶ Akavavula akata, Mwinogwa nivavombele kiki?" ³⁷ Vakajova vakata " Tuluhusu tutame nuuve ku wimiki wako, yumo kukivoko kyako ikya ndya na uyunge kukivoko ikya hiigi." ³⁸ Pu Yiisu akaanda akata, "Samukimanyile ikimwisuma. Mwiwesya ukunywela ikikombe kikyo ninywela unene ama kujiwa ku lwojo ulunikwojiwa unene?" ³⁹ Vakambula, "Twiwesya" Pu Yiisu akavavuula akata, ikikombe kikyo ninywela, mukukinywela. Nu lwoojo lulwa kuvene nojiwe, mwiwesya ukwuumilila. ⁴⁰ Uvakutama kukivoko kyango ikya kundya ama ikivoko kyango ikya kuhigi sio nene yune nihumya kuvala vavo kuvene vandaliwe. ⁴¹ Avakongi vala avange ikijigo vavile vapulike ago, vaanja ukuvakalalila Yakovo nau Yohana. ⁴² u Yiisu akavilanga kumwene na kujova ukuta, " Mlumanjile ukuva vala avavihuviliwa ukuva valongoji va vanu avapanji vikuvalongoja, na vanu vavo vadwadiwa vikuvavonesya uvutwa wa pakyanya. ⁴³ Pu sayinogwa ukuva ewo. Vi voni uywinogwa ukuva imbaha kulyuumwe yilondiwa idike ukuva vombela avange. ⁴⁴ Pu vivoni uyu inogwa ukuva mbulongolo kulyumwe inogiwa ukuva imbaanda va vooni. ⁴⁵ Ulwakuva u Mwana va Adamu saije kukuvombeliwa,nu kuvuhumya uvutamo wa mwene ukuva mahombo ga viingi. ⁴⁶ Vakiija ku Yeliko. Avile ihega ku Yeliko na vakongi va mwene ni lipuuga ilivaha, umwana va Timayo,Batimayo, uyusilola kange insumi, atamile kulukanji lu kunjila. ⁴⁷ avile apuulike ukuta vi Yiisu Unazaeeti, akaanja kwitova imbwato nu kute, "Yiisu, Mwana va Adamu, undolele ikisa!" ⁴⁸ Viingi pu vakanduka uyusilola vakambula vakata anyamale. Alakini akalila ku savuti imbaha, " Mwana va Daudi, Ndolela ikisa. ⁴⁹ U Yiisu akiima nu akalagija ilangwe. Vakanyilaanga ula uyusilola akata," Uve na maka! ima! U Yiisu ikukwilanga." ⁵⁰ Akalitaga kulukanji iligwanda lyamwene,akanyiila nu kwija kwa Yiisu. ⁵¹ U Yiisu akaanda nu kujova ukuta, " Winogwa nikuvombele kiki?" Un'gosi ula uyusilola akamwanda akata, " Imanyisi ninogwa ukulola" ⁵² u Yiisu akambuula," Nenda ulwidiko lwako lukuponije. " Bahapo amiho ga mwene gakanja ukulola; pu akankonga uYiisu kunjila.