¹ Unsiiki ugwa vuviijile ku Yelusalemu, vavile vakalibile ku Besthfage na Bethania, mu kyamba kya mizeituni , u Yiisu akavasuha vavili miongoni mwa vakongi va mwene. ² Kange akavavula akata, "Mlute kukipanga ikikikongana nuufye, pu vumwingile umo mkuyivona ipunda yiyo yijiige ndebe uyivopole nu kuyitwala kuliune. ³ Pu ingave vivoni ikuvavula ulwakuva kiki muvomba ewo? "pu mjovage ukuta Untwa ikuyinogwa ikuyivuja kange." ⁴ Vakaluta vakajivona inyaana ya punda yikungiwe kunji ku ndiango ugwa ntava pu vakayivopola. ⁵ Avange avanu vaimile baho pu vakavavula , " mwivomba kiki ukuvopola inyaaana ya punda iyo?" ⁶ Vakavavuula nduvu u Yiisu akavavulile, pu avanu vala vakavaleka valutage. ⁷ Avakongi vavili vakayitwala inyana ya punda kwa Yiisu , pu vakatandika imienda gyavo pakyanya neke u Yiisu ipande. ⁸ Avanu pu vakatandika imienda munjila, na vange vakatandika amaswatu ga mabiiki ukuhuma munfyalo. ⁹ Vala vavo valongwile kuvulongolo na vala vakongile valinkujovelela, nu kwimba " Hosiana! Insayiwa uyuikwija kulitwa lwa Ntwa. ¹⁰ Vusayiwage uvutwa vuvwa wikwija uwa taye viitu Daudi! Hosiana ku ula yuywa alikukyanya. ¹¹ Pu Yiisu akiingila ku Yelusalemu akaluta ku kutembila pu akalola kila kiinu. Vu unsiiki vu gulutile, akaluta ku Bethania paninie na vala ikijigo na vavili. Ilijuuva lilyo likonga, ¹² Unsiiki vavile vivuya ukuhuma ku Bethania, ale ni njaala. ¹³ Pu akavona ummbiki gwa seke ijiji tambulwa tini ulwakuva gwaale na maani pu akavona ala ikava kikyooni mug'wene. Unsiiki vu iluta ku m'biki ugwa sakakivona kiinu ga maani geene,ulwakuva sa gwaale insiki gwa seke. ¹⁴ Pu akaguvuula , "Asikuli vivoni uywakya ilya iseke ukuhuma kulyuve.Pu avakongi vamwene vakapuliika. ¹⁵ Vaijile ku Yelusalemu, neke akiingila mu tembile pu akaanda ukuvahumia kuunji vavo viguja na kugula mug'ati mu tembile. Akajisyetula imesa ja vagujaji va ndalama ni figoda fya vaala vao valinkuguja ifimpuge. ¹⁶ Akavabeeja ukutoola kikyoni mutembile kikyo kigujiwe. ¹⁷ Akavamanyisya akavavula akkata, " Sayisimbiwe Ukuta, " Inyumba yaangu yikwilangiwa ya nyisayo ku wanu vooni? Alakini umwe mwe pu mvikile ukuva liguli lya valyasi? ¹⁸ Avatekeji avavaha na vaandisi vakapulika wijova pu voope vakalonda injila ya kuu'buda. Poope valikudwada ulwakuva ilipuuga lya vaanu lilikuswiga ulumanyiisyo lwa mwene. ¹⁹ Pu imisiiki gyooni kukimihe, valinkuhega ku vujenge. ²⁰ Vavile vigenda pavusiku , vakaguvona um'biki gwa seke yumile impaka kumilela. ²¹ Pu peteli akakumbuka akajova akate, " Rabi! lola umbiiki gwa seke gugwa ukagukotwile gyuumile". ²² U Yiisu akavaanda, " muve nu lwidiko kwa Nguluve. ²³ Idikaga nikuvavuula ukute uyuikukivula ikyamba iki, 'Hega, ukilage kunyaanja, anave mbula masyaka munumbula mumwene nu kwidika munumbula ukute kikyo ajovile kihumila, uNguluve ivomba vuvwa. ²⁴ Pu lino nikuvavula: kila kinu ikimwidova nu kuvuja kunongwa ya mwene, Idikaga ukute mwuupile, fyope pu fiva vyenyo. ²⁵ Unsiiki gugwa mwikwima kukwisaya, mlondiwa ukuvasyiikila avange neke uTaye viinyo uyu alikukyanya avasyiikile nayumwe inongwa jiinyo. ²⁶ (Jingahija: Uvusiimbe uvu apa," Mnaleke ukuvasyikila, wala u Taye vinyo uyu alikyanya sakavasyiikile inongwa jiinyo" Gusimuli mu mbuusimbe wa katale). ²⁷ Vavile viijile ku Yelusalemu kange, Nu Yiisu avile igenda mu tembile, avatekeji avavaha, avaandiisi na avasehe vakiija kumwene. ²⁸ Vakambuula vakata," Kumaka galiku wivomba aga?" "Vi veeni uyuakupile amaka aga?" ²⁹ u Yiisu akavavuula , " Nikuvavuja iliswali limo. Mwimbule neke nayune nivavule ku maka galiku nivomba aga. ³⁰ Je, ulwojo lwa Yohani lwahumile kukyanya ama lwahumile kuvaanu? Mwimbule." ³¹ Pu vakajadili vavo vakalemehana vakajova vakata, " Tunajove tute, "ukuhuma kukyanya, pu yaita pu kiki samukiidika? ³² Kange tunate ukuhuma ku vaanu,.." Walinkuvadwada avaanu, ulwakuva vaibite ulumanyisyo ukuta u Yohani ale Nyamalago. ³³ Pu vaka nyaanda u Yiisu vakata, "Satulumanyile."Neke u Yiisu akavavuula , " Nayuune sanivavule ku maka galiku nivomba aga.