¹ Pu Yiisu akaanja ukumanyisya akata, " Umunu avyalile ikyalo kya songwa, akasimika uluvigo ukujuungula,kange akayava amaguli aga kufuvika isongwa. Pu akajenga ikinara pu akava pangisya kuvanu ikyalo kya songwa ijo. Neke akaluta kusafwali ya kutali. ² Avile afike akansuha umbombi ku aviliima ifyalo fya sogwa akatole isongwa ku fyalo. ³ Alakini pu vakanyiibata, vakantova, vakambiinga kisita kiinu. ⁴ Akansuha umbombi uyuunge, vakandemaja kuntwe nu kumbombela fivi, ⁵ Kange akansuuha uyunge , uywa yumo vakabuda. Vakavavombela avange viingi gagago avange vakavatova na vange vakavabuda. ⁶ Pu akava nave umunu yumo uyu asigile uvakunsuha, umwana va mwene un'gane. Uywa ale va mwisio ukusuhiwa kuvene. Ajova akata, "Pu vijikudwada umwanangu". ⁷ Alakini avanu vala ava kukyalo vakajovana vakata," Uyu vi mwene vulisi, mwije, tum'buude pu uvulisi wiva wiitu." ⁸ Vakamfamila, vakam'buda nu kuntaaga kunji kulisyamba la songwa. ⁹ Mwisaga ukuta pu yaigaha ndakiki umwene kyalo kya songwa? Aikwija nu kuvayaja avaliimi va songwa pu ipoka ikyalo nu kuvapa avange. ¹⁰ Samugelile ukwimba uwandike uvu? "Iliwe lilyo valibelile avajenga nyuumba, lyu liwe la palukanji. ¹¹ Ili lihumiile ku Ntwa, kange lya kuswiga pamiho giitu." ¹² vakaanja ukundonda ukunyiibata uYiisu, alakini valikuvadwada avanu, ulwakuva vakalumanya ukuta ajovile ikihwani iki kunongwa yavo. Pu vakandeka vakahega. ¹³ Neke vakavasuha ava Farisayi na Maherodia kumwene neke vag'ele ku mamenyu. ¹⁴ Vavile vafiike vakambuula vakata, " Immanyisi,tulimanyile ukuta sawijali amasage ga vivooni kange sawivonesya ukupendelela kuvaanu. Wimanyisya injila ya Nguluve iya lweli. Je lunonu ukusonga isongo kwa Kaisali? ¹⁵ Pu Yiisu alumanyile uvunafiki vwavo akavavula akata, " ku kweki ukungela? Twala ihela yiinyo niyilole' ¹⁶ Vakatwala yiimo kwa Yiisu,akavavula akata, Iki kihwani kyani nu vusimbe uvuvuliapo waani? akata " Ya Kaisali" ¹⁷ u Yiisu akavavuula akata, Pu Muumpe kaisari ifinu fya Kaisali nu Nguluve fila ifya Nguluve." Vakanswiga. ¹⁸ Neke ava Sadukayo, vavo viita vusikuli uvujuuke, vakandutiila. Vakambuuja, akata, ¹⁹ " Immanyisi U- Mose atusimbile ukute, " Inave ulukolo va munu afwile nu kundeka un'dala kunsana, kange sandeke nu mwana, umunu uyunge ikuntola udala va lukololwe nu kung'olela umwana. ²⁰ Kuvaale ava nyalukolo saba, uva kwanja atolile un'dala pu avuya afwa,kisita ukupata umwana. ²¹ Kange uvaviili akantoola akafwa bila kupata umwana.Nu vadaatu voope vuvuvwa. ²² Nu va saba akafya kusita kuleka avaana. Kuvumalilo un'daala voope akafwa. ²³ Unsiiki ugwa vujuuke, vuvajukile un'dala uywa iva vaani? Ulwakuva avagosi vla vooni vale va mwene" ²⁴ u Yiisu akavavuula, " Iyi si kiinu iki myajije uvusimbe,ulwakuva samgamanyile amamenyu na gamaka ga Nguluve?" ²⁵ Unsiiki gwa kujuuka ukuhuma uvufwe, savakatole hata ukuva niinyuumba, bali pu viva nda vasuhwa. ²⁶ Ku nongwa ya avijuusiwa, Samwimbile ukuhuma ku vusimbe wa Mose, kunongwa ya kiswatu,ndu u Nguluve ajovile akavavula," Nene Nguluve va Ablahamu, Kange Nguluve va Isaka,Nu Nguluve va Yakovo? ²⁷ Umwene nna Nguluve va vafwe, nali va vuumi.Pu lweli myagile" ²⁸ Unsiimbi yumo akiija akapulika imango javo; akavona ukuta uYiisu ikuvaana vunonu. Akambuuja, "Je ululagiloluliiku uluvaka ku jooni? ²⁹ U yiisu akaanda akata, " Yiyo yilongola yu iyi " Pulika uwe Israeli,Untwa uNguluve viitu, Untwa aliyuumo. ³⁰ Lasima un'gane Untwa uNguluve vako,ku numbula yako yooni, na ku luhala lwako lwooni, na kumaka gako gooni. ³¹ "Ululagilo ulwa viili lu ulu, " Un'gane unino nduvu wiganile yuve" Lusikuli indagilo imbaha ndiiji. ³² Unsiimbi akajova akata, "Sawa M'manyis! Ujovile lweli ukute uNguluve aliyuumo, nu kuta asikuli uyuunge ukunduta umwene. ³³ Ukun'gana umwene ku numbula yooni, na kuvumanyi wooni na kumaka gooni nu kun'gana unino nduvu yuuve, mu himu fijo kuliko isadaka na jiilaija kuteketesya. ³⁴ Unsiiki gugwa u Yiisu avwene andile kuluhala,akambuula ,"Uveve sulikutali nu Vutwa wa Nguluvee" Pu akava asikuli umunu hata yuumo uyu akagela ukumbuja kange amaswali gogoni. ³⁵ Pu, Yiisu akiija, vu imanyisya mu tembile, akajoova akata, " Avasiimbi vijoova ukuta u Kilisite vi mwana va Daudi? ³⁶ U-Daudi yuuywa mu Mepo uMbalaje,akajova, "Ntwa ajovile ku Ntwa vaango, tama ku kivoko kyango i kyandya impaka nivaviike avavivi vako ukuva pasi pa malunde gaako." ³⁷ Daudi yuywa ikwilanga Kilisite, " Ntwa" vi mwana va Daudi ndakiki? Pu ilipuga ilivaha ilikumpulihija kunu lihowike fijo. ³⁸ Mu lumanyisyo lwa mwene Yiisu akata, "Mwilolelage na vasimbi,vavo vinogwa ukufwala imienda imitale ³⁹ nu kusamusiwa ku sokoni nu kutama kufikiti ifya vavaha mutembile na kusikukuu ja vavaha. ⁴⁰ Kange vilya mu nyumba ja vajane avikwisaya inyisayo inale leka avanu vavavone. avanu ava vipokela uvuhigi uvuvaha. ⁴¹ Pu Yiisu akataama paasi pipi ni lisanduka la sadaka mun'gati mu tembile; alikulola avanu vuvilaha indalama javo mulisanduka. Avanu viingi avatayili vakaviika untengo umbaha ugwa ndalama. ⁴² Pu undala umfyile akiija nu kulaha fipande fivili, isamani ya fyene yaale fikovili. ⁴³ Neke akavinga avakongi," idika nikuvavula, un'daala uyu umfyile alahile untengo umbaha ukulutiilila avalahile isadaka mulisanduka. ⁴⁴ Ulwakuva vooni valahile ukuhumana ni uvukavi wavo uvuvaha. Alakini undaala umfwile uyu ukuhumana nu uvumwasikini wa mwene ku ndalama jooni jijo ale najo mu mitamile gya mwene.