¹ U-Yiisu avile igenda ukuhuma ku tembile , unkongii yumo' akambuuja"Mmanyisi lola amawe aga giswigija panie na majengo!" ² akambula vukugavona amajengo aga amavaha?Lisikuli hata iliwe limo ilya kusigala pakyanya pa linine lilyo salokagwisiwe pasi. ³ Vope avile atamile pa kyamba ikya pa Miseituni kunsana ku tembile, uPeteli, u Yakovo,u Yohana nu Andeleya vakambuja uvutitu. ⁴ "Tuvule, inongwa iji jijiga impaka ndiili? Kinu kiki idalili ya amambo aga ukuhumila? ⁵ U- Yiisu akanja akavavula," Muve mihoukuta umunu viivooni aleke ukuyajania. ⁶ Viingi yavikwija kulitawa lyango nukate, "Une nene", ayavikuvayajania vingi ⁷ Pu Ayakya mupulika uwite ni imule pule ija wite, mleke ukudwada aga gakuhumila, alakini umwisyo gukale. ⁸ Ikilunga iki kiva kinyume ni kilunga ikinge, ni uvutwa kinyume nu vutwa uvunge. Pu kwiva ni ikisenyenge kula na kula,injala igwa, Ugu mwando gwa luvavo. ⁹ Muve miho. Avikuvahilika impaka palibalasa, amwitoviwa mu tembile, avikuviimika kuvulongolo ku walongoji na kuvatwa kunongwa yango, Niva tuvonesyo kuvene. ¹⁰ Alakini ilimenyu lasim lilumbiliwe ku vapanji vooni. ¹¹ Ayakya vaviibite nu kuvahilika, mleke ukudwada kila mwiva pakujova. Mun'gati mu nsiiki ugwamwikava kiki ikya kujova; Samkave mwemwe vanakujova, iv vi Mepo uMbalaje. ¹² Lukolo ayaikung'iga ulukololwe ukubudiwa,utaye,nu mwana va mwene. Avana vikwima kinyume n taye vavo nu kuvika ukubudiwa. ¹³ Amukalaliwa kila munu kunongwa ya litawa lango. Ula uyu ikiyumilija impaka ukufika kuvumalilo, umunu uyo vi vakupona. ¹⁴ Pu vu mluwene ulukalajo ulwa vunangi lwimile apasapinogiwa ukwima (uyu ikimba vi alumanyage), neke vavo vamn'gati mu Yuda vanyililage kufyamba, ¹⁵ vope yuywa alikukyanya ku nyumba aleke ukwika pasi pa nyumba, ama atolekikyoni kikya kilikunji, ¹⁶ nu va kukyalo alake ukuvuya ukutola iligwanda lya mwene. ¹⁷ Alakini ole ku valaavadala avanya vujitu na vala avikwosya kumisiki igyo! ¹⁸ Mdoge ukuta yileke ukuhumila imisiki igya mepo. ¹⁹ Ulwakuva ayalwikwija nu ulugatajo uluvaha, ulusalugelile ukuhumila, ukuhuma uNguluve ipela ikilunga, ukufika lino, lusikuli , kange sayikahumile kange. ²⁰ Impaka uNtwa ayakya ipungusya imisiki, gusikuli umbili ugwa kupona, alakini kunongwa ya avahaliwe, avakya ikuvahala, aipungusya imbalilo ja nsiki. ²¹ Unsiki ugu inave umunu vivoni ikuvavula, ita lola, u Kilisite alipa! ana 'Lola, alipala' mleke ukwidika. ²² Ulwakuva Avakilisite avavudesi na vanyamalago ava vudesi avihumila nu kuvonesya ifiswigo neke vavasyove, apange ata avahale. ²³ Muve miho!Nivapavile aga unsiki vu sagufike. ²⁴ Alakini vugalutile amagatajo aga nsiki ugwa, pu ilijuva liva ni hisi, umweji sagukahumye ulumuli, ²⁵ Inondwe pu yajigwa ukuhuma kukyanya, na maka ukuhuma kukyanya,ayagipulikika. ²⁶ Neke puiva pakuvoneka uMwana va Adamu vuikwija mulivingu na maka amavaka nu uvudwadwa. ²⁷ Neke isuha avasuhwa va mwen nu kuvalundania paninie avahalwa va mwene ukuhuma ipande jooni ine ija kilunga, ukuhuma kumwisyo wa kilunga impaka kuvumalilo wa mavingu. ²⁸ Mmanyile ku mbiki, nduvu liwesya ukuvika amaswatu mbivi, pu yamkulumanya ukuta ikijuva kilipipi kange kihegelile. ²⁹ Vu yakwiva ayakyamugwene ago vugihumila,mlumanyage ukuta alipipi ni kifigo. ³⁰ Lweli, nikuvavula, ikisasi iki sakikalutanije vusagahumile aga. ³¹ Amavigu ni kilung safikalute, alakini amamenyu gango sagakalute. ³² Alakini ku misiki igwo ama asikuli uyualumanyile, ata avasuhwa kukyanya kange hata u mwana, Utaye mwene vi alumanyile. ³³ Muve miho,Lola, ulwakuva samlumanyile unsiki guliku gihumila.(Ibata: Uvusimbe uvu " Muve miho, mlolage kange mdovage ulwakuva..." Gusimuli mumbusimbe uwa katale) ³⁴ Kuhwanine nu munu uyuahegile iluta kusafwali: akayileka inyumba ya mwenenu kumbika umbombi va mwene ukuva mwimiliji va nyumba, kil munu ni mbombo ya mwene. Nu kunsuha undindiliji ukuva miho. ³⁵ Pu mivijage miho! ulwakuva samulumanyile ndeli umbaha va nyumba ayakya ivuya kukaya,apange kuwila,Pakilo pgati,ihongove vuyiviika, ama avusiku. ³⁶ kunije kisita kwiyandala, alekeukukuvona ugonelile. ³⁷ Kikyonijova nikuvavula avanu vooni. Muve miho.