¹ Gaale majuva gavili pala vuyisilile isikukuu ya Pasaka ni ya kulya imikata imivula kiluji. Pu Avatekeji avavaha na vasimbi valinkulonda injila ya kunyiibatila u Yiisu ku kivini nu kum'buda. ² Ulwakuva ajoovile ukute, " Ugu sio insiki gwa sikukuu, avanu valeke ukuvomba amatata." ³ Unsiiki gugwa uyiisu ale ku Betania kukaya kwa Simoni unya Buuba, nu nsiki ugwakulya. Undala yumo puale ni kisupa kya amaviga gago kinuhilila fijo gitambulwa nardo inonu iyigujwa indalama nyiingi fijo,akabajula isupa nu kududilila pakyanya pa ntwe gwa mwene. ⁴ Alakini puvala avanga pu vakakalala. Vakavulana vavo kwa vavo vakata," ⁵ Ukuva kiki uvunangi uvu?" Maviga aga gakalle ga kuguja indalama mia tatu nu kuvapa avavula kiinu."Pu voope vakanduka. ⁶ Alakini u Yiisu akajova akate, " Indeke mwene" kiki mwikung'angayiswa? ⁷ Amajuva ooni avavula kiinu mlinavvo, unsiki gugwoni mnanogwe ukuvomba amanonu kuvene,alakini muva nune unsiki gwoni. ⁸ Avombile kikyo ikukiwesya: abakile umbili ggwoni amaviga ku nongwa ya kusyiliwa. ⁹ Lweli nikuvavula,kula kwonii kukwa ilimenyu lilumbilila mu nkilanga kyoni, Ki kyoni kikyo avombile un'dala uyu ayakijoviwa nu kun'kumbuka. ¹⁰ Neke u Yuda Isikarioti, yumo kuvala ikijigo na vavili, alutile ku vavaha va vatekeji neke ang'ilike kuvene. ¹¹ Unsiki gugwa avavaha va vatekeji vakapulika, pu vakahovoka nu kum'pa indala. Pu alinkulonda apa kung'ilikila kuvene. ¹² Kulijuva ilwa kwanda igya kulya imikate imivula kiluji, unsiiki gugwa vahumije inyana ng'osi ya pasaka, avakongi va mwene vakambula vakata, ¹³ " Winogwa tulute kwi kukwandala neke tulye paninie Ipasaka? Pu akavasuha avakongi va mmwene vavili avavula akata,"Luta kun'jini, mujikwagana nu n'gosi yuywa itwikile injilo. Mnkongage. ¹⁴ Inyumba yiyo ikwingila munkonge mumbule unya nyumba iyo, ' Um'manyisi ita, Kilikwi ikiyumba kya vagenji baho mwiva pakulya isikukuu ya Pasaka nna vakongi vaango? ¹⁵ Pu ikuvavonesya ikiyumba ikya kukyanya ikivaha kikyo kiliniimesa ni vikiti kikyo ilitayali. Pu mukinoje ku nongwa yiitu." ¹⁶ Avakongi vakahega vakaluta ku n'jini; vakavona kila kiinu ndu ajovile, pu vakanoja nu kutesania ikyakulya kya Pasaka. ¹⁷ Avile alimunjila pu akiija na vala ikijigo na vavili. ¹⁸ Vu vahegelile pa mesa pakulya, u Yiisu akajova akata, "Lweli nikuvavula, yumo ukuhuma kulyumwe uyu ilya paninie nune aikungenda kun'sana." ¹⁹ Pu vooni vakipulika fivi, kila munu akambula akata," lweni sa nene?' ²⁰ U- Yiisu akaanda akavavula akata, " Aliyuumo pagati palyumwe umwe ikijigo na vavili, Yumo yuywa isasa inonge mu bakuli paninie nune. ²¹ Ulwakuva u Mwana va Adamu iluta ndu uvusimbe wikun'jova umwene. Alakini ole ya mwene umuunu uyu yuywa ukugendela umu mwa Mwana va Adamu Igendiwa kunsana! Yale yiiva huba umunu uyu ala ave saholiwe. ²² Vavile vilya, u Yiisu akatola unkate, akagusaya nu kumenyula. Akavapa akajova akata, "Mutole mulye. Ugu gu mbili gwango." ²³ Akatola ikikombe, akalimya, akavapa na vooni vakakinywela. ²⁴ Akavavula akata, " Ugu inkisa gwango gwa lwidihano, inkisa gugwa gwidudika ku nongwa ya vingi. ²⁵ Lweli nikuvavula, sanikanywe kange mlizao ili ilya songwa impaka ilijuva ilyakunywa imya ku vutwa wa Nguluve. ²⁶ Vavile vamalile ukwimba ulwimbo, pu vakahuma kuunji ku kiamba ikya Miseituni. ²⁷ U Yiisu akavavula akata, " Umwe mwivoni mkitenga nu kuva kuvutali ku nongwa yaangu, ulwakuva yisimbiwe, "Nikuntova un'dimi pu ing'osi jigavanyika. ²⁸ Alakini vu nimalile ukujuka, nikuwalongola kuvulongolo ukuluta ku Galilaya." ²⁹ U Peteli akavavula, " Anange vooni ndavakuleke, unene sanikakuleke. ³⁰ U Yiisu akavavula akata," lweli nikuvavula, ikilo iyi, ihongove vusayivikile kavili iva ambelile mala kadatu" ³¹ U Peteli akajova akata, "Pu nilasimika ukufya paninie nuve, sanikakubele. Vooni vakajova ilimenyu lililyo. ³² Pu vakiija kukwa kwitambulwa Gethsemane, u- Yiisu akavavula avakongi va mwene akata, " Mtame bahapa unsiki ugu niva palwisayo" ³³ Pu akavatola u- Peteli, u- Yakovo, nu Yohani paninie nu mwene, pu akaanda ulemela inumbula nu kuhangayika fijo. ³⁴ Akavavula akata, " Nikipulika ukulemala fijo,kange na kukufwa. Mjige bahapa muve miho." ³⁵ U- Yiisu akaluta pa kimbale padebe, akagwa pasi, akadova, yinagave yikwidikiwa, ukuta unsiki ugu nipone. ³⁶ Akata " Aba, Baba, Gooni giwesekana. Ng'ejeheja ikikombe iki. Alakini sio kuwegane wango ,bali kuwegane wako." ³⁷ Akavuya akavavona vagonelile pu akambuula u Peteli, " Simoni,Ugonelile? Ulemilwe ukugona miho hata isaa yiimo? ³⁸ Muve miho mwisaye ukute ayamwikwingila mngelo. Lweli Inumbula yikwidika, alakini umbili in'saifu." ³⁹ Akaluta kange kukudova,ajidova akajova amamenyu gala gala. ⁴⁰ Akiija kange akavona vagonelile, ulwakuva amiho gavo gale majitu pu vakalemwa ikyakujava. ⁴¹ Pu akiija ulwadaatu akavavuula,"Mjiige mupigoona nu kutuumeela? Yikwilile! Unsiki gufike. Lola u Mwana va Adamu igendiwa kunsana nu kuvikiwa mumavoko ga vatulanongwa. ⁴² Sisimuka, tuvuuke. Lola, uywigendiwa kunsana alipipi." ⁴³ Vu ipigendelela ukujoova, u Yuda,Unjavo vyumo va vala ikijigo na vaviili., akiija ni lipuuga iliva ukuhuma ku vavaha va vatekeji,avasiimbi, na avasehe akolile ipanga na ngomo. ⁴⁴ Unsiki ugwa unkongi umbivi avalagile umwavelile nu kuvavula ukuta, yula ula uyu akya nikum'busu vi mwene. Munyibatage nu kung'ilika kunu mlindilila. ⁴⁵ "Unsiiki u yuda wafike, pu akaluta kwa Yiisu nu kuta, "Im'manyisi!" akambusu. ⁴⁶ Unsiki gugwa vakanyiibata. ⁴⁷ Alakini umunu yumo uyuaimile pipi nave akahumya ipanga kantova nayo umbombi va ntekeji umbaha akagiida imbulukutu. ⁴⁸ Yiisu akavavuula akata, "mwijile kukunyiibata kunu mkolile ipanga ni ngmo mmavoku nifyana nilimunu umbivi? ⁴⁹ Amajuva gooni nikale nuumwe vunimanyisya mu tembile jinyo, samukanyiibate. Livombeka ili neke ukwidihana nu uvusimbe. ⁵⁰ Vala vooni vavo vale nu Yiisu vakakimbila vakandeka. ⁵¹ Undiimi yumo akankonga, uyu afyalile umgolola gwene ayigubike ukujunguula umbili gwa mwene;vakanyiibata alakini ⁵² akapaga akanyila akaguleka umugolola akanyila kifuula. ⁵³ Pu vakandongoja u Yiisu impaka kwa ntekeji umbaha. Pala vayilundanije paninie nu avatekeji avavaha vooni, avasehe, nu avasiimbi. ⁵⁴ U Peteli voope akankonga u Yiisu alinkugenda kulukanji, valikuluta kugaati kukwa itama untekeji umbaha. Atamile paninie na avalindiliji, pipi na kumwoto valinkyota umwoto. ⁵⁵ Unsiiki ugwa avatekeji avavaha vooni nai ilibalasa lyoni valinkulonda uvusaidi neke u Yiisu vam'bude. alakini savakapavona. ⁵⁶ Ulwakuva avanu vingi vatwalile gago gavudesi wingi, alakini uvusaidi wavo vukasutana. ⁵⁷ Pu avange vakatwala uvusaidi uwa vudesi; vakata, ⁵⁸ Tukampulike vuijova vu ilumbilila, " Nikoyinangania itembile lilyo livombiwe na mavoko ga vanu, kange akata nijenga ilinge kumajuva gadatu ili salijengiwa na mavoko." ⁵⁹ Na wope uvusaidi uvu vukalekehana. ⁶⁰ Untekeji umbaha akima pagati pavene akambuuja u Yiisu akata, Ulimbula lakujova? Avanu ava vita kiki kulive? ⁶¹ Alakini akajiga mie, sakajova kiinu. Kange untekeji umbaha akavuja kange, akate, " Uveve ve Kilisite, u mwana Unsayiwa? ⁶² U Yiisu akaanda akata, " Nene yuune" Pu yavukumbona u Mwana va Adamu atamile ilivoko ikyandya vu ikwija mumavingu kukyanya." ⁶³ Untekeji umbaha akadiefula amagwanda ga mwene akajova akata, " Ukale wipilonda avaketi? ⁶⁴ Mupuulike uvunangi. Uvulamuji winyo vuvuliku?" Pu vooni vakang'iiga ndu munu uywilondiwa ukufwa. ⁶⁵ Avange vaanja uku mfunyila amati nu kun'dinda kumiho nukuntova kunu vikumbula ukuta," Laguja" Avimiliji vakantola nu kuntova. ⁶⁶ Nu Petali avile ajiige alikulukanji kuluvingilo, Ung'iinja yumo ale imbombi va ntekeji uumbaha akija kumwene. ⁶⁷ Akambona u Peteli baho imile ikwota umwoto, akandola vu alipipi. Pu ajova akata, "Nayuve ukale nu u Mnasaleti, u Yiisu". ⁶⁸ Alakini akabela, akata, " Sanikwelewa kange sanikimanyile kikyo wijov!" Neke akahega akaluta kunji. ( Ibata; uvusiimbe uvu, "Pu Ihongove yikaviika" vusimuli mu vusimbe wa katale). ⁶⁹ Alakini umbombi ungiinja pala, akambona akavavuula vala vavo vaimile pala akata, " Umunu uyu valipaninie " Umwene akabeela kange. ⁷⁰ Vugulutile unsiki padebe vakaanda ujova nu Peteli ukuta, "Jayilweli uveve mlipaninie ulwakuva nayuve uli kikolo kya ku Galilaya" ⁷¹ Alakini aanjije ukwivika yuywa mlukooto nu kwiyiiga. "Sanimanyile umunu uyu yuywa mwijova" ⁷² Pu ihongove yikavika ulwaviili. Pu Peteli akakumbuka amamenyu ga Yiisu gago ambulile ukuta: Ihongove vu sayivikile kavili wiva umbelile kadatu" Pu akagwa paasi akalila.