¹ Kange akingila in'gati mu sinagogi mula muale umunu unyakivoko kifyile. ² Pu avanu avange valikunkongelela pipi pipi ukulola inave iponia palijuva ila lutumelo neke vansitaki. ³ u Yiisu akambula umunu yuywa ikivoko kifyile," Sisimuka ima pagati palipuga ili. ⁴ Neke akavavula avanu akata, Yiva lunonu ukuvomba ilinonu palijuva lya lutumelo ama ukuvomba amavivi; ukuponia uvwuumi ,ama ukubuda? Pu vakajiga myee. ⁵ Akavalola kulyoyo, akapela ikisa ilwakuva inumbula javo jale njitu,pu akavavula umunu ula," Golola ikivoko kyako" Akagolola nu Yiisu akamponia ikivoko kya mwene. ⁶ Ava Farisayo vakahuma kunji vakavomba injama paninie na ama- Herode neke vam'bude. ⁷ Neke u- Yiisu paninie na vakongi va mwene, vakaluta ku nyanja, ni lipuga ilivaha la vanu likavakonga ukuhuma ku- Galilaya na ku vu-Yahudi ⁸ nu kuhuma ku- Yerusalemu nu kuhuma ku- Idumaya na kuvulongolo mwa Yorodani na vavo vvvalipipi ni Tiro ni Sidoni, ilipuga ilivaha lyavile lipulike kilakiinu ikiavombaga, pu vakiija kumwene. ⁹ Pu akavavula avakongii va mwene kuandala uwato uvudebe ku nongwa ya lipuga lya vanu, pu valeke ukuegelela kyongo. ¹⁰ Ulwakuva avaponije vingi, neke kila munu uywigatajiwa ale nuvuunogwe ni uwa kuhegelela ukunyiibata. ¹¹ Poponi imepo imbivi javile jimbwene, pu jilinkugwa pasi kuvulongolo kumwene nu kulila, nu kute," Uveve ulimwana va Nguluve." ¹² Akavavula kulusimilijo valeke ukumanyikika. ¹³ Akaluta pakyanya pakyamba, akahala vavo ikuvanogwa vakaluta kumwene. ¹⁴ Akavahala avanu ikijigo na vavili (akavilanga vakongi), lake vave paninie nu mwene neke avasuhe kukulumbilila, ¹⁵ nukuva na mamlaka aga kuhumia imepo imbivi. ¹⁶ Pu akavahala ikijigo na vavili: Simoni, uyuampile ilitawa ilya Peteli. ¹⁷ U- Yakovo umwana va Zebedayo,nu Yohani ulukolo va Yakovo, uyu apeviwe ilitawa lya Bonagesi, avo vana va ngurumo, ¹⁸ nu Ndeleya, Filipo, Batrumayo, Matayi, Tomasi,Yakovo umwana va Lufeyo,Tadei,Simoni Unkananayo, ¹⁹ nu Yuda Iskariote unsongelehani. ²⁰ Pu akaluta kukaya, ni lipuga lya vanu vakija kange paninie, kange vakalemwa ukulya hate unkate. ²¹ Ikikolo kya mwene vavile vapulike , vakaluta kukunyibata, ulwakuva vakasaga uta iva "uluhala luhamile" ²² Avasimbi vakija ukuhuma ku- yelusalemu vajova vakata, " ibatiwe nu Beelzebuli,nu, " Ku mbaha va mepo iheja imepo" ²³ U- Yiisu akija akavilanga kumwene akajova na kufihwani," Ndakiki Undugu iwesya ukung'eja undugu? ²⁴ Inave uvutwa wigavanyika vuvwa vwene, uvutwa uwa sawiwesya ukwima. ²⁵ Inave inyumba yigavika yiyo yene, inyumba iyo sayiwesya ukwima. ²⁶ Inave u-Setano isambuka vunge nu kwigava, siwesya ukwima, pu iva afike kuvumalilo wa mwene. ²⁷ Alakini asikuli hata yumo uywiwesya ukwingila in'gati mu nyumba ya munu unyamaka nu kulyasa ifinu fya mwene kisita kumpinya unyamaka kuwando,neke ukulundania ififili -munyumba. ²⁸ Lweli nikuvavula, isambi jooni ija vana vavanu jisyikiliwa, paninie nu ukukufuru jijo vijova, ²⁹ vivoni yuywa ikunkufuru u-Mepo Mbalaje savakasyikiliwe hata padebe, alininongwa ya sambi ya misiiki gyoni". ³⁰ U- Yiisu ajovile ili ulwakuva valikujova, "Alinimepo imbivi". ³¹ Pu umama va mwene na valukolo va mwne vakiija nu kwima kunji.Vakansuha umunu, ukunyilanga. ³² Ni ilipuga lya vanu vyavo vatamile pawipi vope vakambula vakata, " Umama vako na valukolo vako valikunji,vikukulonda" ³³ Akaanda, "Vi veni umama vango na valukolo lwango? ³⁴ Akavalola vala vavovatamile vanjungulile,akajova akata,"Lola ava valukolo va mama vango na valukolo lwango! ³⁵ Yula uywivomba uvunogwe wa Nguluve,umunu uyu vi lukolo lwango,kange ing'aja vango, kange mama vango.