¹ Kange akatengula ukumanyisya kulukanji mbale ku nyanja, Ni ilipuga ilivaha lya vaanu likilundania ukun'jungula, akingila in'gati mu waatu mu nyanja, nu kutama. Ilipuga lyoni vakava kulukanji kuunyanja. ² Akavamanyisya inongwa nyingi kufihwani, pu akajova kuvene mundumanyisyo. ³ Mupulihije, umbyali akaluta kukuvyala. ⁴ Vwu ivyala imbeyu ijinge jikagwa munjila, ifiyuni fikiija fikayilya. ⁵ Imbeyu ijiinge jikagwa pa lunalawe, apavula lifu lingi. Pu jikaniala ulwakuva jale mbula lifu. ⁶ Ilijuuva vulihumile, jikaniala,ulwakuva jaale mbula milela, jikuuma. ⁷ Imbeyu ijiinge jikagwa pagati pa mitoni. Imitoi gyakulile gikahona, pu sajikahola iseke. ⁸ Imbeyu ijiinge jikagwa pa lifu ilinonu nu kuhola iseke vujikula nu kwongelela, ijiinge jikahola kakiingi ifijigo fidatu,ijiinge ifijigo sita, ijiinge ifijigo kijigo" ⁹ Pu akajova akate, "Umuunu vivooni unya mbulukuto ijakupulikila apulikage" ¹⁰ U- Yiisu walimwene, vala vavo vaale pipi nu mwene na vala ikijigo na vavili pu valikumbuja ukuhumana nifihwani. ¹¹ Akajova kuvene akate, " Kuliumwe mupeviwe isili ja vutwa wa Nguluve.Kange vavo valikunji kila kinu fihwai, ¹² neke vanalole, pu valolage, pu savilola, Pu lino vuvipulika vavipulika, kange savikwelewa,pu vale vihambuka nu Nguluve aleikuvasyiikila" ¹³ Pu akajova kuvene akata, "Pu samukwelewa iihwani ifii? Pu yamu kulumanya ndakiki ifihwani ifiinge. ¹⁴ Umbiali akavyala ilimenyu. ¹⁵ Vala vavo vagwile kulukanji kuunjila, baho ilimenyu livyaliwe.Vavile vapuliike,Usetano akiija alitola ilimenyu lelyo livyaliwein'gati m'mbeene. ¹⁶ Avanu avange vavo vavyaliwe pakyanya pa lunalawe, vavo vuvipulika ilimenyu, mbivi vipokela nu kuhovoka. ¹⁷ Pu vavula gigyoni in'gati mu mbeene, vikikasya unsiiki unsupi. Pu ukugatajiwa wikwija kunongwa ya limenyu, puu ikwikuvija. ¹⁸ Avange vuvala vavo vavyaliwe mu mitoni. Vipulika ilimenyu, ¹⁹ alakini amagatajo ga nkilunga , uvusyovi wa kyuma,nu uvunogwe wa ga nkilunga,pu gikwingila nukulihona ilimenyu,pu lilemwa ukuhola iseke. ²⁰ Neke kulivanuvavo vavyaliwe ku lifu ilinonu. Vipulika ilimenyu nu kulyupila nu kuholaiseke:ijinge ifijigo fidatu,ijinge ifijigo sita,ijinge ifijigo kijigo" ²¹ U- Yiisu akavavula akata, "Pu mwa mwiviika itaa in'gati mu nyumba nu kuyivika pasi pa kituundu ama pasi pa kihaga? Va vitwala in'gati nu kuyiviika pakyanya. ²² Ulwakuva kisikuliki kyooni kikyo sakimanyikike kange yiskuli isiri yiyo sayikavikiwe pavuvalafu. ²³ Anavepo unyambulukutu ja kupulikia apulike" ²⁴ Akavavula akate, " Muvijage miho ku kila ikimwipulika, ulwakuva ikigelelo ikimwigelela, kyukyene yamwigeliwa nu kwongeleja kulyume. ²⁵ Ulwakuva yuywa alinakyo ikyuupila ukulutilila,yuywa mbula kinu upokiwa fifyo alinafyo" ²⁶ Pu akajova akate, " Uvutwa wa Nguluve vulihana nu munu yuywa avyalile imbeyu mundifu. ²⁷ Avile agonelile pakilo nu kusisimuka pavusiku, imbeyu yakamela nu kukula, ndave salumanye kikyokihumiile. ²⁸ Ikilunga kihumia imbeyu yiiyo;kuwanjo gitala amaswatu, kange amavuva,pu jikonga imbeyu jiyo jikomile. ²⁹ Pu imbeyo vuyivifwile pu ihilika i nyengo, uulwakuva uvubeni vuhegelile." ³⁰ Pu akajova akate, "tuvulihanie ni kiki uvutwa wa Nguluve, ama tumyie kihwani kiki ukuvavula? ³¹ Yilindi mbeyu iya haladali, yiyo yivyaliwe, ndebe fijo ukuluta imbeyu joni nkilunga. ³² Kange vuyivyaliwa, yikula nu kuva mbaha ukulutilila imbeyu jooni ija mubustani, yivika amaani amavaha, pu na fifiyuni ifyakukyanya pu fivika ifimfumba munfipepelelo fya gwene. ³³ Ku fihwani fingi akamanyisya akajova amamenyu kuvene ukuhumana nu vikwelewa, ³⁴ kange salikujova kisita fihwani. avile alimwene akavavulakila kinu avakongi vamwene. ³⁵ Ku lijuva ilyo,unsiiki gwa kukimihe vugufike,akiija kuvene akata, "Tuvuke imwambo iyiinge iyaviili". ³⁶ Pu vakalileka ilipuga, vakantola u-Yiisu, unsiki ugwa ale mu n'gati mu mbwaato. Ni imyiato iginge pugyale baho. ³⁷ Kange imepo ing'ali yakakula yakatimbula ulugasi lukiingila n'gati mu mbwato gakadiga amagasi. ³⁸ Pu u-Yiisu ale pa kiyumba ikyakugona , agonelile ihagwile. Vakansisimula, vakajova vakata, "Immanyisi,sawijali ukuta ufwefwe twifwa?" ³⁹ Pu akasisimuka akabeja imepo mu nyanja akata,"kuve myie," Imepo yikiima, pu kukava nuvwelele uvuvaha. ⁴⁰ Akajova kuveene akate, " Kiki mwidwadaa ? ⁴¹ Vale nuvudwaji uvuvaha mungati muvene, vakavulana vavo kwa vavo,"Uyu pu veni kange, ulwakuva imepo ni nyanja fikundwada nu kwidika?