¹ Vu avuyile ku Kaperenaumu vujisilile isiku ndebe,yikapulikika ukuta ale kukaya. ² Avanu vingi fijo vayilundanije pala yikava yisipani ni nafasi, hata iya pandiango,pu Yiisu akajova ilimenyu kuvene . ³ Pu avanu avange vakija kumwene vakantwala umunu uyu apolile;avanu vane vampimbile. ⁴ Unsiiki uguvalemilwe ukung'egeleja ulwakuva kwale lipuga lya vanu, pu vakasanyula ikituvili pala baho alipo. Pu vavile vattuwile indwelo,vakisya ikitanda kikyo agoniile yuywa apolile. ⁵ Avile aluwene ulwidiko lwavo,u Yiisu ambula umunu yuywa apolile, "manango, usyiikiliwe isambi jako." ⁶ Alakini avasimbi vamo vavo vatamile pala vakivuja munumbula javo. " ⁷ Iweswa ndakiki umunu uyu ukujova ewo? Ikufuru! Veni uywiwesya ukusyikila isambi, si vi Nguluve mwene? ⁸ Pu Yiisu akalumanya akivalinkusaga munumbula javo. Akavavula akata,"Kwanini mwisaga ewo munumbula jiinyo? ⁹ Liliku ilipepe ukulutilila ukujova kumunu uyuapolile, 'Isambi jako jisyiikiliwe ama kujova ukuta ' Ima, tola ikitanda kyako ugende? ¹⁰ Neke valumanye ukuta u Mwana va Adamu alinuvulamuji uwa kusyiikila isambi munkilunga,akambula ula yuywa apolile, ¹¹ "Nikukuvula uveve, inuka, tola ikitefu kwako, ulutage kukaya yako." ¹² Akiima mbivi akatola ikitefu kyamwene, akahuma kunji ku nyumba kuvulongolo kwa kila munu,Pu voni vakaswiga, Vakan'ginia u - Nguluve vakajova vakata, " Satugelile lusiku ugavona aga." ¹³ Akaluta kange kulukanji ku nyanja, ni lipuga lyoni ilya vanu vakija kumwene, akavamanyisya. ¹⁴ Avile ilutanija akambona u Levi umwana va Alfeyo atamile baho vavisongela isongo akambula akata, "Ng'ongaga" Akiima nu kukonga. ¹⁵ Ku nsiiki ugu u Yiisu ale pakulya ikyakulya mu nyumba ya Levi, ava songa songo vingi na vanu avatula sambi valinkulya nu Yiisu na vakongi va mwene, ulwakuva vingi vakongile. ¹⁶ Unsiiki ugu avasimbi, vavo vale Vafarisayi,vavile vawene u Yiisu iilya na vanu avatula nongwa na vasonga songo , Vakavavula avakongi va mwene, " kiki ilya na vasonga songo na vatula nongwa?" ¹⁷ Avile u Yiisu apulike ewo akavavula," Avanu vavo valinamaka mu mbiili savilonda uywiyavili; avatamu vene vu vikundonda.Sanaije ukuvila avanu avavula nongwa, alakini avanu avatula nongwa." ¹⁸ Avakongi va Yohani na va Mafarisayi vayipinyaga ukulya.Pu avanu avange vakija kukumbula," Kwa nini avakongi va Yohani na va Mafarisayi vikipinya ukulya,alakini avakongi vako savikwipinya ukulya? ¹⁹ u Yiisu akavavula, " je, vavo vijile ku weeghi viwesya ukwipinya ukulya vu vali nunyaweeghi? Inave unyaweh pwale pavene sa viwesya ukwipinya ukulwa." ²⁰ Imisiiki gikwija umwene weeghi uyu akya ihega kuvene, mu misiiki igyo avene ayavikipinya ukulya. ²¹ Asikuliumunu uywihona ikipya kwa mwenda pakyanya pa pamwenda unkulu, inave iwo pu yakihega ikyenda ikyo nukuvika ukuva pavivi. ²² Asikuli umunu uyuidudila idivai imya mu fyombo ivikulu, pu inave ewo pu idivai yayibuda ifyombo fyoni fyo fivili idivai ni fyombo fiyaga.Pu yilondiwa ukuvika idivai imya mu fyombo ifipya." ²³ Ilijuva ilya Sabato u Yiisu agendiile kufyalo, na avakongi va mwene avange vakaanja ukutola amasigalilo ga ngano. ²⁴ Na ava Farisayi vakambula vakata, Lola, keki vivomba ikinu kikyo saikwidikiwa kulijuva ila Sabato?" ²⁵ Akavavula akata , "Samwimbile kikyo avombile u Daudi avile alininjala- umwenne paninie na vanu vavo ale panie navo? ²⁶ Nduvu alutile munyumba ya Nguluve vu u-Abiathari avile untekeji umbaha pu akalya unkate gugwa guvikiwe kuvulongolo-gugwa yale luvivi ku ndagilo javo kumunu vi voni ukulya akwilile yu ntekeji mwene- kange alinkuvapa na vala vavo ale paninie navo?" ²⁷ U Yiisu akajova akata, " Ulutumelo lwavombiwe kunongwa ya munu, sio umunu ku nongwa ya lutemelo. ²⁸ Pu lino, u Mwana va Adamu vi Ntwa, paninie na kulutumelo.