¹ Karon, buot nako mosulat kaninnyo mahitungod sa panahon nga ang atong Ginoong Jesus Cristo mobalik ug kung kanus-a tiponon sa Dios kita uban kang Jesus. Akong kauban nga mga tumotuo, nag-awhag kaayo ko kaninyo ² nga kalma ninyong hunahunaon bahin sa bisan unsa nga mensahe nga moabot kaninyo. Dili importante kung ang mensahe giangkon sa pipila ka tawo nga ang Espirito sa Dios ang nagpadayag kaniya, o kung kini gikan sa usa ka tawo, o kung kini sulat nga gi angkon sa usa ka tawo nga akong gisulat: dili buot nako nga kamo motuo nga ang atong Ginoong Jesus ni balik na diri sa kalibutan. ³ Ayaw tugoti nga adunay bisan kinsa nga mangdani kaninyo nga motuo sa maong mensahe. Ang Ginoo dili moabot karon dayon. Una, daghan nga tawo ang mosukol batok sa Dios. Dawaton pa nila ug tumanon ang usa ka tawo nga makasala pag-ayo batok sa Dios, ug siya pod ang moguba sa tanan nga butang nga gibuhat sa Dios. ⁴ Siya ang mahimong labing kaaway sa Dios. Magmagarbuhong siyang molihok batok sa tanan nga mga tawo nga giisip sa mga tawo nga Dios ug sa tanan nga gisimba sa tawo.Tungod niini nga mosulod siya sa Templo sa Dios ug magalingkod didto aron magmando! Siya ipahayag niya sa tanan nga siya mismo ang Dios. ⁵ Ug ako sigurado gayod nga inyong nahinumduman nga sige ko ug sulti kaninyo mahitungod niini samtang diha pa ako kaninyo sa Tesalonica. ⁶ Kamo usab nakabalo nga adunay usa ka butang nga nagbabag niining tawhana sa pagpadayag karon sa iyang kaugalingon sa tanan. Dili gyod siya makapagpadayag sa iyang kaugalingun hangtod sa takna nga tugutan siya sa Dios. ⁷ Bisan tuod si Satanas sa sinekretong gapasalikway sa mga tawo sa kasuguan sa Dios, ug ang tawo nga maoy gapugong niini nga tawo sa pagpadayag karon sa iyang kaugalingon magpadayon sa pagpugong niya hangtod papahawaon siya sa Dios. ⁸ Unya tugotan na sa Dios kini nga tawo,nga maoy nisalikway sa tanang kasuguan sa Dios, aron ipakita niya iyang kaugalingon sa matag usa sa kalibutan. Dayon ang Ginoong Jesus mosulti ug usara ka sugo nga sila makalaglag kaniya . Pinaagi lang sa pagpakita sa iyang kaugalingon sa tanan diha sa iyang pagbalik, himuon ni Jesus kini nga tawo nga wala nay gahum. ⁹ Apan sa dili pa sya laglagon ni Jesus, tagaan ni Satanas kini nga tawo ug dako nga gahum. Tungod niini magabuhat siya ng tanang mga milagro nga dili ug mga katingalahang buhat, ug daghang mga tawo ang motuo nga ang Dios ang naghatag sa iya ug gahum nga makabuhat niining mga butanga. ¹⁰ Ug sa paghimo niining mga dautang binuhatan, malimbong ani nga tawo ang mga nahukman na nga masilotan. Malimbongan niya sila tungod kay wala sila mo uyon sa paghigugma sa tinuod nga mensahe mahitungod sa pagluwas ni Jesus kanila. ¹¹ Mao nga tugotan sa Dios kini nga tawo nga dali ra makalimbung kanila, aron sila motuo niini nga tawo sa iyang mga bakak nga pa-angkon mahitungod sa iyang kaugalingon. ¹² Tungod niinihukmanhukman sa Dios sila ug silotan niya silang tanan nga mibalibad sa pagtuo sa kamatuoran mahitungod kang Cristo, kini nga mga tawo nalingaw sa pagbuhat sa tanan nga kadautan. ¹³ Among mga kaubanan sa pagtuo, kamo nga gihigugma ni Ginoong Jesus, kami angay nga magapasalamat kanunay mahitungod sa Ginoo kaninyo. Buhaton namo kini tungod kay gipili kamo niya nga una nga mga tawo nga nagtuo sa kamatuoran mahitungod kang Jesus, kamo ang unang tawo nga giluwas sa Dios, ug iya kamong gigahin alang kaniya pinaagi sa iyang Espiritu. ¹⁴ Nagpasalamat kami sa Dios nga kamo iyang gipili sumala sa among pagsangyaw sa mensahe mahitungod kang Cristo diha kaninyo, aron unta ang Dios pasidunggan niya sama sa pipila ka pamaagi nga gipasidungog niya ang atong Ginoong Jesu Cristo. ¹⁵ Mao nga mga kaubanan namo sa pagtuo, padayon sa pagtuo nga malig onon kang Cristo. Padayon sa pagtuo sa mga kamatuoran nga among gisulti kaninyo ug gisulat kaninyo. ¹⁶ Nag ampo kami nga mismo atong Ginoong Jesu Cristo ug Dios, nga atong Amahan - siya nga naghigugma kanato ug magdasig kanato sa walay katapusan ug sa iyang kamaayo gipahum niya nga madawat nato ang mga maayong butang gikan kaniya- ¹⁷ hinaut nga ang Dios ug si Jesu Cristo silang duha magdasig kaninyo! Ug hinaut pagpadayon nila kamo sa paghimo ug pagsulti sa maayong mga butang.