¹ Ako ni si Pablo, si Silas, ug Timoteo nga nagsulat niini nga sulat kaninyo diha sa syudad sa Tesalonica, nga mga tumotuo nga nahiusa sa Dios nga atong Amahan, ug kang Jesu Cristo nga atong Ginoo. ² Nag ampo kami sa atong Dios Amahan, ug kang Jesu Cristo nga atong Ginoo, nga magpadayon silag pakita sa ilang kamaayo diha kaninyo ug magpadayon sa paghatag ug kalinaw kaninyo. ³ Mga kaubanan namo sa pagtuo, kanunay kaming nagpasalamat sa Dios, ug kini kinahanglan namong buhaton, tungod kay nisamot gyod ang inyong pagsalig sa Ginoong Jesus, ug tungod kay ang matag usa kaninyo misamot gyud ang inyong paghinigugmaay sa matag usa. ⁴ Tungod niini, nagpadayon kami sa pagpasigarbo nga gasulti mahitungod kaninyo sa uban nga grupo nga magtutuo nga iya sa Dios. Amo silang giingnan kung unsa kamo ka pasensyoso ug nga nagpadayon kamo sa pagsalig sa atong Ginoong Jesus, bisan pa ang uban nga mga tawo gasige ug hatag ug dakong kasamok kaninyo. ⁵ Tungod kay gi agwanta ninyo ang tanan nga Kasamok, kami nakabalo kaayo nga ang Dios matinarungon nga maghukom sa tanan mga tawo. Ug mahitungod kaninyo iya ning ipahibalo sa tanan nga kamo takos nga nga iyang pamunuan sa kahangturan, tungod kay gidawat ninyo ang pag-antos sama sa gasalig kamo kaniya. ⁶ Sigurado gayud nga ang Dios samokon niya ang tanang tawo nga gasamoksamok kaninyo, tungod kay sakto kini sakto nga buhaton niya. ⁷ Siya pod gihunahuna nga sakto nga hatagan niya kamo ug ganti pinaagi sa pagpaundang sa inyong mga kalisod. Iya kining buhaton sa inyo ug kanamo ang Ginoong Jesus mismo sa matag usa sa iyang pagbalik gikan sa langit uban iyang mga gamhanang anghel. ⁸ Unya uban sa gadilaab nga kalayo iyang silotan kadtong mga tawo nga dili maunongon sa iya, kadtong mga mosupak sa pagtuman sa maayong balita mahitungod kang Cristo Jesus. ⁹ Ug papahawaon sila sa atong Ginoong Jesus palayo sa iya, diin nga laglagon niya sila kahangturan, layo sa iyang pagmando pinaagi sa labing dakong gahum. ¹⁰ Buhaton kini sa Ginoong Jesus inigbalik niya gikan sa langit sa panahon nga gidesissyonan sa Dios. Tungod niini, kitang tanan nga katawhan niya magdayeg kaniya ug mahibulong kaniya. Ug kamo anaa pod didto, tungod kay nagtuo kamo sa gisugilon gyud namo kaninyo. ¹¹ Nag ampo kami kanunay alang kaninyo aron mapadayeg ninyo si Jesus sama niini. Ang among ampo sa Dios nga kamo himuon niyang takos nga magkinabuhi sa bag-ong pamaagi kung diin niya kamo gitawag. Kami nag-ampo usab nga kamo iyang tabangan nga magbuhat sa tanan nga pamaagi nga inyong gihandum,ug tungod kay siya gamhanan man kaayo, tabangan pod niya kamo sa tanang maayong bulohaton tungod kay nagsalig kamo kaniya. ¹² Nag ampo kami niini tungod kay buot namo nga dayegon ninyo ang atong Ginoong Jesus, ug buot namo nga tagaan niya kamo ug dungog. Kini mahitabo tungod kay ang Dios , nga atong gisimba ug ang Ginoong Jesus Cristo nagpadayon ug pagpakita sa ilang kamaayo diha kaninyo.