2 ¹ / ಮಿಕೊಸ್ಕರಮು ವೋದಿಕೆಯಂ ವಾಳುಕೊಸ್ಕರಮು ನೂವು ಕಡ್ಲಾರ್ ಕನ್ವಿಚೆನೋ ಮೀಕೊಸ್ಕರಮು ನಾಕೀ ಹೆಕ್ವ ಹೊರಾತವಾನೀ ಮೀಕೀ ಗೊತ್ತುದಾಲಾನೀ ಅಪೆಷ್ಕಿಸ್ತಾನು ² / ³ / ಎಟ್ಟ೦ಟ್ಟ ಮೀರಂದ್ರು ಪ್ರೀತಿಯೀಂಚ ಹೋದ್ಕೊನೀ ಭುದ್ದಿ ಪುರ್ವಕ್ಕು ನಿಶ್ಚಯನೀ ಭಾಗ್ಯಮ್ನ್ನಿ ಪಡ್ಸ್ ದೇವುಡ ಮರ್ಮ್ರನೀ ಅಂಟ್ ತಾನ್ಲೋನೆ ಜ್ಞಾ ನಮ್ ವಿಧಾಮ್ ಸ೦ಬ೦ದ ಅಡಿಚ್ಕೊನೀ ಕ್ರಿಸ್ತುಡ್ ತಿಳಚ್ಕೊನೀ ಹೃದಯಂ ಕುತೂಹಲಮ್ ನಾಕುಂಡಾ ದೀ. ⁴ /ಯೋಲರ ರಂಜನ್ಮಾಯ ಮಾತೀಂಚ ಮಾಮೀಲ್ಕಿ ಮೊಸ್ಲುಂ ಗೋಲೀಸ್ತಾರಾನೆ ಬಯ್ಮ್ಮು ನೂವು ವುಂಡೆ ಡಾ೦ನ್ನಿಂಚ್ಚಿ ದೀನ್ನಿ ಸೋಪ್ನಾನು. ⁵ / ನೂವು ಶರೀರಂಚ್ಚ ಮೀಕೀ ದೇಗುಲಂ ಲೆಕುನ್ನ ಪಾತೆನು ಆತ್ಮ ಮಿಂಚೆ ಮೀ ಜೋತ್ಲ ವುಂಡಿ ಮೀರು ಕ್ರಮ ಮಾಯಿ ನಡೆ ದಾನೀ ಕ್ರಿಸ್ತುಡ್ ಮೀಕೊಸ್ಕರಮು ದ್ರುದ್ಮಯೀ ನಿಲ್ಪದ್ನುದೆಡಿ ನೂವು ಸಂತೋ0ಷ ಪಡ್ತಾನು. ⁶ / ದಾನ್ನಿಚ್ಚ ಮೀರು ಕರ್ತುಡ್ ಡಿನಾ ಯೇಸು ಆನೆ ಕ್ರಿಸ್ತುಡ ಅಂಗಿ ಕರಿ ಚ್ಕೆತ್ನೆ ವಾಡ್ಲಿ ವು೦ಡೋಳಾಯೀ ನಡ್ಸ್ಕೊದ್ರೀ. ⁷ / ವಾಡಲ ಚಿರೋರೋಕ್ನೀ ಭಕ್ತಿ ವ್ರುದ್ದಿನ್ನಿ ಹೋದ್ಕೊನೀ ಮೀಕೀ ಬೋದೀಚಿನಿ ಉಪದೆಶಂ ಪ್ರಕಾರ್ಮ ಕ್ರಿಸ್ತುಡ್ ನಂಬು ಕುಯ್ಮ್ಲ ವು೦ಡಿ ದೇವುಡ ಕೀ ಎಕ್ಕೆ ಕ್ವಾಯೀ ಸ್ತೋತ್ರ ಮ್ ಸೇಸೊಳಾಯಂ ದಂಡ್ರಿ. ⁸ / ಕ್ರಿಸ್ತುಡ್ ಅನುಸರಿಸ್ಕೊನೀ ಮನುಷ್ಯಳು ಸಂಪ್ರದಾಯ ಮಿಕೀ ಪ್ರಾಪ್ತ ಸಿನ್ನೋಳು ಬೋಧನವೀ ಅನುಭವಿಚ್ಚೋಳು ಮೀಲಾ ವಚ್ಚಿ ಮೊಸ್ಮು ಆಯಿನ್ನ ನಿರರ್ತಕಾಂ ತತ್ವ ಜ್ಞಾನಂ ಬೋಧನಿ೦ಚಿ ಮೀ ಮನಸ್ಸು ಪಶ್ಮು ಸೇಸ್ಕೊನೋಳು ಎಚ್ರುಶಾ ಯು ದಂಡ್ರಿ. ⁹ / ಕ್ರಿಸ್ತುಡ್ ದಾನ್ಲೆ ದೇವುಡ ಸರ್ವಮು ಸಂಪೂರ್ಣ ಅವಥರಿಂಚ ವಾಸ್ಮು ಸೇಸಾಡಿ. ¹⁰ / ಮಳೀ ಮೀರು ವಾದ್ಲ ವುಡ್ಕೊನೆ ಪರಿಪೂರ್ಣ ಮನೀ ಹೋದ್ಕೊನೀ ಳಾಯ್ನಾರು. ¹¹ / ಯೇಸು ಅನ್ನಿ ದೊರೆಥನವಿಕ್ಕಿ ಅಧಿಕಾರಲ್ಕೀ ಶಿರಸ್ಸು ನೂವು ವಾದ್ಲು ಸುನ್ನತಿನ್ನಿ ಅಂಟುಕುನ್ನರು ಈ ಸುನ್ನತ್ತಿ ಸೈ ಯೀಂಚ ಸೇಸು ಡೆದೀ ಕಾದು ಇಡಿ ಪಾಪ್ಲುಂ ದೀನ ಸ್ವಭಾಮ್ ವಿಸರ್ಜಿ ಸೆದೆ. ¹² / ಇದೆ ಕ್ರಿಸ್ತುಡ್ ಸುನ್ನತಿ ಮೀರು ದಿಕ್ಷಸ್ತಾನುಮ್ ಕ್ರಿಸ್ತುಡ್ ಜೋತ್ಲ ಪೂದ್ಸೆ ಸಿದ್ದ ನಿ೦ಚಿ ಆ ಸುನ್ನತಿನೀ ಹೊಂದ್ನಾರು ಇದ್ಕ ಕುನ್ನ್ ವಾಡ್ನನಿ ಸಿಚೋಳಿ೦ಚಿಲೆಪಿನ ದೇವ್ರುಡಿನಾ ಸಾಮಂಧ್ಯು ಮೂಲ ನಂಬಿ೦ಚಿ ಪೆಟ್ಟೆದಾನ್ ಮೂಲಕ್ಮೂ ದಾನ್ವ ವಾಡ್ ಜೋತ್ಲ ಲೇಸುಚ್ನಾರು. ¹³ / ಅಪರಾದ ಮುಲ್ನಿ ಸೇಸೇ ದಾಂನಿಚಿ ಚಾನು ಸುನ್ನತಿ ಲೇನಿನಾ ಶಾರಿರ್ಮು ಭಾವ್ಮಿ೦ಚಾನು ಸಚ್ಕೋಳಾಯು೦ಡಿನಾ ವಿಮುಲ್ನಿ ಸ್ಹಮು ದೇವುಡ ಕ್ರಿಸ್ತುಡ ಜೋತ್ಲ ಬದುಕಿಚ್ನಾಡು. ¹⁴ / ವಾಡು ಮಾ ಅಪರದ್ಮುಲ್ ನೀ ಕ್ಷ ಮಿ೦ಚೆ ಮಾ ಮಿಂದ ದೇಶ್ಮು ರೋಪುನೀ ಸೇಸೇದ್ದಾ ನಿ೦ಚಿ ಅಜ್ಞಾಮು ರೂಪ್ಮಾಯ೦ಡಿನಾ ಪತ್ರುಮನೀ ದಾನ್ಸಿ ಶಿಲುಬೆಕಿ ಓಡಿಚೆ ಲೇನಾತ್ಗ ಸೇಸೇ. ¹⁵ / ವಾಡು ದೊರೆತನ್ಮುನೀ ಆದಿ ಕಾರ್ಯಲ್ ನೀ ನಿರಾಯು ಧ್ಮು ಲಾಯಿ ಸೇಸೆ ಜಯೋತ್ಸಮು ಸೆಸ ಡಾನಿ ಶಿಲುಬೆಯೀಂದ ಅವುಟು ಜಯಂ ಪಡಿ ನಟ್ಗ ಆಯಿ ಮೇಚಿತ್ತೆ ಸೂಪೆ. ¹⁶ / ಇಟ್ಟು೦ದೇ ದ್ದಾನಿ೦ಚಿ ತಿನಿ ತಾಗೆ ವಿಷಯಮ್ಲನು ಪ೦ದ್ಗ ಅಮಾ ವಾಸ್ಮು ಸಭಾತ್ಮು ಅನೆ ಇ ವುತ್ಲ ವಿಷಯ ಮಾನು ಮಿಮುಲ್ನಿ ದೋಷಿಲಾನೀ ಯೋಳು ಎಣ್ಯ್ಯ್ ಗುದ್ದು. ¹⁷ / ಇವಿ ಮುಂದ್ರ ರಾಬೇಕಾಯುಂಡೆ ಕಾರ್ಯಮೂಲ ಚಾಯೆ ಅಯ್ನಾವಿ ಇವುಲ್ಟುಲಾ ನಿಜ್ಮುಸ್ವರೂಪ್ಲು ಕ್ರಿಸ್ತುದೇ. ¹⁸ / ಕೆಲವು ಅತಿ ವಿನಯಮ್ಲುನು ದೇವುಡ ದುತುಲ ಪೂಜನು ಆಸಕ್ತಲಾಯಿ ನಾರು ಮೀಕಿ ದರ್ಶಣುಮೂ ಅಯ್ ಅನಿ ಕೊಚ್ಕೋ೦ಟಾರು. ¹⁹ / ಮಾಲಿ ಪ್ರಾಪ೦ಚಿಕ್ಮೂ ಬುದ್ದಿಯೀಂಚ ನಿರಾದಾರ್ಮಯಿ ಉಬ್ಕೋನ್ನಾರು ಆಯೆ ಕ್ರಿಸ್ತುಡನೆ ಶಿರಸ್ಸಿನಾ ಹೊ೦ದಿಕೇನಿ ಇಡ್ಕೋಳಾಯಿನಾರು ಇಟ್ವೋಲು ಮೀಕಿ ಮೋರ್ಕು೦ದೇ ಬಿರುದ್ನಿ ಅಪರೀಚ್ಬೆಕೀ ಅವಕಾಷ್ಮು ಇಯ್ಯದ೦ಡ್ರಿ ಅ ಶಿರಸ್ಸುನಿ೦ಚಾನು ದೇಹ್ಮು೦ತ ಕೀಲು ನರ್ಮುಲಮುಳಕ್ಮು ಬೇಕಾಯು೦ಡೆ ಸಹಾಯ್ಮುನಿ ಹೊದ್ಕೋನೀ ಓ೦ದಾಗಿ ಕೂಡಿಚ್ಚೆ ದೇವುಡ ಇಚ್ಚೆವೃದ್ದಿ ಯೀಂಚ ಅಭಿವೃದ್ದಿ ಯಾಯ್ತು ವಾಸ್ತಾದಿ. ²⁰ / ಪ್ರಾಪ೦ಚಿಕ್ಮು ಸನ್ನೋಳ್ ಬೋದನುಮ ಪಾಲಿಕಿ ಮೀರು ಕ್ರಿಸ್ತುಡ್ ಜೋತ್ಲ ಸಚ್ಕೋಳಾ ಯೀನ್ಮಿ೦ದ ಇ೦ಕಾ ಪ್ರಾಪ೦ಚಿಕುಲಾಯಿ ಬದ್ಕೋಳಾಕ್ ಮನುಶ್ಯಲು ಕಲ್ಪಿತು ಆಜ್ಞೆಲುನೀ ಉಪದೇಶ್ಮುಲುನಿ ಅನುಸರಿಚ್ಚ ದೀನ್ನಿ ಪಟ್ಕೋವೊದ್ದು ದೀನ್ಸಿ ರುಚಿನಿ ಸೂದೇದ್ದು. ^{21 22} / ದಾನ್ನಿ ಮುಟ್ಟೋದ್ದು ಅನೆ ನಿಬಂಧನೆ ಮೀಕೀ ಮುಮುಲ್ನಿ ನೋನಾಯಿ ಸೆಸೆ ದೇ೦ದ್ಗಿ .ಅ ಪದಾರ್ಥ ಅಂತ ಬಲ್ಸೆ ದಾ೦ಟಾಲಾ ನಾಶ್ಮು ಆಯ್ತಾದಿ. ²³ / ಅತ್ತ್ವೆ ಉಪದೇಶ್ಮುಲ್ ಸ್ವಕಲ್ಪತ್ತು ಚಾರ್ಮುನಿ ಪ್ರತಿ ವಿನಿಯ್ಮುನಿ ದೆಹ್ಮು ದ೦ಡಿಸೇನಿ ಬೋದಿಸ್ತ ಪೆರ್ಕಿ ಪುತುಮು ಜ್ಞಾನಮು ಅನಿ ಚ್ಕೋ ಟಾ ನ್ರಿ ಅನಿ ಕಕುನ್ನ ಶರೀರಂ ಇಚೆಲ್ನಿ ನಿರ್ ಗ್ರಹಿಚ್ಕೆದಾ೦ತ್ಲ ಏಯೀ ಪ್ರಯೋಜನ್ನಮುಕು ವಚ್ಚೆತ್ಲೀದು.