3 ¹ ದಾನ್ ಕಾರ್ಮು ಣುಮು ಮೀರು ಕ್ರಿಸ್ತುಡುಸೋನಿ೦ಚಿ ಲೆಸು೦ದೆ ದಾನ್ನಿ೦ಚ ಪೈನು೦ದೇದ್ದಾನ್ನಿ ಹುಡ್ಕಂದ್ರಿ ಆನಾ ಕ್ರಿಸ್ತುಡ್ ದೇವುಡ ಕುಡ್ಮು ಸೇತಲ ಅಸನ್ಮು ರೂಡುಡಾಯ್ನಾಡು. ² ಪೈನು೦ಡೆ ಅಕಿಚ್ಚಿ ದಾನ್ಮಿ೦ದ ಮುನ್ಸು ಪೇಟ್ಟೆ೦ಡ್ರಿ ಭೂಸ೦ಬ೦ದ್ಮಾಯಿನಾ ಮಿಂದ ಪೆಟ್ಟದ೦ಡ್ರಿ. ³ ಏ೦ದ್ಕ೦ಟೆ ಮೀರು ಸಚ್ನಾರೆ ಮೀ ಜೋಡು ಕ್ರಿಸ್ತುಡ್ ಸೋನಿ೦ಚ ದೇವುಡಲೇ ಮರೆಯಾಲು ಪೆಟ್ಟಾದಿ. ⁴ / ಮಾಕಿ ಜೂಡಾಯೂ೦ಡೆ ಕ್ರಿಸ್ತುಡು ಪ್ರತ್ಯಕ್ಷ ಮಾಯಾ ನಪ್ಪುಡಿ ಮೀರು ಸಹ್ಮು ವಾಡ್ ಜೋತ್ಲ ಪ್ರಭಾಮಿಂ ಕೊಡ್ನೋಳಾಯೀ ಪ್ರತ್ಯಕ್ಷ ಯವರು. ⁵ ದಾನ್ನಿ೦ಚ ಮೀರು ವು೦ಡೆ ಭೂ ಸಂಬಂದ್ಮಾಯಿನಾ ಬಾವುಮಲ್ಕಿ ಸೊಂಪಂಡಿ ಜಾರತ್ವಂ ಬಡುತನ್ವುಂ ಕಾಮಭಿಲಾಶ್ಮು ದುರಾಸ್ಮು ವಿಗ್ರಹರಾದ್ನ್ ಲುಕಿ ಸಮುಮು ಆಯುಂಡೆ ಲೋಭ್ಮು ಇವುತ್ಲ್ನೀ ವಿಸರ್ಜಿ ಇಡಿಯಂಡ್ರಿ. ⁶ ಇವುಟ್ಲಿ ನಿಮಿತ್ಮು ದೇವುಡ ಕೊಪ್ಮು ಉ೦ಟಾಯಾದಿ. ⁷ ಪೂರ್ವಾಮೂ ಮೀರು ಸಹ್ಮು ಈ ಅದಿನುಮ ವುಂಡೆ ಈ ಕಲ್ಪಮುನ್ನಿ ನಡ್ಪಿ ಸ್ತಾವು೦ಡಾರೂ. ⁸ ಇಪ್ಸರ ಕೋರ್ಮು ಮತ್ಸುರು ದೂಷಣ್ಮು ಸೋರಿಂಚ ವಚ್ಚೆ ದುರ್ಭಾಶ್ಮು ಇವುತ್ಲುನಿ ವಿಸರ್ಜಿಸಿಚ್ಚಿ ಇಡಿಯಂಡ್ರಿ. ⁹ ಓಕ್ಕುಳ್ಕ್ಕುಳು ಸುಳ್ಳಾಡದ೦ಡ್ರಿ ಮೀರು ಪೂರ್ವೂಮೂ ಸ್ವಭಾಮನೀ ದಾನ್ ಕೃಪಾ ಜೋತ್ಲ ಸಿಸ್ಪೇಟ್ಟಿ ಕೂತ್ ಸ್ವಭಾಮ್ಮುನ್ನಿ ದಾರಿಚ್ಕೋಸ್ನಾರೂಕದ. ¹⁰ ಈ ಸ್ವಾಭಾವುಮು ದಾನ್ನಿ ಸೃಷ್ಟಿ೦ಚಿದಾತುಡ್ ಹೋಲೂಕ್ಮೂ ಮಿರೆಕೀ ದಿನ್ಮು ದಿನ್ಮು ಕೊತ್ತು ದಾಯ್ತ ಪೂರ್ನಮೂ ಜ್ಞಾನುಮ್ನಿ ಉ೦ಟ ಸೇಸ್ತಾದಿ. ¹¹ ದಿನ್ನಿ ದರಿಚ್ಕೋನೇ ದಾ೦ತ್ಲ ಗ್ರೀಕುಡು ಯಹೂಮ್ಯಡುನೀ ನಂಬದ್ದು ಅನೆ ಬೇದ್ಮು ಲೇದು ಸುನ್ನತಿಸೇಬಿಚ್ಕೊನೋಳು ಅನೆ ಬೇದ್ಮು ಲೇದು ಹೂಣುಮ್ ಅನೆ ಪೆರ್ಲು ಲೇವು ಆಲುಡು ಓಡೆಯುಡು ಅನೆಬೇದ್ಮುಲೇದು ಆಯ್ತು ಕ್ರಿಸ್ತುಡ್ ಸಮಸತುಲು ಸಮಸ್ತುಮು ಆಯು೦ಡಾಡು. ¹² ಇಟ್ಟು೦ಡೆ ದಾಯೀ ಮೀರು ದೇವುಡಿ೦ಚ ಅರ್ಬಿಚ್ಕೋನ್ನೋಳು ಪ್ರತಿಸ್ಟಿತುಮು ಪ್ರಿಯಲು ಅಯುಂಡ ದಾನ್ನಿ೦ಚ ಕನಿಕರ್ಮು ದಯೆಮು ದಿನ್ಮುಭಾವ್ಮು ಸಾತ್ವಿಕತ್ಮು ಧೀರ್ಘ ಶಾ೦ತುಮು ಅನೆ ಸದ್ಗುಣ ಧರೀಚ್ಕೋ೦ಡ್ರಿ' ¹³ ಇ೦ಕೊದ್ದು ಮ್ನಿದ ತಪ್ಪು ಮೊಪೆಕೀ ಕಾರ್ಮು ಮ೦ಟೆನು ತಪ್ಪು ಮೋಪೀಯ್ಕನ್ನ ಓಕ್ಕುಕ್ಕೊಕುಳು ಸಹಿಸ್ಕೊನೀ ಕರ್ತುಡ್ ವಿಮುಲ್ನನಿ ಮೀರು ಕ್ಷಮೇಚ೦ಡ್ರಿ ¹⁴ ಇವನ್ನಿನ್ನ ಮ್ನಿದ ಪ್ರಿತಿನಿ ದರಿಚ್ಕೊನ್ದ್ರಿ ಆದಿ ಸಮಸ್ತುನೀ ಸಂಪೂರ್ನ್ಮೂ ಸೇಸೆ ಬಂದ್ಮಾಯ್ನಿದಿ. ¹⁵ ಕ್ರಿಸ್ತುಡಿ೦ಚಾಯಿನ ಸಮಾಸ್ತಮು ಸಮಾಧಾನ್ಮು ಮೀ ಹೃದಯಂಲ್ಮು ಯಜಮಾನುಡ್ಲಾಕೆ ವ್ನುಡಿ ಮೀರು ಓಕ್ಕೆ ದೆಹುಮ್ಲಿ ಸೆರ್ಕೋಲಾಯ್ಮ್ ದಾನ್ನಿಂಚ್ಚಿಸಮದಾನ್ಮು ವು೦ಡೆ ದಾನ್ಕು ಪೀಲ್ಪಿಚ್ಕೋಳಾಯ್ನಾರು. ¹⁶ ಇದ್ಕಾಕುನ್ನ ಕೃತಾಜ್ಞಮು ವು೦ದೊಳಾಯಂ ದ೦ಡ್ರಿ ಕ್ರಿಸ್ತುಡ್ ವಾಕ್ಯಮು ಮೀಲ ಸಂ ವೃದ್ದಿ ವಾಸಿಚಿನಾ ಸಕಲ್ಮು ಜ್ಞಾನ್ನಿಂಚ್ಚಿ ಕೊಡ್ಕೊಲಾಯಿ ಉಪದೇಶಮು ಸೇಸೊಂದ್ರಿ ಬುದ್ದಿನಿ ¹⁷ ಸೋಕ್ಕೊಂದ್ರಿ ಕರ್ತುಡ್ ಕೃಪೆನೀ ನೆನ್ಸ್ಕೋನೋಳಾಯೀ ಕೀರ್ತನುಪೂ೦ಚಾನು ಮೀ ಹೃದಯಂಲು ದೇವುಡಕೀ ಗಾನುಪಾಲು ಸೇಯಂಡ್ರಿ. ¹⁸ 18 / ಪ್ರಿಯಲು ಮೀ ಮೋಗುಡ್ ಲೀಕೀ ಅಮೀನ್ ಮಾಯ್ನ್ದ೦ಡ್ರಿ ಇದಿ ಕರ್ತುದ್ ಜೋತ್ಲ ವು೦ಡೋಳ್ಕಿ ಯೋಗ್ಯಮಾಯೀ೦ದಿ. ¹⁹ ಮುಗೋಳಾ ಮೀ ಪೇಡ್ಲಾ ಮಲ್ಕಿ ಪ್ರೀತಿಚ್ಚಾ೦ಡ್ರಿ ವಾಳ್ಕಿ ನಿಪೂರೂಮು ಅವದ೦ಡ್ರಿ. ²⁰ ಸೀನೋಡ್ ಅನ್ನಿ ವಿಷಯಮ್ಲು ಮೀ ತ೦ಡ್ರಿ ತಲಿಲ್ಲು ಮ್ಯುತ್ಲುನಿ ಇನಂಡ್ರಿ ಇದಿ ಕರ್ತುಡ್ ದೃಸ್ಟೀಲಾ ಮೆಚ್ಚಿಕುಮು ಆಯಿ೦ದಿ. ²¹ ತ೦ಡ್ರಿಲಾ ಮೀ ಬಿಡ್ಲುನೀ ಕೆಣುಕಿ ವಾಳ್ಕಿ ಮಸ್ಸಿಕಿ ನಪ್ಪಿ ಸೇಯದಂಡ್ರಿ. ²² ದಾಸತ್ವಲ ವು೦ಡೋಲು ಲೋಕ್ಮುಲ ಮೀ ಮೊಗುಲ್ಕುಕೀ ಅನ್ನಿ ವಿಷಯಮ್ಲು ವಿದೆಯಲು ಆಯ್ಡಂಡ್ರಿ ಮನುಶ್ಯಲ್ಕಿ ಮೆಚ್ಚಿ ಚ್ಚೋಳು ಸೇಸೆ ಪ್ರಾಕಾರ್ಮು ಮೀ ಮೊಗಳು ಸುಸೇ ನಪ್ಪು ಮಾತ್ರುಮು ಸೇವೇನೀ ಕರ್ತುಡ್ನಿ ಭಯ್ಮು ಪಡೋಲಾಯಿ ಸರಳ್ಮು ಮನಸ್ಸಿಂಚ ಕೆಲಸ್ಮು ಸೀಯಂದ್ರಿ. ²³ ಮೀರು ನೂವು ಕೆಲ್ಸುಮ್ನಿ ಸೇಸೆಸ್ತಾನು ದಾನ್ನಿ ಮನುಶ್ಯಲು ಗೊಸ್ಕರ್ಮನ್ನಿ ಸೇಯ್ಕುನ್ನ ಕರ್ತುಡ್ ಗೊಸ್ಕ್ರ್ಮೆ ಅನಿ ಮನಪುರ್ವಕ್ಮಾಯಿ ಸೇಯಂಡ್ರಿ. ²⁴ ಕರ್ತುಡ್೦ಚ ಪರ್ಲೋಕ್ಮು ಅನೆ ಪ್ರತಿ ಪಲ್ಮುನಿ ಹೊ೦ದ್ತಾವು ಅನಿ ತಿಳಿಸ್ನಾರು ಕದ. ²⁵ ಕರ್ತುಡಾಯಿನಾ ಕ್ರಿಸ್ತುಡುಕೀ ದಾಸುಲ ಮೀರು ಆಯಿನಾರು ಅನ್ಯಯ್ಮು ಸೇಸೋಳು ವಾಳು ಸೆಸೆ ಅನ್ಯಯ್ಮು ಕೀ ತಕ್ಮೂ ಪ್ರತಿಫಲ್ಮುನೀ ಹೊ೦ಡಾತೆ ಪಕ್ಸಿ ಪಾತ್ಮು ವು೦ಡೆ ತ್ಲೀದು.