¹ దేవుట్కి సంబందిస్త పన్కు తుమ్గనామ్కి, ప్రజాల్కిన్ పక్షాతే ఓరు పాపకీన్ సెంకె అర్పణకీను,బలికీను అర్పిస్సనామ్కి,పతి తోల్తే పూజార్తీను నిలవాటటం ప్రజల్కీన్ నుంచే జర్గోమిమ్దే. ² ఓండు జ్ఞానమిల్లోవోరు విసియాతే,అర్రితప్తోరు విసియాతే జాలి తోపిస్సితోండు.బారిత్కు ఒన్కి గూడా ఆలోంటే బలహీనతాకు మంతాగనక. ³ ఆ బలహీనతకీను కర్నాతే ప్రజల్కీను పాపకీను సెంకె బేల అర్పనాకు అర్పిస్సోమిన్నోండో ఆలాకే ఓను సెంకె గూడా అర్పిస్సవల్సిమంతే. ⁴ ఈ గొప్ప తనమ్తీను బేనోరు ఓర్కుఓరే ఆపదిస్సనామ్కి వీలిల్లె.అహరోనీంకు మత్తాటే దీన్కి దేవుటే ప్రత్యేకిస్సి కరన్గనాటే మందవాలు.క్రీస్తు మెల్కిసెదేకీన్ క్రమందిస్తే తోల్తే పూజారు ⁵ క్రీస్తు గూడా తోల్తే పూజార్గవ్యవహరిస్సి ఈ గౌరవంతీన్ ఓన్కు ఆపాదిస్సుకుండిల్లోండు.కాని దేవుండే ఓన్తోటే ఇల కెత్తోండు."నిమ్మ నా మర్రీను. నేండే నన్న నీకు ఇయ్యనత్తాను." ⁶ ఆలాకే ఇంకొర్రో సోట ఓండు "నిమ్మ మెల్కీసెదేకిన్ క్రమాతేకలకాలం మందాని పూజార్తీను" ఇత్తోండు. ⁷ ఓండు ఒల్దేతోటే మత్తస్కే ఓనీను సావీనుంచి రక్షిస్సగల్గాను దేవుట్కి పార్దన్కు,మనవీకు తుంగోర్ కన్డదేరు తోటే మొర్ర వాట్తోండు.దేవుటే పొర్రో ఓన్కిమత్త భయభక్తికీ వల్ల దేవుడు ఆలకిస్తోండు. ⁸ మర్రాసి మంజి గూడా ఓండు అనుభవిస్త బాదకి వల్ల విధేయత ఇత్కు బాతాదో నేర్చుకుట్తోండు. ⁹ మెల్కీసెదేకు క్రమంతే దేవుడు ఓనీను తోల్తే పూజార్గా కరిన్గి నిలవాట్తోండు. ¹⁰ ఈ దిస్తే ఓండు పరిపూర్ణుడత్తోండు,ఓనికి విధేయుల్కుఅత్తోరందోరు బెస్కేట్కి మందాను రక్షణాత్కు కార్నమత్తోండు.విజ్ఞప్తి,హెచ్చరిక ¹¹ యేసీను సెంకె కెత్తనద్దుబెచ్చోటో మిందే.అత్కు కేంజనాంకు బద్దకిస్సోమంతీరు గనక మీకు వివరిస్సనద్దు కష్టం. ¹² ఈ పాట్తికల్ల మీరు బోదిస్సనోరుగ మంద్కీరు గోని దేవుటే మాటానౌటే ముక్యమత్త సూత్రకీను ఇంకొర్రోండు మీకు బోదిస్సవల్సివాసోందే.మీరింక పాలుండాను దసాతే మిన్నీరు గోని బలమత్త తిండి తిందాను శేక్తి మీకిల్లె. ¹³ వలం పాలోర్రెటే ఉండాను పతివాండు పసివాండే కాబట్టి నీతిత్కి సంబందిస్త విసియకీను అనుబమిల్లెవాన్గ మంతోండు. ¹⁴ దీన్కి భిన్నంగా,వయుసువత్త పెద్దటోరు ఓర్ అనుబంతోటే మెంచీదు బేదో,చెడ్డాదు బేదో ఆలోసిస్సగల్గి,మెంచి చెడ్డకీను తేడా తెలుసుకుండానౌటే నేర్చుకుండ్జి మంతోరు.అలోన్టోర్కి పుష్టికరమత్త తిండి కావాలు.