¹ Werka ullo eki go'suk gon Shawulu, diga ublaikǝre ɓerka baar ruuto mariya Ì duu Yesso Uruselimarǝ.sǝ mariya Ì ese timrai Ì faks buta Yahudiyatnaa Samariyattek ama kubrubai Ì ipu te'pa. ² Mariya Ì duu Billai ÌIi Istifanus sǝbo gau waa gǝǝraa ullo. ³ Ama Shawulu bo'sǝ mariya Ì duu Yessoi ina go'pan duui gwamrə gwa' yara mari naa kitaki sə i gɓèsi pusunarə. ⁴ haa es iya i esə timr sə faksi eyi i ri'gə ipu dook paka Billəkrə. ⁵ Filibus ree della Samariyawairellə sə dootə paka kweebaazzək . ⁶ De' bansa mariya ryi i gee sə i og ina Filibus bo'ron, Ii pat i gen hakillo ina doon də. ⁷ De' mari genga i geu rumsa go'pas keetə aə go' paari. Sə rungɓo mariya dent werai naa nat werai naa lendi. ⁸ Yaksu zok pi dellirə ⁹ Maz uza pii dellirə i deru Saminu,ura bo'rə neta langsəret sə məs ¹⁰ mariya Samariyay pat, kangɓa diga wazwai naa gɓi'zaz, i gen hakillo ulloi; géé maza az gè naa iikoma Billə i der gɓikəm ammi ¹¹ i ke'su ken to', nok lo'sapu mesəmre naa langsiya ulloi. ¹² Ama de' i esə timr paka tingka gwanta Billətte, Filibus doosə ri'ra Yesso kweebaazza i bo'su batismaz, yara mari naa kitaki. ¹³ Saminu ma' timr de' i bo'su batisma sei gau naa Filibus de' og neta gɓi'ta gɓi'it bo'ro sə məsu. ¹⁴ De' tombaiya Uruselimai i geeSamariyawai i esə pu timr paka Billəkrə, i tomsi Biturus naa Yohana. ¹⁵ De' i rəktə, i weerisə sə ina kine rumsa Billəs. ¹⁶ Nok bəlla ellirə rumsa Billəs zassə koo maz iirə te'ka pa, i bo'sə batismazi tan naa ri'ra daa Yesso rəllə. ¹⁷ Sei Biturus naa Yohana i yii na' iire paa, sei kwee rumsa Billəs. ¹⁸ De' Saminu og i kine rumsa Billəsnok yiika nata tombaiyi rek sə esə wees. ¹⁹ Doosə gee esne miyam ikomma am nok mina yiisə koo neya na' səna kine rumsa Billəs. ²⁰ Ama Biiturus doosu gee weesa moos na wo' naa monzəz, nok a mee monge bo kink esəka Billək naa wees ya? ²¹ una kassa naa paka ak pa, nok timra mool puna Bill pa. ²² Noka ri'ik puum na' keeku a mondəurə paa, leegə Bill ra'səskairan, ²³ nok n oga moo imsa zogossə apu hakkeirəroo