¹³ Ru' i ar topa, Gwanza Agiriipa naa Benis i zaa Kaisaariya no̱k dǝ'ǝska Festus. ¹⁴ De pu eri ru' gǝnnga, Festus yiisu paka bisa Bulussǝk, doosu géé, "Maz uza pii Feliks daau pursunaazwi. ¹⁵ De n pu Urshaliima Do̱'ga Toriya Billǝi naa do̱o̱niya Yahudaawairǝi i kamtǝ panngna go̱'pan ullǝ paa sǝ i laa ina ze̱e̱su bisa wǝrkrǝs. ¹⁶ N doosi minge lansǝza Romanirǝzzi eska maz diga i gee ullǝ su' rǝ pa pa, ama i esǝk ura i dognu pak ezi bila na kees zura gwandǝl neta i dogdunutrǝ paa. ¹⁷ De i dakǝntǝ ang, n laks wakati pa, ublaa buutǝkrǝ n de̱ri n sǝ gau ar bissǝ sǝ n tos ina kamtǝ mazzi. ¹⁸ De iya i doddunu pakai i ruu sǝ i doo neta timr go̱mnit, n og ina naa gbam i kamtǝnun pa. ¹⁹ Goptǝra riik ipu naa waa sinum uma paka gwanirǝ langsǝzzǝki uza ura i de̱ru Yeeso wǝrapu, ama Bulus doo géé pii naa zǝngsaz. ²⁰ N pu sundukrǝ ni wi'gǝzkǝn pakkik , sei n de̱su koo mina kamu Urshaliima sǝ ina ze̱e̱su bis roo nettirǝ paa gǝ. ²¹ Ama de Bulus laa ina kambo gwanza gbi'zaz, Kaisarrǝ, N tos ina gbe'su sei mina tomu pu Kaisarrǝ."" ²² Agariibas doosǝ festus , "N ii n ka gee paka mazzirǝk." Festus iisu géé, "Bo̱'ta a geeku." ²³ Ar oonarǝ, agiriibas naa Benis i zaa ni naasik; i zaa naa do̱o̱niya soojairǝi naa mariya gbi'kiya dǝllirǝi. De Festus doosǝ do̱o̱nza soojairǝz, i totun Bulus ara i pinnakrǝ. ²⁴ Festus doo géé, "Gwanz Agiriibas, na mariya ipu arii yas. Maza i oug az bansa Yahudaawairǝi i okse Urshaliima naa gǝbǝn ari sǝ i wo̱o̱gǝ sut ge maza az naa see na zǝngs pa. ²⁵ N og ina bo̱'rǝ sǝ to̱o̱ wǝrkan pa, ama no̱k laan ina kamnubo Gwanza gbi'zazzǝk, n ɗe'es n kamkpu roo. ²⁶ Ama n punaa ina wessa sǝ n biisǝk Kaisairan pa. no̱k eki gwanki n kamtunu mo̱o̱rǝk, no̱k sǝ a kinse unaa n biik bisa ullǝssǝ paan. ²⁷ No̱k go̱' ara n tomkpun pursunaaz sǝ n dook ina lakssan pak."