¹ Domda Tozza Billəs gee, "neta at zəmaziya. ² Istfanus gee Dai, naa uriyangi, ke'esne to' gbi'kəmma Billəm puna Daa aas Ibrahim bəlla pun Bagadaazallə nagə zaa gau Haran. ³ doosu gee " dam Buta moot naa zewiya mooi sə a ri'gə buta N gesəkattə. ⁴ Daa buta Kaldsiyawairət sə zaa gau Haran diga eri de' Daā ulləs wer, Bil kamtu buta attə ara ii gawən ri'ak akrə. ⁵ Esu ɓentə paa ko natər mulo paa. Ama i doksa pu naa Ibrahim."Ibrahim boo, waz pisupa den pa . Ama essə zeeuwa ullə sa'kau. ⁶ Bil doosu gee, uriyangiya ulləi i ri'gək ginnəm but utarə, mariya buta etti rəi i toski seenurə sə i ɓesi baar, wi' zu'zur. ⁷ Sə i biisək mariya buta i ɓesi baar ettirək, Bil doori' i keetək butirə sə zaa noosə ari. ⁸ Esə Ibrahim do'ka na gɓa, Ibrahim uzi Daa Ishaku rəz sə Nau Ublutta Samsaarattə ; Ishaku uzi Daa Yakubu rəz, Yakubu uzi Daa mə'teya Komna' naa ittei airə. ⁹ Mettiya ai i bo'rə keerəs naa Yusufu sə i yingu buta masarattə,Bil boo puna ur. ¹⁰ Keesu ɓerka baara ulləllə, sə po'u naa meeka Fir'auna rəmu' gwanta Masarat naa gwaaga gwanzəkrə. ¹³ Woodu zaa, naa ɓer baar buta Masarat naa Kan-aana rə paa Daiya ai i kin reka pa . ¹² Yaakubu ge̱e̱ gee rek pu Masar tomdaiya arə seeniyai. ¹¹ Ii gee den ittizza roozə Yusufu yii zurra ulləl zəiya ulləirə paa; Fir-auna meegəs uriyangiya Yusufu rəi. ¹⁴ Yusufu tom zeyya ulloi ina ree dosə daa ulloz Yakubu na zappu Masar naa zeyya ulloi yas mari zu'taarei naa komnai, naa ɓenarei(75) yas. ¹⁵ Yakubu ri'gə Masar sə wer ur naa daiyya are dooi. ¹⁶ I gumi, Ì kami Shekem sə i Ìyi ar gagga Ibrahim yiwi naa net suktənt yangiya Hamon deirə. ¹⁷ Bəlla dokka rəl Bil doosə Ibrahim mal rèktə mariya Ibrahim rəi i daktə, i yas Masar. ¹⁸ Gwanz uza ate Masar ura mee Yusufu paz. ¹⁹ Gwanza ezi seerə do'ga mariya ai sə ribde daiya ai wesssawè i ɗonrəsi yangi nok bo'ta i ɓii ²⁰ dena enirəzi sə i ding Muusa pu' oonzəz Billə mu' i zew séér taate ullo daare gwa'. ²¹ De' i ɗongsu wai kiiza Firaunarəz pe'u sə nonsu ni wazza gwandezzak. ²³ Reks wi' zu'ittei sə zasu temlə, boree kootə mariya ²² booi yangiya Israilai. ²⁴ Ok ipu ribdik Israilaazə, sə kwe'u, sə gəəsusu sə ɗu' mazza masar ezi sə ipsu: ²⁵ Meesapu gee zeiya booi Bil boorə ama imeepa. ²⁶ Ublaa gbo'tekrə zaa Israilai rə oksi ro'olə gonirə te'ka' yaani marka sə doosi gee, uriyangi nok an sə igwa ində te'ya? ²⁷ Ura bo'sə ura mu'zəs aibe ezi doosu gee, nezi tossa zeebaazza bissəs erə te'ya? ²⁸ A ii iggbe ni a iuwən, mazza masar zakya?'' ²⁹ Muusa de' okri eri no̱o̱gə sə yerə maraginz buta Madayanattə ara ree dingən yangi ittəi yakrə. ³⁰ Wi' i ar zu'ittəi, sei To̱mbaazza Billəs gbo'surə Dooloro Ge'a sinaiyakrə, gbo'surə meila ra'rəllə dooloro. ³¹ De' musa og ra' eki inni məsu, de səətə səbo gwenə, sei gee gweraa Billək ra'ekirə te' gee, ³² Miizi Daa Billa Daiya mooi rəl. Daa BIlla Ibrahim rəl, Daa Billa IshaKu rəi, Daa Billa Yakubu rəi. ser kam Musa wessawe yere muug gwera ekirə pa. ³³ Daa Bil doosu gee, tussəm tag, nok ara apin eki, ara naa Rumssakki. ³⁴ N oksapu mariya mii ipu ɓerkbaalə masar, n geepu wo'raa iik n zaapu kwekirə, ri'ak zam n to̱mka masar. ³⁵ Muusaa i mu'sus i doo gee nee de'sa doonz naa zeeba bisseya ? uzi mazza Bil təəgus nagau doonz naa zeeba bisses, Bil to̱mmu, to̱mbaazzə na'rə, ura gbesə Muusarə dooloroos . ³⁶ Muusa keetətən diga masar,bo'rotən neta məsəm rət masar, gbona maama gɓi'mamrə naa dooloroo. ³⁷ Gon Muusaa muzəzzi doosə mariya Israilai gee, Bil ruutəkən saarəz ni miik ində te'ka . ³⁸ Uzi mazza Bil ruututu marirə mu' doolorooz naa to̱mbaazza ulləzzək , Bil pak naa ur ge'a sinaiyakrə gee uzi kwetəkaa paka zəənzsək. ³⁹ uzzi mazza Daiya i mu,su geekarəz i yesu kanarə gonirə te'ka igən temtiya ii masar. ⁴⁰ Bəlla elirəzi sə i doosə Haruuna gee na' go'tuboo waa maarəzza bo asku mu'kas. Muusaa keetaa diga buta masarattə ē me̱e̱ inna bo'runpa. ⁴¹ I go'ro waa maazza Negəzzəz sə i kamtə net,ma'ant waa maazzəzirə, zok yaggi nok netta gonirə i bo'rət. ⁴² Nokri Bil yessi kur sə i noos zo'si nipun biisinnin rababaazza Saarirəzzək, gee miizi esse do'netta ma'karət wi'a zu'ittəi airə dooloroya mariya Israilai? ⁴⁴ Daiya aai ipuna Nu'ra seedaakomrəl dooloro ni Bil doosə Musa nabo'rənak, ni a oggənak. ⁴⁵ Nu'ra al ulli mariya ai ipe'ɓinti bəlla Zoosuwarəllə bo'rum bəlla i torən buta iya Bil keesi do'kairə, daiya ai inagə zaa. pu ri'eri do'ka ru'a Dauda rəirə. ⁴⁶ Ura kinnə po'ka Billəz sə des ina laasə Billa Yakuburəl ar noosəka.