¹ Yeokie bhio bhiri kabla ya Pasaka na Sherehe ya Mkate usigerwa amira. Mchili mbaha na bhatami bhekigheshija bhundu bhenemuibha Yesu na kumgura esa bhamkome. ² Amu bhekighamba, 'Esi mari ma iyo ngasu ya Pasaka amu henebhuka ibhoo ghati ya bhandu.' ³ Yesu ekinatonge Bethani hakwe Simion eye ena ukoma, eho eikesi mezani, mche m'mwezu akaza na ibobo leizue mafuta ma ma ghali ma nardi, akachungua lila ibobo na akamuitishia Yesu mtwini. ⁴ Kake hena bhandu bhereghije. Bhedughunyike bhekighamba, ''Amu ni kini iji hasara jose? ⁵ Ama marashi mekitaghwa zaidi ya denari maghana matatu na jireghenja bhakibha. ''Bhakaoka bhembohia mno. ⁶ Kake Yesu akaghamba, ''Mshigheni yee mwenye. Nize mumsumbua? Anihiria kindu chedi mno. ⁷ Misi yose muoho na bhakibha, na mkakunda kubhaghenja muneidima, kake musikaoke nami misi yose. ⁸ Uu mche ahira kindu kila aidima: aubhira mwiri wangu mafuta urejikwa. ⁹ Kididi nimbhura, Kiteto cha Mzuri kikachlwa masangeni, ichi kindu uu mche ahira kinetetwa esa kumkumbuka.'' ¹⁰ Na aho Judas Eskariot, m'mwe wa bhala ikumi na bheri etongie ha mapadri bhabaha eti enemuete habho. ¹¹ Mati mapadri bhabaha bhesikie hubho bheizirihiwe na bhakatemia kumuinga bala. Ekabhoka kuenda zia ya kumgura abhatikie. ¹² Msi wa kubhoka wa mikate isigeriwe amira, mati bhechinjie igonji la Pasaka, bhaloshwa bhakam'bhura, ''Ni hio ukundie turehareha esa tule Pasaka?'' ¹³ AKabhatuma bhaloshwa bheri akabhabhura, ''Tongeni hena mzi, mnetorana na mndu etikie sangu ya mbombe. Mratereni. ¹⁴ Nyumba eneingia na unywi muingie, mum'bhure mwenye nyumba, 'Mwalimu aghamba, iohio nyumba ya bhagheni nile Pasaka na bhaloshwa bhangu?'' ¹⁵ Enem'bhonya chumba cha wanga kiharehwe tayari. Mtuarehie aho. ¹⁶ Bhala bhaloshwa bhakabhuka na kutonga, bhakabhona sa bhundu bhebhuriwe, na bhakahareha kijo cha Pasaka. ¹⁷ Ikimefike chemagheri akaza na bhala ikumi na bheri. ¹⁸ Mari bheikesi hena meza bhela kijo Yesu akaghamba, ''Kididi nim'bhura, hena m'mwezu wenyu tuoho tula naye kijo aha kake enenisaliti. ¹⁹ ''Bhose bhakagurwa ni lubhabho na kila m'mwe akaghamba, "Amba ni mi?'' ²⁰ Yesu akabhabhura, Ni m'mwe wa bhala ikumi na bheri, eye tuoho tula naye kitangu kimwezu. ²¹ Amu mwana wake Izubha etonga bhula bhundu kitamo chetamiwe wanga yake. Kake ichi ni chake mndu ula emsaliti mwana wake Izubha! Ne keba hakwe mndu uo esebhoneke.'' ²² Mari bhekila ,Yesu euhie mkate akaubariki, akaubegha na akabhaghabhia ekighamba, ''Uheni uu ni mwiri wangu." ²³ Akauha kikombe akaghamba haika, akabhainga bhakanywa bhose. ²⁴ Akabhabhura, ''Ii ni sakame yangu ya aghanyo, sakame ila iitike wanga ya bhengi. ²⁵ Kididi nibhabhura iti nisikanywe wa kufuma hena iduda la mzabibu.'' ²⁶ Bhekimebhine bhakafuma na kutonga hene Ndubhi ya Mizeituni. ²⁷ Yesu akabhabhura, ''Unywi bhose munetana wanga yangu, amu itamiwe, ''Ninem'bigha mrisha na magonji menezarika.'' ²⁸ Kake nikafufuka ninebharongoria kutonga Galilaya. ²⁹ Petero akam'bhura , ''Hata bhandu bhose bhakakusua, mi hai.'' ³⁰ Yesu akaghamba,"Kididi nikubhura, kio ichi cha yoo, kabla ngurubhi kudengereka kandu keri, unenikana kandu katatu. ³¹ Kake Petero akaghamba, ''Hata hakicha ni kusobheka hamwe nawe, nisikakusue.'' Bhose bhakatemia hubho. ³² Bhakatonga mhaka handu heitangwa Gethisemane, na Yesu akabhabhura bhaloshwa bhake, "Ikasini aha mari nitasa." ³³ Akabhaonja Petero, Yakobo na Johana, akabhoka kufadhaika na kupata bhwasi mno. ³⁴ Akabhabhura, ''Ngoro yangu ina lubhabho mno, bhundu bhwa kusobheka. Ikaeni aha muyoe." ³⁵ Yesu esongere kadori, akagwa sii, akatasa, kaija ikiidimika, igheri ili likim'bhetia. ³⁶ Eghambie, "Apa, Papa, bhindu bhose hako bhiidimika. Bhusha kikombe ichi hangu. Kake esibhundu nikundie mi, kake ni we." ³⁷ Ekinahunduke ebhakichije bheshinjie, akam'bhujanya Petero, "Simion, uteshinjie? Musiidime kuikaa meso isaa imwe? ³⁸ Abhijeni na mtase esa msirebhone maghesho. Ngoro kididi ikundie kake mwiri ni mnana." ³⁹ Akatonga kangi akaretasa, akareteta bhiteto bhilabhila. ⁴⁰ Ekinahunduke ebhakichije bheshinjie, meso mabho meokie maemea na bheseokie na kindu cha kumbhura. ⁴¹ Ehunduke ka katatu na akabhabhura, "Mureshinjie na kukusoghosha? Haringania! Igheri laza. Yoeni! Mwana wake Mzuri ekundie kusalitiwa hena maghanza ma bhang'oki. ⁴² Bhukikeni, tutongeni. Yoeni, ula enisaliti eho hafui." ⁴³ Ekinaoke hena kuteta , Yuda, m'mwezu wabhala ikumi na bheeri hamwe na mbotu ya bhandu bhetikie mihandi na ng'udi, kufuma ha bharisha bhabaha na bhatami na bhaghosi. ⁴⁴ Ula emgharuke ebhabhonyie mwaji, iti ''ula eye ninemsona isaa, niye mgureni na mumtike mboha. ⁴⁵ Yuda ekimefike, tiki akamwatera Yesu, na ekaghamba, ''Mlosha!'' Akamsona isaa. ⁴⁶ Bhekaronga maghaza mabho, bhekamgura. ⁴⁷ Kake mmwezu wabho eimuke mbai ekasoromoa muhandi akam'bigha iruo wa m'risha m'baha,ekamchua isikio. ⁴⁸ Yesu ekabhabhura, ''mwanizia na mihandi na ng'udi saa muza kugura muhibhi?'' ⁴⁹ Kila musi niokie msongorana henyu hena nyumba ya itasi nikilosha,m'sinigurie. Kake yaoka hubhu esa kitamo kiringanie. ⁵⁰ Bhala bheokie na Yesu bhekamshigha bhekamatuka. ⁵¹ M'bwange m'mwezu emuatere,edokie ileleta elo ekulingie nalo; bhekamyemia bhekundie kumgura kake ⁵² ekashigha ileleta ekadindika tuhu. ⁵³ Bhekamtika Yesu ha bharisha bhabaha. bhekamjunguluka hamwe bharisha bhabaha bhose bhaghosi na bhatami. ⁵⁴ Petro ekamuatera hena hae, mtano shighati ya nyumba ya mrisha m'baha. ekaikasi ghati ya bharinji, bhekiota moto ⁵⁵ Bhabaha bha bharisha hamwe na itanga lose, bhekaenda bhushughuda wanga yakwe Yesu hesa bhaidime kumkoma. Kake bhesipatie. ⁵⁶ Amu bheengi bhemchunganyie maungo, kake bhushughuda bhwabho bhusiringane. ⁵⁷ Bhengi bhekaimuka bhekamchunganyia maungo; bhekaghamba, ⁵⁸ ''Tumsiklie ekighamba, nineibaa nyumba ya itasi iarehwe na maghaza, nakuimusha hena misi mitatu.' '' ⁵⁹ kake bhushuighuda bhwabho bhusiringane. ⁶⁰ Mrisha m'baha ekaimuka ghati yabho akam'bhujanya Yesu, ''Usina italuo? Iki nikini abha bhandu bheoho bhekuchunganyia?'' ⁶¹ Kake ehujie na esitalue kindu. Keeri wa mrisha m'baha akam'bhujanya ekaghamba, ''We niwe Kristo, mwana wa Etasiwe?'' ⁶² Yesu akaghamba,'' Nimi. Na mnem'bhona mwana wa mundu igheri eneikaisi ighaza la kuume la kifumwa na kuza namajumbi ma wanga,'' ⁶³ Mrisha m'baha akabaja suke jakwe akaghamba, ''Turekundie bhakara? ⁶⁴ Mwasikia kuotiki kwake. Mwabhonaze nywi ?'' Na bhose bhekachwa iti einare kifwa. ⁶⁵ Bhengi bhakabhoka kumtufia mate na kumshita bhusho na kumdabha na kum'bhura, ''Rota!'' Bharinji bhekamtika bhakam'bighja. ⁶⁶ Nae Petro eokie uko si Behewani akaza m'mwezu wa bhaho bhahiri ndima bha nrisha m'baha. ⁶⁷ Akambhona Petro ekiota mot, akamduduia meso, akagabha, "nawe wereokie hamwezu na Yesu Mnazareti." ⁶⁸ Kake akasua, akagabha, "nisimaije keri nisisikie kila echo woho uteta." Akafuma shigati lukumbini. "Nguru bhi ikaiya." ⁶⁹ Ula mhiri ndima akam'bhona na kughamba akabhabura bhala bheimke hala, 'uu nim'mwezu wabho!' ⁷⁰ Akasua wa. Enahadori wa bhala ebho bheimuke bhakambhura Petro, "kididi ummwezu wabho, am we u Mgalilaya." ⁷¹ Akabhoka kukurara na kusesa, "nisim'maije mndu uo mwoho mteta wanga yakwe.'' ⁷² Ngurubhi ikaiya ndekero ya keeri. Petro akakumbuka kila kiteto echo Yesu em'bhurie: ''Itingurubhi isimeia keeri, unenisua kandu katatu.'' Ekimegheshijie akaia.