² "Bhaghosi na bham'ndwetu, nisikijeni nibhatindie mburi yangu." ¹ Mbotu imemsikie Paulo eteta kiebrania, bhaka huja chwi. Akaghamba, ³ "Mi ni Mweburani, nibhoneke Taso hena kighongo cha Kilikia, kake nikeriwe ena isanga ili, hena maghu makwe Gamaleli, nikaloshwa sharia ja bhakaka bhetu hena bhundeni nikaoka m'ndu wa lunyariki hakwe Izubha sa unywi yoo. ⁴ Nibhatekuiye bheingi hena zia ii m'tano kubhakoma, nikagura bhome na bhache nikabhagera jela. ⁵ sabhundu Kuhani m'baha na bhaghosi bha njama bheohobheteta wanga yangu ebho niuhie ilalu litamiwe kufuma habho nitikie bham'ndwetu bhala, nikatonga Damesiki, nesa nibhaete bhala bheokie Yerusalemu,bherechungiwe nesa bhadabhwe. ⁶ Ikaoka magheri nikizoka nioho hafuhi na Damesiki, hem'si kiangaji kibaha kikafuma wanga kikanikubukia mbai josejose. ⁷ Nikangwa nikasikia ngori inibhura, 'Sauli, Sauli nize uohouniinyala?' ⁸ Nikatalua, uwani we,M'zuri?' Akanitalua,'Nimi Yesu wa Nazareti, eye uoho unireghijisha,' ⁹ Bhala bheokie nami bhebhonie icho kiangaji, kake bhesisikie ila ghori itetie nami. ¹⁰ Nikaghamba, 'niketeze M'zuri?' Mzuri akanibhura,'Pehuka utonge m'tano Damesiki; Aho unetindiwa kila kindu uinare kuhira. ¹¹ 'nisikiidima kubhona wanga ya kiangaji kibaha, Hena hubho niteguriwe m'kono m'tano Damesiki ni bhala bhandu neokie nabho. ¹² Aho nikam'kicha m'ndume mmwezu eitangwa Anania. M'ndu wa kukungolia kuringana na sharia na eokie etetwa nezo ni Bhayahudi ebho bhekinaikaa uko. ¹³ ezie hangu, Akaimuka mbai yangu, akaghamba, 'M'ndwetu Sauli, bhona wa.' Tereke iyoiyo nikam'bhona nikabhona. ¹⁴ Na akaghamba, Izubha wa bhaku bhetu abhasabhura unywi kutwarija lukundo lwake. Kubhona ula eimuke na Mwana wakwe, nakusikia ngori ifuma na momo wakwe. ¹⁵ Amu muneoka bhandu bha kuteta wanga yake bhila mwabhona na kusiki. ¹⁶ Naiki ni kini muindie? Bhukeni, mrebatizwa, na muojwe ng'oki jenyu, eheitanga hena izina lakwe. ¹⁷ Magheri nihunduke Jerusalemu, igheri nereokie nikitasa ena ihekalu, ifumie iti niingiwe ndoto. ¹⁸ Nim'bhonie enibhura,'Ungwangu na ufume Jerusalemu ,amu bhesikauhie bhiteto bhiako wanga yangu.' ¹⁹ Nikaghamba, M'zuri, bho bhemaije bhobhenye iti nikinabhabigha na kubhachunga bhala bhemuitikijie nakila isinagogi. ²⁰ Magheri dumu yakwe Sitefano iitike wemushuhuda, mi neimuke na kuitikijia, naneoho nikirinda suke ja bharemkoma.' ²¹ Kake ekanibhura, 'Fuma, amu ninekutuma utonge Galilaya. ²² Bhandu bhemuingie ngalo atete bhemefike aha. Kake bhebighie kilozo na kughamba," Ikaeni hae na mndu sa uo ena isanga: amu esiinare iti aoke moo." ²³ magheri bhekibigha kilozo, bhebhirita suke jabho,na purughushe wanga, ²⁴ m'rongori wa kikosi akam'chindia Paulo aetwe na iwang'i. Akaghamba iti abhujanywe maswali, nesa ye mwenye atwarije iti ni kini bhandu bhekibigha kilozo wanga yakwe. ²⁵ Hata bhemekenje kum'chunga na zighi, Paulo akam'bhura ula m'rongori eokie hafuhi naye," Nichedi kumuhukumu kuchapwa m'ndu eye ni M'rumi esina itekwa?" ²⁶ M'rongori emesikie hubho akatonga na m'rongori wa kikosi, akam'bhura," Uoho hafuhi kuhira kini? Amuj uu ni M'rumi" ²⁷ Mrongori wa kikosi akaza akambhura, "Nibhura, we um'ndu wa Roma?" Paulo akatalua,"Ee" ²⁸ M'rongori wa kikosi akatalua,"Nehena kibala kieza pada eho niokie muisanga ." ²⁹ Aho bhala bhome bheokie bhekitonga kum'bhujanya maswali bhakalama ahoaho. M'rongori wa kikosi naye akaituka, emekuloshe iti Paulo ne M'rumi, amu eokie am'chunga. ³⁰ M'si uraterie,m'rongori wa kikosi ekundie kutwarija wanga ya Bhayahudi' kilinganya wanga yakwe Paulo. Akam'chungua na akaitangija Kuhani makuhani na njama bhatorane. Ade akamwete Paulo akam'bhika ghati yabho.