¹ Tukimeaghana nabho, tukakwea ngalawa, tutongie mtana isanga la Kosi, msi wa keri tukatouga isauga la Rode na kufuma aho tukatonga isauga la Patara. ² Uko tubhonie ngalawa ioho itonga Kupro, turongore na tukatouga. ³ Tukimefike handu tuidima kubhoa Kupro, tuishighie kumoso, tukatonga mbai ya Siria, tukaimuka hena isauga la amu ni aho ngalawa yetu yeokie ingole miagho yetikie. ⁴ Tukimebha bhalosha, tuikee hala misi migungate. Abha bhalosha bhenibhurie Paulo Kubhetia ha ngoro iti asireingiga i bhato Yerusalemu. ⁵ Tukimekenje ila misi, tufunie na tukagurana na charo chetu, bho, bhose, hamwe na bhache bhab ho, bhana bhabho bhetifunyie mtauo shigati ya isauga. ⁶ Aho tukadung'uta hena kijebhu cha ipe, tukatasa, na tukaaghana. ⁷ Tukakwea nagalawa nabho bghaka huuduka habho. Tukimekenje charo chetu kufuma tiro, tufikie Tolemaisi. Aho tubhakezie bhamindwetu bha kigoro tukaikaa nabho puti. ⁸ Msi wa keeri tufumie tukatonga Kaisarea. Tuingie hena kaa yake Filipi, mchili wakiteto cha Izubha, eye esabhurwe kufuma hena bhala bhafuugate, na tuikee naye. ⁹ Uu m'ndu eena masiri mafungate emo metwarije kurota. ¹⁰ Tumeikee hala hena misi, hezie kufuuia Yudea mroti m'mwe eitangusa Aga bo. ¹¹ Etuatere akaonja mkumbu wake Paulo, Ekimeuonje ekuchuugie maghu na maghaza eghamba, "Ngoro Msheneto, eho eghamba hubhu, "Bhayahudi kula Yerusalem bhenemchunga m'ndu eye uu Mkumbu ni wake, na bhenemwingiga hena bhandu bha Masanga." ¹² Tukimesikie ibhi bhindu, swi na bhala bhandu bhengi bheokie aho tgumsembie Paulo asitonge Yerusalemu. ¹³ Kake Paulo etalue, "Muoho muhira kini, mkundie kunibaa ngoro na masoji? Nakuomboghanya, esite hena kuchungwa kake kufuiya kula Yerusalemu hena izina lake Mzuri Yeso." ¹⁴ Echo Paulo esekundi kusingirijwa, tuhujie chwi tukaghamba, "Kila echo ekundie Mzuri kihirike." ¹⁵ Misi imebhetie, tuchunganye miagho yetu tukatonga mtano Yerusalemu. ¹⁶ Aho tutongie na bhalosha bhatare kufuma Kaisarea. Bhezie na m'ndu eitangwa Mnasoni, efumie Kupro, mlosha wa too, eye tuneikaa naye. ¹⁷ Tukimefike Yerusalemu, bham'n'dwetu bha kingoro bhetuuhie nezo pada. ¹⁸ Msi wa keeri tutongie na Paulo hake Yakobo, na bhaghosi bhose bheokie aho. ¹⁹ Tukimebhakezie, Paulo etindie mwaji bhindu bhila Izubha ahira ghati ya Bhaisauga kubhetia hena kila kiteto weoho ebhaiuga. ²⁰ Bhekimesikie, bhemwisie Izubha, bhekambhura, "Ubhona, m'ndwetu, ni maelfu amo maitikija hena Mafarisayo Bhose bhakungolia kwigura sharia. ²¹ Bhabhurwa wanga yako, iti unalosha Mafarisaya bhose bhala bhenaikaa ghati ya Bhaisanga bhamshighe Musa, na uoho ubhabhura bhasitabhane bhana bhabho na bhasiatere mihiro ya kae. ²² Tuketazi? Bhenesikia iti waaza iki hira kila tuoho ukubhura iki; tuhete bhandu bhaane ebho bheliiye wima. ²³ Onja abha bhandu urekuzerija hamwe nabho, na urebhaihia ndima eyo yahirika, esa bhaenje jabho. ²⁴ Esa kila mmwe atwarije iti bhila bhindu bhenabhurwa wanga yenyu ni bhia maongo. Bhenekulosha iti uoho esa uirinde sharia. ²⁵ Kaka kufumana na Bhaisanga bhala bhaitikija kiteto, kutamia na takangija maaghano iti bhakungole hena kutasa ngoma, bhasinywe dumu, bhasile nyama ya nyamao inyamiwe na bhashighe bhushindi. ²⁶ Aho Paulo akabhaonja bhala bhandu, akahiri itasi la bhuzeri hamwe nabho bhekatikana hena ihekalu, bebigha lughuuda wange ya igheri na misi ya kuzerijwa, mtano masho mekingola hena kila m'mwezu wabho. ²⁷ Mari misi mifungate yeokie hafuhi kusia, Bhayahudi bhatare kufuma Ashia bhem'bhonie Paulo ndeni ya ihekahe, akabhaitalisha bhandu bheengi, bhekam'bhikia maghaza. ²⁸ Bhebighie kilozo, "Bhandu bha Israeli, tughenjeni Uu nu ula m'ndu elashie bhandu kila handu bhindu bhioho mbai ya bhandu bha aha, sharia, na aha handu. Mbai na ibho aete Bhagiriki ndeni ya ihekala na anyhamara aha handu hazeri. ²⁹ Amu kubhoka bhembhonie Trofimo wa kufumia Efeso hamwe na naye uko hena isauga. Bheashie iti Paulo atemuete ndeni ya ihekalu. ³⁰ Isanga lose leonikie na ngondo, bhandu kufuma kila handu bhematuka bhakamgura Paulo. ³¹ Bhekam bulula bhekamfunya shigati ya ihekalu na tereke iyo malughwi ma ihekalu mekafingwa. ³² Mari bhekundie kumkama, mburi imfikie m'baha mrongori wa kurinda iti Yerusalem yose yeokie na ngondo. ³³ Aho aho ebhaonjie bharebighaua ngondo na m'baha wa bharebighana hena ngoudo bhekaimatukia its mbotu. Iki m'baha wa bharebighana esongeria akamgura. ³⁴ Paulo, akaazerija achungwe luse mbiiri Akabhujanya iti ni m'ndu ani ula na ahira kiki'. Bengi hena mbotu bheokie bheloza bhengi hubhu na bhengi bluila. ³⁵ Kufumana na iyo ngondo m'baha esiikidima kufeta kindu, eazerije Paulo atikwe hena ijumba lakwe. Ekimefike hena ngazi, bharinji bhembhekie wauya ya icho kilozo. ³⁶ Amu mbotu ya bhandu imwatere ibigha kilozo, "Mkomieni hae!" ³⁷ Paulo emeoke hafuhi kuingijwa hena ijumba, em'bhurie ula m'baha wa bharebighana ngoudo, "Nasemba nikubhure kindu"? Ula m' baha akaghamba "Utwarije Kigiriki?" ³⁸ Amba we ni ula M'misri, eye mazana erongorie ngond na Kurongoria bharinga elfu nne mtano hena ishighati. ³⁹ Paulo akatalua, "Mi ni Myahuydi, Taso kula kilikia. Mi nibhonekie hena isauga litwarijike. Nakusemba, niinge nitete na bhandu." ⁴⁰ Mari ula m'baha wa ngondo emuitikije, Paulo emuke wanga ya ngazi akabharongia bhala bhandu maghzaza. Bhala bhandu bhekimehuje, e bhokie kuteta nabho Kiebrania."