¹ Igheri la Pentekoste likinafike, bheokie hamwe. ² Turu na turu hakaza mrurumo sa wa ngungu mbaha kufuma wanga,ukaizuja iyanda lose handu bheikesi. ³ Hekaketa sese saja moto jighabhike, jikaikaiya kila mmwe. ⁴ Bhose bhekaseiwa ni Ngoro Msheneto bhekabhoka kuteta hena mbare jingi, sabhundu Ngoro Msheneto ebharongorie. ⁵ Uko Yerusalemu,bhetuwe bhayahudi bhandu bhemuituke mzuri,sii ya ijumbi. Nabhengi kufuma kila isanga. ⁶ Metae ila ngori imesikike bhaisanga bhekatorana bhakaitalwa amu kila mmwe esikie lumi lwa mbare yakwe. ⁷ Bheitalwe na kuisiring'ang'a; bhekaghamba,''Adohio, abha bhose bheteta kari ni bhagalilaya? ⁸ Yaokaze tuoho tubhasikia, kila mmwe hena lumi lwa mbare yakwe ebhoneke nayo? ⁹ Bhaparthi, Bhamedi, Bhaelamiti nabhareika Mesopotamia,uko Yudea na Kapadokia, Ponto na Asia ¹⁰ uko Frigia na Pamfilia, uko Misiri na mbai ya Libia hafuhi na Kirene na bhagheni kufuma Rumi, ¹¹ Bhayahudi na Bhaongofu, bhakrete na bhaarabu, tubhasikia bheteta mbare jetu maitalisho makwe Mzuri.'' ¹² Bheitalwe na kurunganyikiwa; bhakabhujanyana, maana yakwe nikini? ¹³ ''kake bhengi bhakadaisha na kughamba, ''Abha ni bhaengeji.'' ¹⁴ Petro ekaimuka na bhala ikumi na mmwe,ekakweja ngori, akabhabhura, unywi bhandu bha Judea na bhose bhaala muikaa Yerusalemu, shigheni kitwarijike henyu; sikijeni bhiteto bhyangu. ¹⁵ Msibhone iti bhandu abha ni bhaengeji,amu iki niigheri lasaa ndatu jaheabho. ¹⁶ Kake iki nicho kiteto kitetiwe ni mroti Yoeli: Izubha akaghamba, ¹⁷ 'ineoka igheri la tiricho,'nineitishia bhandu bhangu ngoro msheneto. Bhabwange na bhabora bhenyu bhenerota,na bhome bhenyu bhenebhona mabhono, na bhaghosi bhenyu bheneota ndoto. ¹⁸ Na igheri ilo ninebhasejia bhahiri ndima bhangu bhome na bhache Ngoro mshenete, nabho bhenerota. ¹⁹ Nami nine bhabhonya maitalisaho uko wanga na mabhono aha sii,sakame,moto naijumbi la moshi. ²⁰ Kabla kuza ulamsi m'baha wakwe Apa, nzano inegharuka kija na mweji kuoka sakame. ²¹ Ineoka kila eye enitanga izina lakwe Apa Mzuri enebhona lukio.' ²² Bhome bha isiraeli, sikijeni ichi kiteto: Yesu mnazareti,eye Izubha emfunyirije henyu na bhindu bhya nguma na maitalisho mabaha namabhono Izubha ehirie kubhetia hakwe ghati yenyu,sabhundu nywi bhenye mtwarije_ ²³ amu mibharirie na mikundire yakwe Mzuri, eetiwe henyu,na inywi, hena maghaza mabharing'a, mkamkoma; ²⁴ eye Izubha em'bhushie kufuma ha mbira, akalela mabhine makifwa, amu chesebhe kifwa kimgure. ²⁵ Amu Daudi etetie wanga yakwe, 'nim'bhonie Mzuri msongorana hangu magheri mose, amu eho mbai ya mkono wangu wakuume, nisishughudike. ²⁶ Metae ngoro yangu ikaizirihiwa na lumi lwangu lukamwisisa. Namwiri wangu uketa ng'iria. ²⁷ Amu usikaishighe ngoro yangu hena bhwasi,na usikam'ngole mkundwa wako abhone kushiniwa. ²⁸ Wanibhonya zia ya lukio; na bhusho bhwako bhuneniizihija; ²⁹ Bhome bham'nduetu,niohoniteta na ng'iria wanga ya mfumwa Daudi: iti efuie na akajikwa , na mbira yakwe iyoho hetu mtano iki. ³⁰ Metae,eokie mroti na emaije iti Izubha elie m'ma naye, iti hena mkuju wakwe henefumiria m'mwe eneikaiya kichumbi chake cha kifumwa. ³¹ Ebhonie hubho na kuranga mburi ya kristo kulela kifwa, ngoro yakwe isikabaki na bhwasi na mwiri wakwe usikashine.' ³² Izubha em'bhushije na kifwa, na uswii tubhakara. ³³ Metae ekinapehuwe mtano kuume kwake Apa Mzuri na akauhia kiaze hakwe Apa, ashighiria, kila mwoho m'bhona na kusikia. ³⁴ Amu Daudi esikweie wanga, kake eghambie, ' Apa em'bhurie Apa wangu, ''ikaa lubhajo lwangu lwa kuume, ³⁵ mtano msi ninebhika bhakeleki bhako maghuni hako.'' ³⁶ hena hubho, shigha iyo kaa ya bhaisraeli bhatwarije iti Izubha amketa uo YESU mumkomie kuoka mzuri na kristo ³⁷ Bhekinasikie hubho,bheshotike ngoro, na bhekambhujanya PETRO na bhala bhandumi bhengi, ''bhamnduetu, iki tuketeze?'' ³⁸ PETRO akabhabhura, ''gharukeni na m'batizwe hena izina lakwe YESU MASIHA muojwe ng'oki jenyu na zinya ja Ngoro mshenete jinebhaziia. ³⁹ Amu kiaze niwanga yenyu na bhana bhenyu na bhose bhala bheoho hae, na bhose MZURI enebhaitanga bhamziie. ⁴⁰ Hena bhiteto bhingi ebhatindie kubhaaghanya; akaghamba,'' Ikaeni hae na kibajiko ichi kiring'a.'' ⁴¹ Bhose bhekauhia kiteto chakwena bhekabatizwa.Na uomsi bhekaongejika bhandu bhiku bhitatu. ⁴² Bhekaimukia hena malosha mabhandumi na bhumwe hamwe nakubegha kijo na kutasa. ⁴³ Kila mundu ekaingiwa ni fole; maitalisho na mihiro miingi ihirke kubhetia ha bhandumi. ⁴⁴ Bhose bhala bhemwing'idaki MZURI bheokie hamwe nakuoka nabhumwe hena kila kindu, ⁴⁵ na bhetaghije bhindu na kughabhiana kuringana na bhwasi bhwa kila mmwe. ⁴⁶ Namisi yose hena ngoro mmwe bheokie hena ianda la itasi,na kubegha mkate ianda kwa ianda nakula kijo hamwe hena ngoro jizerie; ⁴⁷ bhemuisise MZURI na kuizihija bhandu bhose.Bhala bhepatie lukio lwakwe MZURI bheongejike msi hena msi.