¹ Hokie na mundu hena isanga la Kaisaria, Izina lake Kornelio m'baha wa ma long'oni kiitangwa kiitalia mundu ezerie emkundie Izuwa ye na kaa yake, ² Engolie masho akiinga Bhayahudi hamwe na kumtasa Mzuri misi yose. ³ Akabhona mwaji hena ndoto saa kenda hemsi' malaika wakwe mzuri akamwitanga. ⁴ Kornelio akayoa akaisiring anga, akanghamba, ni kini mzuri? Aka 'mbhura, tona jako ha bhakibha itasi lako jafika wanga nakuoka barno msongorana na Izuwa. ⁵ Huwo tika wandu yafa hakwe Simion eitagwa Petro. ⁶ Etue hakwe Simion mhiri ndima ndima ya ngigo kaa yake yoho hafuhi na mfuro mumuete.'' ⁷ Mati malaika ekimmefume. Kornelio akaitanga bhahiri ndima bhake, na bha long oni emtwarije Mzuri. ⁸ Akabhatindia bhose akabhazerija bhatonge Yafa. ⁹ Msi wa keri bhekioka hena charo saa ya katandatu, hafuhi na kighongo Petro akakwea wanga msuduni kutasa. ¹⁰ Akagurwa ni zaa akakunda kindu cha kula, zaa ika mbhabhia pada akakunda cha kula mati bhekirugha kijo, ngoro ikasokea akabhona ndoto, ¹¹ majumbi makachunguka akabhona. ¹² Kindu chasea, sa kiwunge kina mbembe nne kioho sa nyamao ina maghu mane kiarufa saa ideghe la wanga. ¹³ Ngori ikamsea ikanghamba: "Petro, bhuka ukome ule. ¹⁴ Petro akatalua, ''Haiye Mzuri nisimele kindu kina ikwe.'' ¹⁵ Ngori ikamzia kandu keri : Izubha akambhura ''Izubha azerija hesina ikwe''. ¹⁶ Ikaza kandu katatu, kiwunge kikahunduka wanga. ¹⁷ Mati Petro eeho eitalwa ila ndoto imanisha kini, bhala bhandumi bhake Kornelio bheokie bhaimuka mbengeni. ¹⁸ Bhe kibhunjanya Petro eohio. ¹⁹ Mati Petro ereho ekubhujanya bhunduila ndoto eoho enghamba, Ngoro akambhonya, "Bhandu bhatatu bheoho bhekuenda. ²⁰ Tonga nabho, akatalua nimi msiituke nimi nabhatuma." ²¹ Petro akabhabhura, "Abho bhandu "Ni mi muoho munienda. Nize mwaza?" ²² Bhakaghamba, "Twa azerijwa ni Kornelio ni mundu wa kididi ezerie emkundie Mzuri etetwa nezo ni isanga la Bhayahudi atindiwa ni malaika msheneto wa Mzuri tuze hako tunepata kufuma hako.'' ²³ Petro akabhabhura bhaikae naye. Msi wa keri Petro akafuma akatonga hamwe nabho na bhandu watare wala wetue Yafa. ²⁵ Mati Petro ekiingia Kornelio akafuma kumzana akamguia akamwinga nganyi. ²⁶ Petro akamtindia, "Bhuka, mwuka mi ni mdu sa whee." ²⁷ Petro ereho elebha naye, akatonga akabhona mbotu ya bhandu bhebhunganane hamwe. ²⁸ Akabhabhura, ''Mmaije esi chedi mndu myahudi kuimuka na kumtongia mundu wa isanga lingiwa. ²⁹ Kake Izubha anianghanya nisimwitange mundu ena ekwe naitangwa. Nisisue nabhujanya ni kini naitangiwa.'' ³⁰ Kornelio akaghamba, ''Misi mine ja bhetia mati ma saa kenda, neokie nikitasa kaa hangu, nikabhona mndu akaimuka msongorana nami edokie suke jinzerie. ³¹ Akanibhura 'Kornelio kutasa kwako kwasikijwa masho mako mafika msongorana na Izubha' ³² Azerija bhandu Yafa bha mwitange Simion eitagwa Petro etue kaa hakwe Simion mhiri ndima ya ngingo etue kibhambara cha ipe.' ³³ Akaza ekutindia bhose nicho nikabhazerija bha ndumi nicho tuwaha msongorana nawe na Mzuri ututindie bhundu wazerijwa ni Izubha." ³⁴ Petro akatambarua momo akanghamba, "Kididi, Izubha esina ngundia. ³⁵ Kake kila isanga mndu kutasa na ezrie ehira bhindu bhedi ekudwa. ³⁶ Mwa bhonaze ndumi ila bhetikiwe bhaisraeli, bhekichila mburi jedi ja lubhoro lwakwe Yesu Kristo, niye Mzuri wetu kindu ³⁷ Iki mkitwarije kibhokie Galilaya hena ubatizo wake Yohana utetiwe. ³⁸ Mihiro yakwe Yesu wa Nazareti bhundu etamiwe mafuta ma Ngoro Msheneneto hena nzinya. Jake akatonga ekihira bhindu bhedi na kukija bhose bhose bhala bhebhinyiwe ni mkeleki Izuwa eeoho nabho. ³⁹ Unyi m'mashahidi bha ibhi bhindu ehirie kubhokia Yudea mtano yerusalem iti Yesu ekomiwe, akabhanikwa hena mti. ⁴⁰ Na msi wa katatu akakuruka na bhufye na ik atwarijika, ⁴¹ Esi kila mndu, kake niha bhakara bhala ebhasanghure bhena manghaza makwe ehusi tulie na kunywa hamwe naye eye kuruka hena bhefuiye. ⁴² Etuazerije kuchilia bhandu bhiteto na kushuhudia eye esanghurwe ni Izubha esa aoke mchwa mburi bhandu bheoho na bhefuiye. ⁴³ Esa kuoka na bhukara wa bharoti, kila mndu amuing' idakie bhena kushinghiwa ng' oki jetu hena izina lakwe. ⁴⁴ Mati Petro ereho eteta hena Ngoro Msheneneto akabhaseiya bhose bheokie bhikisikija ila mburi. ⁴⁵ Bhandu bhose bhala bhetabhanwe ifiyo la bhaluing' idaki bhala bhezie hakwe Petro bheitalwe, ila tona ya ngoro msheneneto iseiye bhandu Na bhala esi Bhayahudi. ⁴⁶ Bhekimesia bhandu bheteta mbare ingiwa bhakamuisisa Mzuri. Petro akatalua ⁴⁷ "Ni uhi ene ete mbombe bhandu bhasibatizwe bhaseiwe ni ngoro mshenenete sa uswi?" ⁴⁸ Bhazerije bhabatizwe bhena izina lakwe Yesu Kristo akabhura bhaikae misi mitare.