¹ Gara malaikah mini Waaka tah Efesoh baresiih: 'Huntu d'ubii anamah urji t'oibi hariki midat'i kau. Kah taah t'oibi kah kaluh kesi idemu wani yed'u, ² "Himbekah huni atih midasitu amile hasharinkele amileh omsahnte, sunifi degi hant'u midasit'u huli hinkawatanu,amileh hamali ilatane degi ergatu ufini yet'u,amoh isahnim, isahle ha falki isani derigane. ³ Himbekah omsih kahta, amileh wanguta kesi bate makakiyafi, amile hinkafane. ⁴ Amoh ta anikau sira tana-hafedi dursah lakite. ⁵ Sunifi kawad'i bete atih lafi d'ocheni. Ufigabadi amileh t'ochi dursah midasih. Woti ufingabane, dufe taah kaluh sih arafuda. ⁶ Amoh duubi tani kada, hajibite t'ochi Wanikolai,akumu aleni jibbe. ⁷ Wati guri kawatu, chakasi huni haratini mini Waaka tini yet'u. Naam dasat'u dendecha itikana tah mki fayaa kau nyaatu, kah paradisoh Waaka kesi jiru. ⁸ Gara malaika mini Waaka tah smirnah baresiih:'Dubintu tah naam dursahfi kah muumeh ati-kah malsu duue amileh kasake: ⁹ "Himbeka hasharinke dewe d'ewinte(amoh ati halaka), amileh arawih degi Wayahudih ufini yetu (amoh isanimu-sinagogih ekera tih). ¹⁰ Hinsodatini hunisiti dufatiajirtu.Ilah! Ekeran kasa isani hidansi feeti amileh maliisanlati, isalen guyah kudeni hasharitani. Ambdi horadi sunumah dui, aleh goomfah fayah isanti kanna. ¹¹ Wati guri kawatu , chakasi wah hari tini mini Waaka tih yetu. Kadasatu lubu lamesah isiihidakadu. ¹² Gara malaikah mini Waaka tah pergamoh baresiih: 'Dubintu tah anamah faacho afilamih kau: ¹³ "Himbeka bete atih techu-barichumu Ekera tih.Amileh hamaka kinki kawate jewesite, amileh abdi temte hilakine, amileh guyah Antipah kah kawih kiyah, kah abdi tinti horadu, kah isann kesiti ijesanu, berensu bere Ekera techu. Amoh hunidikiyo sira kawa: Degi barisiisi Balaamuh kawatuti gira, kah Balakih barisiise ajoleh Isiraelih d'ikachi fuulu durkae suni ngufatanu,seegele talaga kulbasanu nyatani amileh dayumani. ¹⁵ Akumsule, tege barisiise Wanikolaih kawatuti girah. ¹⁶ Sunifi ufigabih,wati ufingabine, ankafah sitidufa, aleni dufe faacho afaani kiyati lola. ¹⁷ Wati guri kawatu, chakasih huni hara tini mini Waaka tini yetu. Kah dasatu, aleni segele samadia dumte tadokisah itikana, ale d'akachi adii makah haresi arati baresanu suni itikana, makah inama diwi himbenye amoh kah isidakau. ¹⁸ Gara malaikah mini Waaka tah Thiatirah baresiih: 'Dubintu tah gara gurbah Waaka'ti dute, kah ilitisah akumu abida bebechu amileh faantisah akumu maldeh guwane. ¹⁹ Himbeka huniati midesitu-fediafi abdinte amileh hojiafi obsah nte, huni ati danda midasitu tah dursah arijiriti. ²⁰ Amileh tahni siarakawa: Ha omsite nad'iti Yezebeliah tah rhaagah yete ufiwantu. Tah barisiisi ishiatini anamanki sode dayumafi huni talagi gulbasanu nyatane. ²¹ Wogah it'ikane tah ishini ufigabituni,amoh ishini ufihingabine dayumu ishiyaatifu. ²² Ilalih! D'uku itih jisah, ishiatifu degi ishini hulini dayumani huli hashari guduyo, gidimumsahn ufingabini huni ishintate. ²³ Aleni ajoleh ishia daane ijejesah,amileh suni mini Waaka anibarata ana oniisani beku.Aleeni anaama tutuma itikana akihojisa jirtu. ²⁴ Amoh gari kesahn isankah Thiatiarah, gari degi barisiisih tah hikawani, amileh himbechanu huni guda Ekerah -tah ani isani yedu,' aleni miih hulfatu isani arihinkayu.' ²⁵ Akitutuma, kawada jefada sumani anidufu. ²⁶ Naam huntah dabsatu huniani midasu inileh midaseh muumehnge, aleni jaweni dejoh tutuma itikana. ²⁷ 'Inileh kuta sibilatini hahimu, akumu okotea gagari chachasih, ²⁸ akumu ani gari aabat'i ²⁹ dakau,anileni urji dirama itikana. Wati guri kawatu, chakasi huni harat'ini mini Waaka'tini yetu.