¹ Gara malaikah mina Waak'a ah tah Sard'isih kesa jirtuh bareesa," Dubih anamah tokoh kah hara Waak'a ah toiba amaleh urjih toiba suni k'auni. "Himbeeka wunih isani mid'aasitani. Isani mak'ah k'abdani aka isani jireena k'abdanu amoh hah duduutana. ² Kasah kei amaleh jaweesa wunih hapte, amoh hah duh jala geeche, malyenani takah tochih teesani hind'egereh tah ila Waak'a ah dura geeche. ³ K'aawad'ah, akuma suuleh wunih isani d'ak'abdaneh amaleh d'egeechanu. Hiila amaleh ufa gaaba. Woh atini kasah hink'aane, ana aka hatuah d'ufa, amaleh isani himbeechanu saa ana isaanti d'ufu. ⁴ Amoh mak'ah anamah dik'oh ti jira Sard'isih kesa, kah wayah isaanih t'urih himid'aasine. Isaani anaani wiliini yaani, wayah adih kaayad'ah, malyenani isaantih malte. ⁵ Anamah wunih tana dabsatuh wayah adih kaayata, amaleh ana mak'ah isah kasah himbaasuh kitaawah jireena, amaleh ana mak'ah isah dubad'ah Abah kinkih dura, amaleh malaikah isah dura. ⁶ Woh atih gura k'abdu ch'akasa wunih hara tini dubatu mina Waak'a ah gula." ⁷ Gara malaikah mina Waak'a ah tah Filadefiah kesa jirtu bareesa,"Dubih nama tokoh kah k'uk'uloh ah amaleh d'ugaa, iniini ch'ufanah D'aud'ih ah harkah k'awa, iniini hind'iiga amaleh hinjiruh kah ch'ufu, iniini hinch'ufa amaleh hinjiruh kah diigu. ⁸ Himbeeka wunih isani mid'aasitani. Ilaala, ana hah ch'ufanah diigansa k'au dura sitih kaaye, suniifi hinjiruh kah dendee ch'ufu. Ana himbeeka aka isani jaweena dik'iyoh k'abdanu amoh isani dubih tintih hiiltani amaleh mak'ah kinkih hindineh. ⁹ Ilaala! Dega Sinagoogih ekerah, dega Yahuud'ih ufa yetuh amoh Yahuud'ih amu, isaani hinsosowani. Ana isaani tocha d'ufaneh miila kenkeh jala jilbiifatani, amaleh isaani d'ufaneh baratani aka ana sih fed'e. ¹⁰ Malyenani isaani hah seera kinkih jaweenani omsatani, anileni akuma suni isaani gaada saa mala ilaachih ah tah d;uniah t'uut'umah kesa d'ufu suni, tah mala isaani ilaala dega d'uniah kesa jirtu. ¹¹ Ana teemtana d'ufa. Wunih atih k'a bdu k'awih jaweesa suniini anamah tokochaleh dendee gomfah kenkeh sih arah hinfed'etini. ¹² Kah dabsatu ana d'isah hek'aaluh kiyah tocha, amaleh iniini dendee ifa kasah himbeu. Ana isa ara bareesa mak'ah Waak'a kiyah, mak'ah kaara Waak'a kiyah, Yerusaleemuh haarechih tah samah Waak'a kiyah kasah d'uptu, amaleh mak'ah kinkih hareesa. ¹³ Nama gura k'au iti lakisah wah d'egeu wunih hara tini mina Waak' a ati dubatu. ¹⁴ Gara malaikah mina Waak'a ah tah Laud'ikiah kesa jirtu bareesa, "Dubih Halaaleh ah, k'awih d'ugaa amaleh tah abdih ah, kah wunih t'uut'umah tah Waak'a ini uume ara ijetu. ¹⁵ Himbeeka wunih isani mid'aasitani, amaleh aka isani hink'abanoonye yoh hihood'ina. Ana hah fed'e silateh isani k'abanaa yoh hooj'ah! ¹⁶ Suniini, malyenani isani hihooj'itanuh yoh hik'abanoona, ana hah sih didigah jala geh afaana kinkih kasah. ¹⁷ Malyenani woh atih yetu, "Ana halak'a, mii gudah hamtuh k'awa, amaleh wih himbaribaaduh." Amoh isani himbeechanuh isani kah lalaafah, hanshaara k'au, deega k'au, balah k'au amaleh k'ulah jiru. ¹⁸ . Gumachih kinkih, ch'ak'asa, kaluh abidih ani d'ik'anu ana arah bitad'ih suniini halak'oomta, amaleh wayah adih hangatu suniini wayah teesani kaayataneh amaleh ch'eera keesani kah k'ulah hind'egersiisini, amaleh hadah ila tenteh diwe suniini dendeeche lafa d'egerta. ¹⁹ Anamah t'uut'umah kah ana fed'u himbarsiisa amaleh d'egersiisa aka isaani dendeeanih tataanu. Lukah hid'uani hujih mid'aasah amaleh ufa gaabah. ²⁰ Ilaalah, ch'ufanah madih ijed'ah amaleh d'ah. Kah k'oonk'oh tintih d'egeh amaleh ch'ufanah diigu, ana wora isah isheeneh, amaleh segeleh isah wiliini yaad'ah, inileni anaani wiliini. ²¹ Kah dabsatu ana d'ugah teesuma ana madih ah iti kana bereh barchuma dendeechah kinkih, akumah anileni dabsad'uh amaleh Abah kiyani wiliini teteenya barch'uma dendeechah ara. ²² Woh atih gura k'abdu, ch'ak'asa wunih hara isah dubatuh mina Waak'a ah gula.