¹ Dewie bineesa derge isa ka manyi kesa beu. Malsuh gaafi kudeni kawa ishafi mataah tueba. Gaafi sa ara goofa kudeniti ari ijaja, yoh mataah su arale makati jira kah waaka aramsu. ² Bineesi ani derge suni malsu aki kireesa jira. Miila sa dubuah fukata, afaa sa aki neeka jira. Bofi guduuyule jaweni itikane, Barchuma hayuah, dendeencha guduuyuh arijenuah. ³ Bineesi tokicha sa kesa malsuh mad'aa kawa mada'aa dendeeche isi ijetu. Amoh mada'aa sila isi ijetu kee fayeh. Duniah tutuuni d'amache bineesisuni hordofani. ⁴ Isale kaani bofi guduuyu suni dulatani, akiini Jaweni bineesi suti kane. Isale kaani bineesi suni dulatani oni aba aki bineesa kana jiru? Yoh oni aba dendee lolunih? ⁵ Bineesi sule affa itikanane tah ufiolfud'ah ishafi dubi arawa. Kaani dendeecha afi Jaweni itikanane adesa afurtama-lama. ⁶ Suni bineesi afaa banate waaka aramse, mak'a sa aramse, urgi ini tau, yoh degi t'ut'u gari waaka jirtu. ⁷ Bineesileh malshu itilakisane degi abdi kad'u loleni yoh isa damsatah: Amale jawena itikanane tah anama g'oosi t'ut'u, anama, afaa d'ega, ishafi degi t'ut'u kaa dejoah. ⁸ Degi t'ut'u tah duniah ari jitu isi dulatani, anama kah taka mak'ah sa hibareesini ginta umamu duniah, kit'aawa jirena kesa, kah imoleh hola gurijiru, kah malsuh gorani. ⁹ Od'ooh anama guri kawate wa chakamsu. ¹⁰ Yoh anamah gara boojuma gesanu inileh gara boojuma su taah. Od'ooh anamah warana ijetu, aba sule warana ijesani. Bet'etunih bere degi omsati yoh abdih tah degi k'ukuloah. ¹¹ Dewie bineesa diwi derge isa kaa lafi kesa beu. Gaafi lami kawa aki imole hola dewie aki bofi guduuyuah d'ubaat'a. ¹² Inile guudina isa t'ut'u kawa aki bineesa dura, yoh duuniah afi degi duuniah suni ari t'et'echuh bineesa dura suni dulatani-kaa malsu mad'aa lubu fayesuni. ¹³ Inile walalchisa guduuyuh midase, tah dendeecha abidah gari waakati wame duri denga. ¹⁴ Hakeki sa jaweni wi midasa itikanane, degi lafi ari jirtu suni sowe, ke itihime talagah nuh midasa tah hila bineesa fachoani murani, egiah t'et'aleh amale lubuah jirah. ¹⁵ Jaweeni itikanane t'ah talaga bineesi suni hargafatuh dewie dendeecha itikanane tah aboti bineesi suni dulano dipthu hiijesani. ¹⁶ Inile anamah t'ut'u rujise, kaah ufidendeu afi kaa ufi dendeenye, halaka afi deega, saad'anah afi booja guah aribuani harka sani kaa mid'aah yoh adih sani arah. ¹⁷ Malsuh hindedefichatu wi himbituh odohkuuni himbitatuh yoh inini guah bineesa hinkamne tah lakosa mak'aa isa himtuh.