¹ Ilaaleh d'erge imooleh hoola ana dura ijetah tuliicha Zionih ara. Isani wuliini malsuh 144,000 kah mak'a isaati ifi mak'a Abah isah bareesani fuula isaani ara. ² K'oonk'oh guduyuh d'erge tah samah d'uptu akuma gururaasuh bisaani gudah tifi bakakah. K'oonk'oh ana d'erge suni aka silaateh d'oochuh faagatih faagah d'aanih. ³ Isaani sirba hareesa d'ane dura barchuma hayumah afi dura uumama afurih amaleh dura maangudoh ah. Namah hinjiruh kah dendee sirba suni ufa barsiisu wah 144,000 hinteini kah malsuh jirachisane lafa kesa. ⁴ Isaani nkuni dega nad'eenifih ufa hih yakine, isaani daayuma ufa ara k'ulk'ulisani. Isaani nkuh dega jiraachisane anamah kesa akuma baasuh dursah tah Waak'a amaleh imooleh hoola. ⁵ D'ara kesaatih hih d'egenyeh afaani isani kesa, namu hih aalaneh. ⁶ Malaikah d'iwih derge k'aasa kesa ideemtuh, tah malsuh oduh muumeh ah k'abdu tah malsuh anamah lafa ara jiru oduh daansah iti himtuh - lafa t'uut'umah - gosa- Afaana, amaleh anamah. ⁷ Keh waame k'oonk'oh guduyuani, ''Waak'a sodaadah amaleh hayuma isah. Malyenani wogah adaawa isah hah d'upteh. Isa dulad'ah, isa kah samah mid'aase, lafah, maanyah, amaleh lagooleh bisaanih. ⁸ Malaikah d'iwih- Malaikah lameesah- iti d'aabdeh wah ishiini yete, hah lafa d'ooche lafa d'ooche Babilooni guduyuh, tah lafa t'uut'umah daad'ih dugaanu tah daayumah kesa keeche, daad'ih tah dalansuh guduyuh iti dupteeni'' ⁹ Malaikah d'iwih- Malaikah sedeesah- Isaani kaanti daabde, wah ishiini yete k'oonk'oh guduyuh ani, ''Yoh anamah ani bineesa kanaafi uumama isa dulatuh, amaleh guah k'au fuula isaatifi harka isa ara, ¹⁰ Inileeni amaleh daad'ih d'uga tah dalansuh Waak'a daad'ih malsuh mid'aasaneh K'uk'ulooche dalansuh isa gura koore ah kesa hidarini. Anamah ishih d'ugu hinhashaara abida kib'iritih atiifi dura malaikah k'uuk'uloh isaatifi dura imooleh hoola. ¹¹ K'aya hanshaara isaanih arani d'ek'a guyah t'uut'uma amaleh muumeh, isaaleni haara hinbaafatanuh guyah yoh halkani -Isaani kah dulatuh bneesa afi uumama isah, amaleh anamah guah mak'a isah d'akawe. ¹² Berentuh ni bere waamicha anamah omsaafi K'uk'uuloh ati , dega seera Waak'a afi abdih Yeesuh ah k'awatu.'' ¹³ K'oonk'oh d'ega tah samah d'uptuh, ''Ishih tana bareesa. Eebini kah dega Aaboh ah kasaatih dudutuh.'' ''Dugah,'' Hara tini yete'' Suniini hara baafatanih hujih isaanih kesa, malyenani tochih isaani isaani hordoptih.'' ¹⁴ Ilaaleh amaleh duumesa adih d'erge, inileeni duumesa suh ara tah aka gurbah anamah. inileeni goomfatuh K'aluah k'awa matah isah ara amaleh biloh k'ara harka isa kesa. ¹⁵ Eegiah Malaikah d'iwiini hek'aluh kasa d'upte amaleh k'oonk'oh guduyuh ani nama duumesa ara tau suni waame. ''Biloh kenkeh fed'ed'ih duumesa amaleh ch'apsatih iti d'aawi. Malyenani wogah ch'apsanoh ah haha d'ufeh, aka ch'apsanoh lafah bichaateh suniifi.'' ¹⁶ Eegiah kah malsuh duumesa ara tani suni biloh isa lafa gula baafate, lafaaleh kaaneh ch'apsane. ¹⁷ Malaikah d'iwileni kaateh hek'aluh kasa baateh samah kesa. Inileeni biloh k'arsah k'au k'awa. ¹⁸ Akuma suni deewiteh malaikah diwiini d'akaacha baasih ah kasa d'upte Malaikah dendeechah k'abduh abida ara. Keh k'oonk'oh guduyuani waame gara Malaikah malsuh biloh karsah k'au gula, ''Biloh kenkeh kah karsah kau fuud'ih jifuh magaada tah zabibuah wultijachaasi gara muk'a ishiah tah lafah, malyenani zabibuni hah bichaateh.'' ¹⁹ Malaikah nsuni biloh isah darbateh lafa gula amaleh Zabibuh ch'apsanisuh wulti jachaase tah lafah eegiah keh ishih darbate dalansuh Waak'a guduyuh gula. ²⁰ Urga zabibu iti minchani suni iti jigane ifa worah amaleh d'iigani ishiah kasa yaeh tanumaani d'eerini gari fardah geechu, aka maili dibah sedetamah shenih.